السلام عليكم
لو سمحتم استفسار
انا خارج مصر حاليا وعايز افتح سجل تجاري
اية المطلوب وكم التكلفة تقريبا لفتح السجل ؟؟ طبعا بدون تكلفه الايجار ؟؟
ملحوظة ..مجال الشركة استيراد وتركيب المصاعد
السلام عليكم
لو سمحتم استفسار
انا خارج مصر حاليا وعايز افتح سجل تجاري
اية المطلوب وكم التكلفة تقريبا لفتح السجل ؟؟ طبعا بدون تكلفه الايجار ؟؟
ملحوظة ..مجال الشركة استيراد وتركيب المصاعد
اية ياجماعة مفيش اي حد هنا عنده شركة او محامي عارف الاجرائات ؟
عليكم السلام ورحمة الله و بركاته
المحامي بياخد من 1000 ل 1500
عشان يعملك سجل و بطاقة ضريبية و بطاقة استيرادية و لو عاوز يكتبلك عقد ايجار مثلا
بتعمل توكيل والمحامي بيديك الصيغة اللي تعمل بيها التوكيل.
البطاقة الاستيرادية ب 4000 و التصديرية ب 500.
طيب لو بدون بطاقة استيرادية ...يعني هعمل الشركة مقاولات وتركيب مصاعد فقط لا غير
ولو عندي انا المحل موجود فعليا ؟
انا عايز اعرف رسوم الدولة كام والاجرائات اية وبتاخد كام وقت
معرفش لو فيه رسوم اضافية على شركة المقاولات انا مش محامي, انا بقولك بناء على خبرتي على شركة الاستيراد بس. السجل التجاري و البطاقة الضريبية تكالفيهم مش كبيرة و تقدر لو حضرتك في مصر تعملهم بنفسك طبع وبياخدوا اسبوع عشان تخلصهم .
والافضل محامي لان فيه حاجات بيفهمها المحامين أكتر من غيرهم. و اعتقد فيه معانا هنا زملاء محامين ممكن تسألهم عندهم خبره كبيرة
متشكر جدا استاذ هيثم
جزاك الله خير
الرسوم بتكون حسب رأس المال اللى هتعمل بيه السجل
يعنى لو راس المال مثلا لو 15 الف هتدفع عليهم تقريبا 750 جنيه ولازم طبعا البطاقه الضريبيه الاول... ولو الرقم اقل الرسوم بتقل
انا مش فاكر الرقم بالظبط بس ده قريب جدا لانى كنت ماشى فى اجراءات ترخيص واتعقدت الدنيا على موافقه هيئه الاستثمار من سنه تقريبا
لكن الرقم قريب جدا
محامى افضل يخلصلك كل حاجه واعمل بطاقه استيراديه مش هتخسر حاجه
التصديريه هتحتاج تاخد كورس شهر من هيثه الصادارات بشيراتون علشان تطلع بطاقه تصدير او ملف مصدرين
بس الموضوع ابسط مما يكون بس خلى بالك من يوم ماتفتح شهاده ضريبه المبيعات والضرايب العامه
الترخيص بيكون من هيئة الاستثمار ولا من وزارة التجارة ؟؟اقتباس:
المشاركة الأصلية كتبت بواسطة طارق _عبد السلام
واية اللي يخلي هيئة الاستثار ترفض ؟
نفس السؤال..اقتباس:
المشاركة الأصلية كتبت بواسطة حسام الغرباوي
هيئة الاستثمار حضرتك مبنديش تراخيص بنأسسلك فقط و بيطلعلك سجل تجاري و بطاقة ضريبية و كل ده من نفس المكان (One stop shop) في هيئة الاستثمار..لكن لو نشاطك بيحتاج تراخيص معينة زي صناعي ده بتحتاج بعد التأسيس تروح لهيئة التنمية الصناعية تاخد موافقتهم او لو مستشفى لوزارة الصحة وهكذا...
حضرتك لو هتأسسها لوحدك هتبقى منشأة فردية و مصاريفها 110جنيه اياً كان رأس المال (في شركات الاموال و ال بتكون نسبة% لرأس المال) و بتاخد قرار التأسيس للمنشأة الفردية و السجل التجاري في نفس اليوم من الهيئة.
لو حضرتك بره مصر هتحتاج تعمل توكيل لأي حد يكون من صلاحيات التوكيل: تأسيس الشركات و التعامل مع الهيئة العامة للاستثمار .
اصل الموضوع عندنا كبير قال ايه بيشجعوا القطاع الخاص واجمل تعقيد فى الدنيااقتباس:
المشاركة الأصلية كتبت بواسطة حسام الغرباوي
هيئه الاستثمار دى بند من عده بنود
الاول بنروح صندوق التنميه يعطينا خطابات موجهه لعده جهات
اولا ضرايب -وبعدين تامينات - وبعدين سجل تجارى - وبعدين سجل صناعى - وبعدين مكتب العمل -وبعدين موافقه الدفاع المدنى وتنفيذ اشتراطاته - وبعدين موافقه الكهرباء -وبعدين موافقه الحى وتنفيذ كل الاشتراطات - وبعدين موافقه البيئه ودى صعبه جدا - وبعدين شده ضوضاء - وبعدها بقى نيجى لهيئه الاستثمار وتدفع مبلغ معين علشان يوافقوا ................................ وبعد كده معرفش لان المحاميه منها لله مش عارفه تشتغل بحجج واهيه جدا ..... لو كنت كملت كنت قلت لك على باقى الخطوات.......وتخيل كل بند عايز مبلغ محترم جدا
ودى مأساه اللى عايز يطلع رخصه لمصنع .. !!!!!!!!!!!!
مع ان اغلب اصحابى شغالين زى الفل والورد من غير تراخيص ولا قرف الروتين لكن نقول ايه
حضرتك بوضحلك مرة تانية, هيئة الاستثمار مش جهة استخراج اي تراخيص و لكن جهة تأسيس فقط! و مصاريف التأسيس معروفة. واضح للاسف ان المحامية مكانتش تمام معاك و بتقول اي كلام.اقتباس:
المشاركة الأصلية كتبت بواسطة طارق _عبد السلام
معللومة مههمة: في قانون الاستثمار الجديد ان شاء الله اللي بيتم مناقشته حالياً بيكون للهيئة حق اصدار كافة التراخيص و جميعها من هيئة الاستثمار.
طيب لو حضرتك تخدمنى تقول لى ايه هى خطوات ترخيص مصنع نسيج دائرىاقتباس:
المشاركة الأصلية كتبت بواسطة sofiman
انا بالفعل كنت ماشى بنفسى فى اغلب الخطوات السابقه وتوقفت لحد موافقه وزاره البيئه والمحاميه استلمت وجابت لى الموافقه وبعدها اشتغالات فعلا وفلوس على الفاضى.. (هيئه الاستثمار قالت لى بناخد منها موافقه ) وبندفع رسوم
لو تكرمت وعند حضرتك خلفيه تقول لى الخطوات الصحيحه
انا اللي ممكن افيدك كويس فيه اي حاجة عن هيئة الاستثمار و التأسيس لكن التراخيص دي لها جهات مختلفة زي هيئة التنمية الصناعية
و لازم المصنع يكون بأحد المناطق الصناعية.
عموماً بحاول اسألك و ابلغك بعلومات اكثر عن الجهات المختلفة
جزاك الله كل خيراقتباس:
المشاركة الأصلية كتبت بواسطة sofiman
معلومات قيمة جدا بس عندي استفسار بعد اذنكاقتباس:
المشاركة الأصلية كتبت بواسطة sofiman
دلوقتي انا هفتح مؤسسة فردية وليست شركة ..وللاسف مش عارف النظام في مصر واكيد مختلف عن هنا في السعودية ....
استفسار هو ...ما هي اول خطوة مطلوبة ؟؟ والخطوات الاخري بالترتيب
هل لابد من تحديد نشاط واحد فقط في السجل ( النشاط المطلوب تحديدا بالنسبة لي هو ....المقاولات العامة ) ومن المشاريع التي اقوم بها تركيب مصاعد ...فهل نشاط المقاولات العامة يتضمن بند مقاولات المصاعد ..ام لابد من ذكرة في السجل ؟
لو امكن الجهات المخولة تحديدة بالنسبة للنشاط المطلوب والخطوات والرسوم للنشاط المطلوب (( مقاولات عامة ))
وجزاكم الله خير