المشاركة الأصلية كتبت بواسطة kiapicanto2014
ازيكم يا جماعة ...
عاوزة اسألكم على حاجة .. هو عادى انه واحد لما يجى يتقدم لواحدة يسألها هى مدكنة اد ايه فى البنك؟ و هل لو رفضت تجاوب و زعلت من السؤال دة هل ده معناه انها مش واثقة فيه؟ و هل ده من حقه اصلا انه يسألها السؤال دة مع انها مسألتوش اصلا عن مرتبه و لا فلوسه و اكتفيت انه معاه شقة و شوية تفاصيل عادية من اللى الاهل بيسألوا عنها قبل الجواز؟ و هل فعلا الأسئلة دى عادية و أنا اللى مكبرة الموضوع و لا ده معناه انه شخص طماع و حاطط عينه على فلوس مراته فى المستقبل؟
حاجة كمان بقى
هو انا المفروض علشان بشتغل اكون بالضرورة محوشة اى فلوس يعنى؟
انا ممكن يكون مرتبى اصلا صغير و بصرفه على العربية و الموبايل و شوية حاجات من بتاعة البنات و الحمد لله على كل حال بس ليه كل الناس فاكرة انه طالما معنديش بيت و لا زوج يبقى محوشة مبلغ كبيييييير فى البنك و ممكن ما يكونش عندى غير الاكونت اللى بينزل عليه المرتب اصلا :e_braces[1]:
هو ليه الماديات بقيت صعبة اوى كدة فى زماننا يعنى زمان البنت كانت بتتخطب علشان جمالها او اصلها و عيلتها و اخلاقها و ممكن ثقافتها لكن بقى بتقبض كام كمان من مواصفات العروسة و لا ايه
انا اول مرة احس ان الماديات مهمة اوى كدة و معنديش فكرة التحويش دة الا يعنى حاجات بسيطة لكن مش قاعدة و بصرف عادى بس حسسونى انى هبلة و الناس بتحوش و تشترى اراضى على شقق بالتقسيط و انا اصلا حتى لو حوشت مش هوصل للدرجادى .. انا مذبهلة :_alshmokh08[1]::_alshmokh08[1]: