عرض للطباعة
من عز العرب حالا اكد ان شحنة الجين تو 2015 وصلت الميناء وهتكون مطروحة للبيع بالاسواق منتصف يناير 2015 لكن السعر هيرتفع وهتصل سعرها 120 الف او 121 الف جنية وهى بنفس الشكل والمواصفات
وافادوا ايضا بنزول السيارة بريفى منتصف العام بداية من شهر مايو القادم
ايه مبرر ارتفاع السعر ده الاوروبي المفروض كمان هايرخص والدولار فعليا ثابت ما ارتفعش فيه ايه ؟
الاوروبي مش هيرخص عمرهاقتباس:
المشاركة الأصلية كتبت بواسطة memo_p910
الجمارك هتنزل و الوكيل هيزود السعر اكتر
غير الدولار اللي هيزيد
غير إن كله اسعاره زادت مجتش علي بروتون
اقتباس:
المشاركة الأصلية كتبت بواسطة omar mahmoud
فعلا كلامك مضبوط
مش مهم زيادة شوية المهم انها الحصان الرابح وواحدة من اهم العربيات حاليا بالسوق المصرى متوفرة 2015
عربية كانت ايام ما اشتريت الفيرنا ب 86 الف الاتوماتيك النهارده تبقي ب 120 الف المفروض نضيفها لعجائب الدنيا واللي بنشوفه في مصر مع احترامي الكامل للجين تو وكان نفسي اجيبها بس للاسف معرفتش اجمع ال 113 الف بتوعها
مافيش مبرر لأرتفاع السعر ابدا انا مستنيها تنزل بس على الاسعار دى هرجع افكر تانى فى بيجو 301 لان بصراحه كده كتير فعلا من سنتين الاوتوماتك كان ب 90 الف ايه الزياده الرهيبه دى
اقتباس:
المشاركة الأصلية كتبت بواسطة treeka84
مهى البيجو زادت عن مانزلت برده
وشكلها وأدائها عواجيزى واعادة الببيع ليها وحش عكس الجين2 بتتباع هوا
احنا ممكن نتقبل زياده الفين مثلا يعنى لو المانوال بقى 111 الاوتو 117 او 118 شغال انما لو اكتر دون تغيير فده يبقى تهريج
انا مش بدافع عن بروتون انا هتكلم عمومااقتباس:
المشاركة الأصلية كتبت بواسطة treeka84
عربية زي الكورسا اعلي فئة كانت ب120 الف جنيه او اكتر حاجة وقت ما الجين كانت ب90 اوتو
في السنتين دول الدولار زاد و زود اسعار قطع الغيار كلها بلا إستثناء و الاسعار كلها يعني الكورسا بقت اعلي فئة فيها ب145 الف وقتها و المانيوال ب120 الف جنيه... غير كدة كل العربيات هتغلي مفيش حاجة اسمها عربية هترخص و ده هيحصل علي بداية السنة
العربيات كانت المفروض ترخص وقت ما البنزين غلي و اللي حصل إن العربيات مستعمل/جديد اسعارها غليت.
ماهو كل ال 2015 سعره ازيد من 2014 مش بس بروتون .. وبردو سعرها مبالغ فيه زي كل العربيات
الافيو 2015 هتوصل 109 الف يااخوانا
شكلها قدم خلاص
الاسعار عامة على كل السلع والخدمات بتزيد سنويا زيادة اعلى بكثير جدا من الدخل ودة تراكمات قديمة وسياسات حالية فاشلة ...مفيش دولة بالعالم ولا حتى افريقيا الفجوة العميقة اللى بين الاسعار والدخل دى موجودة عندهم ودة لة تفسير واحد فقط وهو الفساد والسرقة اللى موجودة فى مصر منذ عام 1975اقتباس:
المشاركة الأصلية كتبت بواسطة omar mahmoud
ماهى الحسبة محسوبة وواضحة جدا لكل الناس بس للاسف الناس كلها ساكتة لانهم منقسمين فئات منهم المستفيد الاكبر من الفساد المستشرى بجسد مصر ومنهم اللى كان مسافر او لسة مسافر فدخلة المادى مرتفع ومش هتفرق معاة والفئتين دول مع ان دخلهم المادى مرتفع فبيدعوا الفقر وبيدخلوا فى هوجة الناس المطحونة اما الفئة الاكثر تاثرا فهى اللى لا سرقت ولا فسدت ولا سافرت وهى فئة مغلوبة على امرها
معلش انى اتكلمت من الناحية دى بس الراجل بتاع عز العرب بيقول انهم رخصوا الجمارك فعلا 10% بس على سعر الدولار الرسمى بقيمة 7.15 جنية واللى اتحدى حد بمصر يقدر يجيب دولار واحد بالسعر دة ولكن الناس دى بتستورد بسعر 7.80 او 8 جنية فتخفيض الجمارك دة ملوش اى معنى
الموضوع طويل اوى وكل اللى احنا فية دة من ظلم وجبروت وذل وهوان نتيجة سياسات وضعها شخصان فقط باعوا البلد وسلموها تسليم اهالى للفاسدين والحرامية وهما انور السادات وحسنى مبارك
عفوا فى الاطالة
على فكرة يا جماعة فى نقطة تانية ممكن ماحدش يكون واخد باله منها إن زمان أول ما الجين نزلت كانت الحكومة الماليزية مدعمة العربية فى مصر تحديدا و بعض الدول و الكلام ده كان من مسئولى التسويق فى عز العرب و الناس القديمة بتاعة Gen 2 Club و Proton Club عارفة موضوع الدعم ده و كانت سعر الجين 2 فى مصر بيساوى تقريبا سعرها فى ماليزيا بحساب فرق العملة يعنى لما كانت تمنها فى مصر 90000 كانت فى ماليزيا بحوالى 40000 ل 45000 رينجت (العملة الماليزية) وقت ما كانت بتعمل حوالى 2 جنيه أما حاليا فعلاقتنا السياسية بماليزيا للأسف مش طيبة و بشكل رسمى و معلن بدليل إنها واحدة من 6 دول اتفرض ليهم موافقة أمن الدولة قبل السفر فممكن جدا الدعم ده يترفع.