سلبيات الهجرة

**prof2013** · 01-01-2015 10:53 PM

المشاركة الأصلية كتبت بواسطة أحمد كمال

طبيعي برة فيه فقرا و شحاتين و مشردين

الحياة مش وردية و الفلوس مش بالشوال اغرف و عبي

عشان تعيش كويس هتتفحت

بس الفرق بين برة و هنا

1- متوسط الحياة برة احسن من متوسط الحياة هنا

2- برة لو تعبت هتلاقي حتى لو تعبت في محطة بنزين او بيتزا ديليفيري حتى ......

انما برة مش جنة انهارها تفيض لبنا و عسلا ....... و في نفس الوقت مش بالسواد اللي بيصوره البعض

بس فيه بعض الدول الاوروبية الحياه فيها وردي
زي ان الشباب العاطل بيطلعله مرتب من الحكومه دا غير العلاج ببلاش غير امريكا كل حاجه بتتسجل عليك ما فيهاش حاجه ببلاش

**أحمد كمال** · 01-01-2015 11:54 PM

المشاركة الأصلية كتبت بواسطة prof2013

بس فيه بعض الدول الاوروبية الحياه فيها وردي
زي ان الشباب العاطل بيطلعله مرتب من الحكومه دا غير العلاج ببلاش غير امريكا كل حاجه بتتسجل عليك ما فيهاش حاجه ببلاش

مش زي ما انت فاهم برضه ........ المرتبات دي بتبقى بشروط و حد اقصى للمدة الزمنية و المبلغ الخ الخ الخ..... و الكلام ده غالبا بيبقى للمواطنين مش للمهاجرين ....

مش سهلة كده و الا كان كل الناس في الدول دي قعدت في البيت و خدت فلوس و خلاص ..... و مش هيديك مرتب اعانة بطالة يعيشك برنس يعني ..... بيديك اللي يكفيك يادوبك

**prof2013** · 02-01-2015 12:31 AM

المشاركة الأصلية كتبت بواسطة أحمد كمال

مش زي ما انت فاهم برضه ........ المرتبات دي بتبقى بشروط و حد اقصى للمدة الزمنية و المبلغ الخ الخ الخ..... و الكلام ده غالبا بيبقى للمواطنين مش للمهاجرين ....

مش سهلة كده و الا كان كل الناس في الدول دي قعدت في البيت و خدت فلوس و خلاص ..... و مش هيديك مرتب اعانة بطالة يعيشك برنس يعني ..... بيديك اللي يكفيك يادوبك

عموما لما تجيلنا نبقى نفكر
بقولك ايه
سمعت ان المحافظه ليها دور في نتيجة اللوتري
يعني لو انت من محافظه العدد اللي مقدم فيه قليل نسبه نجاحك بتبقى اعلى لان الفرز بيبقى على مستوى المحافظات
صحيح الكلام ده ولا ايه ؟

**أحمد كمال** · 02-01-2015 12:36 AM

هجص .... الدولة مش المحافظة .... و مصر كده كده تاني اعلى دولة في العالم في الموضوع ده

**prof2013** · 02-01-2015 12:46 AM

المشاركة الأصلية كتبت بواسطة أحمد كمال

هجص .... الدولة مش المحافظة .... و مصر كده كده تاني اعلى دولة في العالم في الموضوع ده

بس سمعت ان الكمبيوتر بيعمل كذا فلترة الاول على مستوى الدول وبعد كده بيختار الحد الاقصى لكل دوله على مستوى المحافظات يعني لو بياخدوا 10 الاف من مصر كلها الكمبيوتر بيختارهم على مستوى المحافظات من كل محافظه شويه بعد استبعاد المخالف
وبالتالي تلاقي بتوع الصعيد معظمهم بيكسبوا عن بتوع القاهرة واليكس لكثرة عدد الاخير وقلة عدد المتقدمين من الصعيد

**prof2013** · 02-01-2015 01:04 AM

المشاركة الأصلية كتبت بواسطة maun00

في اية امريكا وحشة و في اية بتسأل عن الديفيرستي؟
وبصراحة انا مبحبش مبدأ الناس بتاع ابو بلاش كتر منو او اني اقدم ببلاش ولو جاتلي ربنا يسهل
يعني انت لعايز لمش عايز
وعلشان كدا بيقبلو 110الف و يتصفصفو على 55 الف :ta_clap[1]:
ناس حويطة ياعم، خواجات بقى

هو فيه احسن من ابو بلاش !!!
بردو لما تيجي نبقى نفكر

**Maun00** · 02-01-2015 01:29 AM

المشاركة الأصلية كتبت بواسطة prof2013

هو فيه احسن من ابو بلاش !!!
بردو لما تيجي نبقى نفكر

ماهو انت بقى لما تيجي تقدم في شغلانة ومتتقبلش متجيش تقول كوسة ودانا الي المفروض يقبلوني
او بمعنى تاني القرعة بتاعة الحج لو بفرض متقبلتش متقولش دا فلان مكنش محتاج و الكلام دا
انا بضرب مثال بس

**أبو آسر** · 02-01-2015 06:38 AM

المقال حلو وقريب جدا من الواقع الأمريكي اللي بنشوفه متجسد في الأفلام بتاعتهم اللي أكيد بتجسد الواقع هناك بدقة
مش لازم أكون عايش في أمريكا عشان أقدر أستنبط الكلام ده .. الميديا مخلتش حاجة
لذلك أنا أفضل جدا أعيش في دولة أوربية ولا إني أعيش في أمريكا
مش تناكة ومش مسألة هو انت طايل والكلام ده ، بس فعلا اللي بيفكر يعيش في أمريكا لازم يأقلم نفسه على مجتمع مباح فيه كل حاجة وإنه ينسى أي قيم أو مبادئ اتعود عليها هنا حتى لو كانت الحياة هنا في المجمل أسوأ من هناك بس أنا شايف المجتمع الأمريكي مجتمع مفكك ومنهار اجتماعيا وأخلاقيا بزيادة عن الدول الأوربية مثلا