تحزير من محلين كاوتش ( شارع فيصل + ميدان جهينه 6 اكتوبر )

**eng_amg** · 02-01-2015 04:27 PM

المشاركة الأصلية كتبت بواسطة ashrafwolf

المهم انه خلص حقه و ساب الرجل يكمل نصب و سرقه
حسبي الله و نعم الوكيل في جارك
لانه انسان مقصر في عمله
و لانه استغل وظيفته و سلطته اخدمة نفسه بشكل اناني

أنا معاك إنه إستغل سلطته في إسترداد حقة. لكن لا ألومه علي عدم إتخاذ موفف أكثر من هذا للأسباب التالية
لأن ببساطة يستحيل إثبات قانونا أنه نصاب. أو يعمله محضر.. فكر فيها حيعملها إزاي؟
ولو أخذه علي القسم ولفقله قضية حيبقى عمل ((قذر)) زي كثير من الضباط إلي بيتخانقوا مع حد مدني فيقوم واخده علي القسم وحاططله سلاح في الملف ويعمله قضية.
أعتقد إن دا أضعف الإيمان

**EngAhmedSayed** · 02-01-2015 07:43 PM

شكرا على التحذير

**احمد المصرى** · 04-01-2015 09:46 AM

فعلا الموضوع بقا مستفز جدااااااااااااااااااااااا

**ABOELLEEL** · 04-01-2015 09:59 PM

انا رايح جاى على الراجل دا(شارع فيصل) وحفظته ولا حاولت اقف عنده مره
وفى برضوا شل (توتال دلوقتي) فى الهرم وانت جاى من الجيزة
كانت الفردةمريحة لبسنى خمس اخرام بس عملت معاه الجلاشة روحت مشوارى وبعدها فس العجل وارجعله هتلاقى كل اللحام الداخلى فصل اديتهمله واخدت فلوسى وركبت الاستبن بس الفردة سافرت

**HayTh** · 15-01-2015 01:39 AM

ياجماعة لازم نشوف حل للواد بتاع فيصل ،انا بقالي 4 سنين بشوفه وكل الي اعرفهم حصلهم مواقف معاه !

**احمد المصرى** · 21-01-2015 09:36 AM

المشاركة الأصلية كتبت بواسطة hayth

ياجماعة لازم نشوف حل للواد بتاع فيصل ،انا بقالي 4 سنين بشوفه وكل الي اعرفهم حصلهم مواقف معاه !

الحل ان محدش يتعامل معاه يوتعرف انه حرامى ابن ستين ......... ولما محدش يتعامل معاه مش هيعرف يدفع ايجار المحل وهيقفل ونرتاح منه

**احمد المصرى** · 21-01-2015 09:42 AM

كنت ماشى من كام يوم عند المحل ال فى شارع فيصل وتحديدا امام شارع المستشفى لقيت الشاب العسول بيقول لعربيه العجل ناميه رحت رايحله وقلتله كدا حرام العجله مش نايمه لقيت الوش اتقلب وقالى لاه العجله نايمه قلتله انت تبع المحل ال بعد كام متر والناش كلها عارفه والعجل سليم مفهوش حاجه قالى انا مش تبع محلات ولا بتاع

رحت سايبه وماشى

بعديها بكام يوم رحت معدى على بتاع الكاوتش نفسه اول لما ركنت بالعربيه قالى تعالى بوشك ( هو انت عارف انا عايز ايه اساسا ما يمكن هزود العجل بس ساعدها عرفت انه نصاب محترف ) المهم نزلتله قلتله على فكره فى ناس واقفه هناك وشاورتله على المكان وبتقول العجل نايم للعربيات والناس بتقول ان المحل هو ال موقفهم وهيبوظوا سمعتك قالى انا بلغت عنه البوليس ومش هعملهم حاجه والله ولقيت قطه سيامى بتتكلم قلتله بلغت البوليس قلتله ان انا محل كاوتش وفى ناس بتقول العجله ناميه وكدا قالى ايوه والله يا بيه ساعدها كنت عايز اضربه علشان كمان نصاب وكذاب وعبيط يعنى حتى مش عارف يصيع

وفى الاخر قلتله اهم حاجه الاكل الحلال وسمعتك على النت فى اكتر من مكان ذى الفل وانت اتشهرت جدااااااااااااا قالى انا عارف وفى ناس عملنى صفحه على الفيس بوك وتقريبا هما عائله واحده لان كان فى سيده شكلها غلط قاعده عنده وتقريبا كلهم عائله فى بعض عائله نصابه