برجاء المساعدة العاجلة بخصوص فتيس a516
السلام عليكم ... أنا عضو حديث الإنضمام لأسرة "اسبيرانزا" ولسه شاري A516 من فترة بسيطة ... المهم بقالي يومين عندي مشكلة غريبة ف الفتيس ...
الصبح بدري وانا نازل بعد ما أسخن العربية وأحاول أجيب أي غيار بلاقي عصاية الفتيس قافشة وناشفة خالص ومش عاوزة تلقط اى غيار ... بتتحرك ف ايدي عادي بس مش عاوزة تجيب اى غيار وببقي خايف العصاية تتكسر ف ايدي ... المهم بعد محاولات بعشق الغيار الاول وبتتحرك العربية ومع المشي الغيارات بتفك ويبقى الاداء مقبول نوعا ما (الغيارات مش بتيجي بنعومة زي الاول) ...
برضو لما ركنتها النهاردة الصبح حوالي 3 ساعات رجعت احركها لقيت نفس المشكلة بس أخف من الصبح وقدرت اعشق الغيار الاول ...
المهم كشفت ع زيت الفتيس ولقيته كويس جدا ونضيف ومش ناقص خالص .... طب كده المشكلة فين بالظبط !!!! :U_thin1[1]:
**ملحوظة: دواسة الدبرياج ببقي دايس عليها وبتبقى العربية مش ثابتة وبتمشي بسيط ... لازم ادوس جامد للأخر عشان تفصل الحركة خالص وانا واقف ف الاشارات .... هل كده أشك فى ماستر الدبرياج ولا ايه الموضوع !!!! :Copy of majd(4):