قضيه سب و قذف !!!!

**khaled_sabry** · 31-12-2014 04:27 PM

السلام عليكم
الموضوع عن مشكله بصراحه مش عارف احدد ابعادها
اللى حصل ان اخت مراتى مره من شهر او اتنين اخدت ابنها من الحضانه لاقيت صاحبه الحضانه بتقولها ماتزعليش و هو "عمل على روحه" و احنا عاقبناه :)
اخت مراتى خدت الكلام عادى لغايه لما روحت لاقت اثر حرق بعود كبريت فى كف الولد
طبعا هى اتجننت و راحت الحضانه تانى يوم و هات ياشتيمه و تهزيق (بس بدون تعدى او تشابك بالايدى) و فرجت عليها الشارع كله لدرجه ان صاحبه الحضانه فى الاخر فقدت الوعى
مره واحده لاقينا الخميس اللى فات محضر من المحكمه بيخبط على باب بيتها علشان تحضر جلسه جنيه سب و قذف !!!
عرفنا بعد كده ان صاحبه الحضانه رفعت قضيه سب و قذف على اخت مراتى و طبعا كان فيه شهود كتير و كمان صاحبه الحضانه لما اغمى عليها ووقعت اتكسرت و هى عملت كشف طبى كاثبات حاله

فهل فيه مخرج من الموضوع ده او حد اتعرض للموضوع ده قبل كده لاننا مش عاوزين بهدله خاصه ان الموضوع اصله هايف
و اسواء الاحتمالات ايه اللى ممكن يحصل ؟؟

**AHMED12345678** · 31-12-2014 04:29 PM

فورا ...... تخلى اخت مراتك تعمل محضر بواقعه حرق ابنها من قبل الحضانه
وموضوع السب والقذف اذا ثبت فممكن جدا الحبس والغرامه

**ahmedwagdy03** · 31-12-2014 07:31 PM

عادة بتبقى حبس مع وقف التنفيذ و غرامة و مع المعارضة بتبقى غرامة

انا بشوفهم بيحكموا بكدة لإنى مش محامى

**Abo_Mazen** · 31-12-2014 08:14 PM

المشاركة الأصلية كتبت بواسطة ahmed12345678

فورا ...... تخلى اخت مراتك تعمل محضر بواقعه حرق ابنها من قبل الحضانه
وموضوع السب والقذف اذا ثبت فممكن جدا الحبس والغرامه

للأسف مدام فات 24 ساعة على واقعة حرق يد الطفل بدون إثباتها بمحضر رسمي هيبقى أي إجراء بعد كده يعتبر إجراء كيدي وخاصة إن تاريخ محضر حرق يد الطفل هيكون بعد تاريخ دعوى السب والقذف ..وممكن المحامي بتاع صاحبة الحضانه يلعب على الحته دي لصالح صاحبة الحضانه

**mohamed_selim** · 01-01-2015 01:56 AM

عايز الصح قانونا و اخلاقيا ولا عايز اللى يمشى فى البلد؟
الصح قانونا انكم تحلوها بقعدة صلح و للاسف هتيجو على نفسكو و تستحملو و برضه شوف محامى عشان تحدد هتستحملو لحد فين

اما لو عايز تخلص تروح تشوفلك معرفه فى مستشفى حكومى و تعمل تقرير علاج اكتر من ٢١ يوم و تروح تعملها محضر تعدى و قضيه قصاد قضيه و الاتنين يتلغو قصاد بعض .... و غالبا هتحتاج تجيب كام شاهد زور !

ممكن حل برضه لو ليك حد واسطه و يكلم حد فى الشئون الاجتماعيه لانهم هم اللى بيشرفو و يفتشو على الحضانات و يحسسها ان لو محصلش صلح هيقرفها و انكم ناويين تشتكوها و ده ممكن يسحب تراخيص الحضانه .... او لو قريب ليكم فى الجيش او الشرطه

انا شخصيا هروح للحل الاول و اصلا كنت هعمل اثبات حاله باللى حصل و تقرير للولد من المستشفى من الاول ،،،،

**khaled_sabry** · 01-01-2015 08:24 AM

المشاركة الأصلية كتبت بواسطة mohamed_selim

عايز الصح قانونا و اخلاقيا ولا عايز اللى يمشى فى البلد؟
الصح قانونا انكم تحلوها بقعدة صلح و للاسف هتيجو على نفسكو و تستحملو و برضه شوف محامى عشان تحدد هتستحملو لحد فين

اما لو عايز تخلص تروح تشوفلك معرفه فى مستشفى حكومى و تعمل تقرير علاج اكتر من ٢١ يوم و تروح تعملها محضر تعدى و قضيه قصاد قضيه و الاتنين يتلغو قصاد بعض .... و غالبا هتحتاج تجيب كام شاهد زور !

ممكن حل برضه لو ليك حد واسطه و يكلم حد فى الشئون الاجتماعيه لانهم هم اللى بيشرفو و يفتشو على الحضانات و يحسسها ان لو محصلش صلح هيقرفها و انكم ناويين تشتكوها و ده ممكن يسحب تراخيص الحضانه .... او لو قريب ليكم فى الجيش او الشرطه

انا شخصيا هروح للحل الاول و اصلا كنت هعمل اثبات حاله باللى حصل و تقرير للولد من المستشفى من الاول ،،،،

هما فعلا دلوقتى بيحاولو معاها يحلوها ودى - بس الست دماغهه ناشفه
و للاسف ماحدش فكر يعمل اثبات حاله بالحرق اللى حصل للطفل لان ماحدش كان متوقع ان الموضوع يتطور لكده
و طبعا ماينفعشى نعمل اى حاجه دلوقتى علشان الموضوع ده عدى عليه اكتر من شهر

**adelghanem** · 01-01-2015 10:05 AM

اعتقد ان الحل الان الصلح
باى طريقه عن طريق معارف
للمديره .عن طريق محامى
ولازم يكون ثقه للمديره لانى
اعتقد ان اخت المدام بهدلتهم
وطبعا قالت كلام زى والله لاشتكيكم
وابهدلكم وكلام من ده فما كان من المديره
انها سبقت وعملت المحضر..
طبعا اللى عملته الحضانه
شيئ غير ادمى ويحرق الدم
كان المفروض عمل تقرير طبى
لحاله الطفل الاول بس اللى حصل حصل..
حاولوا الصلح.

**S O P H O S** · 03-01-2015 10:57 PM

لا افضل حل المشكلة بمشكلة
رأي الاعتراف بالخطأ والتصالح اقصر الحلول

**الفجر** · 04-01-2015 01:40 AM

الحق نفسك لسة الممثلة شيرين واحدة سنة سجن بسبب قذف ضد الممثل المشهور اللى اخر اسمة منير مش فاكر اسمة

بس قضية مشهورة على النت واتحلت ودى وكان ممكن المغنية شيرين تتحبس فيها

**Maun00** · 04-01-2015 10:33 AM

المشاركة الأصلية كتبت بواسطة mohamed_selim

عايز الصح قانونا و اخلاقيا ولا عايز اللى يمشى فى البلد؟
الصح قانونا انكم تحلوها بقعدة صلح و للاسف هتيجو على نفسكو و تستحملو و برضه شوف محامى عشان تحدد هتستحملو لحد فين

اما لو عايز تخلص تروح تشوفلك معرفه فى مستشفى حكومى و تعمل تقرير علاج اكتر من ٢١ يوم و تروح تعملها محضر تعدى و قضيه قصاد قضيه و الاتنين يتلغو قصاد بعض .... و غالبا هتحتاج تجيب كام شاهد زور !

ممكن حل برضه لو ليك حد واسطه و يكلم حد فى الشئون الاجتماعيه لانهم هم اللى بيشرفو و يفتشو على الحضانات و يحسسها ان لو محصلش صلح هيقرفها و انكم ناويين تشتكوها و ده ممكن يسحب تراخيص الحضانه .... او لو قريب ليكم فى الجيش او الشرطه

انا شخصيا هروح للحل الاول و اصلا كنت هعمل اثبات حاله باللى حصل و تقرير للولد من المستشفى من الاول ،،،،

هو الحل التاني عادل جدا لان الست فعلا حرقت الولد فازاي نقول دا مش عدل
هو العدل الهجص الي الست عملتو محضر سب و قذف؟