الموضوع: استفسار ضروري في سيراتو ٢٠١٠ توب لاين

83 مشاهدة ومفيش رد فين اساتذة المنتدى

هيا العربية سعودي لو ممكن حضرتك تتاكدي من الفتيس ٤ سرعات او ٦ سرعات رقم vin knafu411xa5093415 وليك جزيل الشكر

شكرا على الردود يا جماعة طيب يا استاذ احمد والطارة اللي فيها زراير الاتصال بتعت البلوتوث دي بتهيالي صعب تتغير ولا ايه وانا مسالتش في التوكيل على القصة دي بس ودتها لصنايعي كويس قالي دي فتيس الفبريكة ومضربش فيه مفك بس انا اللي مشككني موضوع vin انا لما بحثت لقيت العربية 4 غيار رقم ال vin knafu411xa5093415 يريت برده حضرتك تتاكدي من الموضوع ده

تمام يا استاذ حسام انا نزلت دلوقتي ابص على العربية قلت ممكن الاقي حاجة تدلني عشان انا اتخنقت من العربية فتحت الشنطة ورفعت الغطا اللي فوق الاستبن لقيت مكتوب تحت الغطا b30 وتحتها 2011 يعني بصراحة حاجة تحير انا برده صورت الفتيس والطارة عشان حضراتكم تشوفوها بس مش عارف ارفع الصور على المنتدى ازاي برده في حاجة تانية مهمة هي العربية اساسا كانت نمر الدقهلية وانا اشترتها من تاجر صاحبي من الأقصر كان جابها من تاجر صاحبه من سوهاج المهم ان رخصة العربية كانت باسم واحده وكان على العربية بدج النيابة سالت قالو دي ابوها وكيل قاضي والرخصة كان فاضل فيها سنة فضلت ماشي بالتوكيل حوالي ٩ شهور وبعد كده نقلت الرخصة عادي وهي حاليا باسمي انا بحكي القصة دي ليه عشان ممكن يكون اللي جاب العربية استيراد كانت موديل ٢٠١١ ولعب في الورق مثلا وخلاها موديل ٢٠١٠ عشان الجمرك زي منتو عارفين في ٢٠١٠ كان فيه تخفيض كبير مثلا ممكن ده يحصل طيب ورقم ال vin انا اتلخبطت بصراحة ونفسي افهم ياريت تساعدوني

يا جماعة لو سمحتو حد يساعدني