استفسار ضروري في سيراتو ٢٠١٠ توب لاين
لو سمحتو انا اشتريت عربية سيراتو ٢٠١٠ توب لاين مستعملة انا شاريها من سنة وهي شغالة معاية كويس الحمدلله يعني الصيانات العادية بس المهم كنت مسافر واتعرفت على راجل محترم لسه شاري سيراتو موديل ٢٠١٢ توب لاين وشفت عربيته ربنا يباركله فيها وشاف عربيتي وهنا كانت الصدمة قالي ان عربيتي مش موديل ٢٠١٠ دي موديل اعلى من كده قلتلو طيب ازاي قالي عربيتك فتيس ٦ غيار وال ٢٠١٠ بيجي ٤ غيار وكمان ال ٢٠١٠ مفيهاش كاميرا وعربيتك فيها كاميرا وكمان اشارات المريات عندك شريط ليد وده بينزل في ٢٠١١ فما فوق. بصراحة انا اتلخبطت من كلامه وشككني في عربيتي رحت ماخد رقم vin لقيت تاريخ تصنيع العربية 21/6/2009 يعني موديل ٢٠١٠ ولقيت انها ٤ غيار كنت هتجنن معقول العربية مغيرة فتيس يريت حد يفيدني لو سمحتو علما ان العربية اعلى مواصفات فتحة سقف بصمة شفتات طارة كاميرا بتظهر الصورة في المراية حساس نور ومطر سنسور خلفي مرايات ضم كهرباء فيها شريط ليد وليس العريض اللي في ٢٠١٠ وفيها كمان بلوتوث اللي هي الزاير بتعت الاتصال في الطارة هل الكماليات دي ممكن تكون متركبة في التوكيل مثلا ولا في عربيات موديل ٢٠١٠ ممكن تيجي بالكماليات دي وخصوصا قصة الفتيس دي