و انت بتختار الفلوانس كنت بتقارنها مع مين؟ و ليه استقريت على الفلوانس فى الأخر؟

أكيد كلنا كنا فى حيرة و أحنا بنختار عربيتنا الجديدة اللى هندفع فيها رقم كبير و كتير مننا مقسطها و تعتبر طبعاً استثمار للأسرة و المرجو منها توفير ركوبة سهلة مريحة بدون مشاكل
كل واحد مننا عايز بفلوسه يجمع اكتر و اهم المواصفات فى عربية واحدة
امكانيات، كماليات، اعتمادية و توكيل مضمون.... الخ
أكيد لفينا و دورنا و سألنا و درسنا و اتفرجنا و ركبنا و قعدنا شهور لغاية لما استقرينا على الفلوانس

قصتك تهمنا و تهم كل من هو مقبل على الشراء حالياً او لسه محتار و مش عارف ياخد القرار

انا حاطط هنا استطلاع كنت بتقارن الفلوانس مع ايه...طبعاً اخر مقارنة قبل تنفيذ الشراء و ياريت بعد الاختيار تقولنا ليه استقريت على الفلوانس
مشاركتك تهمنا و تهم كل المحتارين

تحياتى

السلام عليكم يا باشمندس هاني...انا اشتريت الفلوانس من اسبوع وكنت بفاضل بينها هي والكورولا والحمد لله اخترت الفلونس لاسباب1-ارتفاعها عن الارض ده كان اهم شئ في الاختيار لاني كان معايا اوبل كورسا وكانت عاليه وعمرها ما حكت في مطب 2-فرق السعر فلوانس ب174 والكورولا 197 بالافر بريس 3-كماليات الفلوانس احسن خصوصا فتحه السقف 4-تصميم التابلوه في الكورولا مش حلو خالص وقعده الكرسي مش مريحه زي الفلوانس5- ان الفلوانس اوربي يعني سنتر وشنطه كهرباء ومكن رفع مع سنتر مش عارف ليه الكوري والياباني مش بيعملوها وكانها حاجه صعبه

اقتباس:

---

المشاركة الأصلية كتبت بواسطة mmsobhi

السلام عليكم يا باشمندس هاني...انا اشتريت الفلوانس من اسبوع وكنت بفاضل بينها هي والكورولا والحمد لله اخترت الفلونس لاسباب1-ارتفاعها عن الارض ده كان اهم شئ في الاختيار لاني كان معايا اوبل كورسا وكانت عاليه وعمرها ما حكت في مطب 2-فرق السعر فلوانس ب174 والكورولا 197 بالافر بريس 3-كماليات الفلوانس احسن خصوصا فتحه السقف 4-تصميم التابلوه في الكورولا مش حلو خالص وقعده الكرسي مش مريحه زي الفلوانس5- ان الفلوانس اوربي يعني سنتر وشنطه كهرباء ومكن رفع مع سنتر مش عارف ليه الكوري والياباني مش بيعملوها وكانها حاجه صعبه

---

اشكر حضرتك جداً على المشاركة و على ذكر الأسباب لأستفادتى انا شخصياً و استفادة كل المحتارين
مبروك على الفلوانس و تستمتع بيها....ربنا يديك خيرها و يكفيك شرها

كل سنة و حضرتك طيب

تحياتى

موضوع مهم فعلا....تحياتي

كنت بقارنها مع سوبارو xv ..... و أخترت الفلوانس علشان الأوبشن العالي لأني من هواه التكنولوجيا الحديثه و طبعا سعرها معقول أوى .

واحد من القرارات الصعبة .. هو قرار شراء سيارة جديدة


أربعة شهور بالتمام هى ما إستغرقته عملية إتخاذ القرار بالشراء منذ الشرارة الأولى لميلاد فكرة تغيير السيارة


ندخل فى الموضوع ... بدأت تصفيات البطولة بــ 14 ماركة يمثلها حوالى 24 موديل مختلف فى مجال سعرى يتراوح مابين 130 ألف جنيه حتى 210 الف جنيه
طبعاً سيثير هذا المجال السعرى الواسع جداً نسبياً إستغراب ودهشة الكثيرين ولكن كان هذا التفاوت الواسع مقصوداً لغرض فى نفسى (سيتم التعرض له تفصيلاً فى موضوع قادم بإذن الله)
المهم .. إنتهت الأدوار التمهيدية للبطولة لأصل إلى دور الأربعة (قبل النهائى) وكانت المنافسة مابين تويوتا كرولا & رينو فلوانس & كيا سيراتو & فورد فوكاس
إنتهى الدور قبل النهائى بسرعة لأصل إلى المباراة النهائية مابين المتنافستان تويوتا كرولا & رينو فلوانس .. إستغرقت تلك المباراة وقتاً ليس بالقصير لا سيما أن الكرولا منافسة قوية وشرسة لايستهان بها ومازلت أعتبرها من أفضل السيارات العائلية (طبقا للمواصفات المتاحة فعلياً بالسوق المصرية) فى الفئة السعرية (حتى 200 ألف) وإنتهت المباراة لتفوز رينو فلوانس بعد مباراة طاحنة إستخدمت فيها السياراتان معى كل أسلحة العقل والعاطفة المتاحة لهما.


عناصر المفاضلة المرجحة (لفئة الهاى لاين فى السيارتين) :-
1 - الشكل الخارجى والداخلى :- كانت المقارنة لصالح الفلوانس .. وفقاً لذوقى الشخصى لم أستطع إستساغة الشكل الخارجى الجديد للكرولا وأعتبر الموديل السابق أكثر جمالاً وتناسقاً وبصفة خاصة مؤخرة السيارة .. أما عن الصالون فلم أشعر بأى تفرد لتابلوه التويوتا (وهو أول جزء يخطف نظرك فى أى سيارة) ووجدته تقليدياً جداً يخلو من اللمسة الإبداعية والفخامة ، بعكس ما يوحيه لى المظهر الخارجى للفلوانس من رقة وفخامة وأبهه فرنسية لم تخطئها عينى من أول نظرة .. و ما أن جلست بكرسى السائق إلا وتأكد هذا الإحساس داخلياً أيضا.


2 - كماليات وتجهيزات إضافية :- بخلاف أنظمة VSC & Park assist & حساسات الركن الأمامية & كاميرا خلفية & مرآة صالون تعتيم ذاتى أوتوماتيكياً التى تتفرد بهم الكرولا وتتميز عن الفلوانس فإنه فى المقابل تتميز الفلوانس بتجهيزات غير متوفرة بالكرولا كالآتى : فتحة سقف كهربائية & مصابيح زينون (واطى فقط) بخاصية الضبط التلقائى & فرش جلد كامل & حامل نظارة & ستائر جانبية بالأبواب الخلفية وللزجاج الخلفى & نظام صوتى بـ 8 سماعات & مخارج خلفية للتكييف & مصابيح حساسة للإضاءة تعمل تلقائياً & مساحات مزودة بحساسات للمطر &keyless entry & START/STOP button & زجاج كهربائى للأربعة أبواب بلمسة واحدة .
إجمالاً .. فإننى وجدت كم الكماليات والتجهيزات الإضافية بالفلوانس تفوق ما تتميز به الكرولا طبقاً لذوقى الشخصي وترتيب أولويات إهتمامى وإحتياجاتى عملياً . إلا أنه وللأمانة فى العرض .. لو كان لى أن أختار من تجهيزات تويوتا لإضافتها للفلوانس لإخترت نظام VSC فقط أما باقى التجهيزات فلا أجدها ضرورية أو تمثل وجه تميز من وجهة نظرى وذوقى وإحتياجاتى الشخصية.


3 - إرتفاع السيارة :- تتفوق به الفلوانس عن التويوتا ، وقد ثبت بالتجربة العملية لحوالى 9000 كم وسبعة شهور من الإستخدام الفعلى وبحمولة كاملة نجاحها بنسبة 100% فى تخطى كل أنواع المطبات والمقبات الصناعية حتى العشوائى منها.


4 - السعر :- "ليه تدفع أكثر لما ممكن تدفع أقل"

بالنسبة لهذا العنصر تفوقت بجدارة الفلوانس على غريمتها الشرسة التويوتا لا سيما أن فارق السعر بالنسبة لى وبالسعر الرسمى للوكيل ليس هيناً (حوالى 25 ألف) وبمدة حجز لاتقل عن 3 شهور طبقاً لتصريح مسئول المبيعات ويمكن أن تصل إلى 4 شهور لعدم توفر الهاى لاين وقتها كبضاعة حاضرة . أما إذا رغبت فى الإستلام الفورى من أى معرض فيتراوح فرق السعر ما بين 30 إلى 35 ألف بالأوفر برايس حسب الشطارة .. لماذا ؟؟!!


ومن جهة أخرى لو وضعت الفلوانس فئة الهاى لاين التى إشتريتها بسعر 186 الف فى مقارنة مع ما يماثلها فى السعر من فئات الكورولا لكانت المقارنة بالفئة الثالثة للتويوتا بـ 185 ألف وليس الرابعة (الهاى لاين) وبالتالى كانت ستفقد التويوتا أمام الفلوانس مميزات أخرى عديدة موجودة بالهاى لاين فقط منها :
كاميرا خلفية & مرآة ذاتية التعتيم أتوماتيكياً لتصبح يدوياً & سخانات المرايات الجانبية & رشاشات الفوانيس الأمامية & ستفقد عدد 5 إيرباج لتصبح 2 فقط فى مقابل 6 للفلوانس & سيصبح الفرش قماش فقط بدلا من قماش/جلد فى الكرولا الهاى لاين & ستفقد مفتاح ذكى ليصبح مفتاح بريموت .


آسف إذا كانت المشاركة أطول من اللازم ولكننى حاولت ان أغطى بعض التفاصيل لأمانة العرض والموضوعية.

وتقبلوا تحياتى ،،،

العزيز هشام بيه،
بشكرك بأسمى و أسم كل أعضاء قسم رينو على هذه المشاركة الثرية المفيدة جداً و اللى فعلاً شدنى كل سطر فيها و مكنتش عايزها تخلص و اللى أكيد هتفيد ناس كتير حيرانة و مش عارفة تختار إيه
بحييك على وصفك الدقيق جداً لكل التفاصيل
جزيل الشكر للمجهود الرائع
و مستنيين بشوق الجزء التانى من المشاركة عن سبب رينج السعر الكبير اللى كنت بتدور فيه
تحياتى

موضوع مميز كالمعتاد هانى بيه :)
انا المقارنه عندى رسيت فى النهايه بينها و بين السيراتو ...
فى النهايه لازم تقرر و تختار واحده ... ففضلت الفلوانس ...
تحياتى ...

واضح من الاستطلاع المنافسين الرئيسيين للفلوينس االكورولا و السيراتو و الاسترا و دول فعلا اللى كانوا فى دماغى و انا باشترى بس استبعدت السيراتو سريعا .

موضوع مميز كالعاده :)

موضوع محترم.. إليكم تجربتي
أنا كنت بقارن بين أوكتافيا a7 / نيسان سنترا / فلوانس

أنا ببساطة كنت بدور على أعلى عوامل أمان - ودي فازت فيها الفلوانس من خلال 6 أيرباج والعوارض اللي في الأبواب
بعد كدا بصيت على الكماليات- ودي برده فازت فيها الفلوانس (كقيمة مقابل الفلوس)، خصوصاً أن عربية زي الأوكتافيا مثلا رقم واحد (270 ألف) أقل كماليات ووسائل أمان من الفلوانس

السنترا كان شكلها حلو، بس جديدة ومش مضمونة، والتعليقات عليها في الخليج مكانتش كويسة قوي

وبالتالي كان الاختيار (الفلوانس)

ومع ذلك محدش يقدر ينكر أن الأوكتافيا عربية ممتازة ودا عن تجربة أكثر من شهرين. واسعة، خامات ممتازة، متانة، إعادة بيع، وغيره.

باختصار، لو كنت أعزب أو مفيش أولاد يبقى أوكتافيا
بس مع وجود العائلة، عوامل الأمان كانت الأهم، وبالتالي كانت الفلوانس هي الاختيار. وبعد شهر ونص تقريباً أنا راضي بشكل عام الحمد لله عنها.

تحياتي

ربنا يباركلكم فيها الفلوانس عربيه محترمه
انا قدامى فتره افكر فيها قبل ما اجيب عربيه
وهقع فى نفس الحيره اكيد
ولكن بصراحه اكتر حاجه ميال اليها هى اللانسر شارك مع انها فقيره فى الكماليات

المقارنة بين الكورولا والفلوينس ...وحتى اقرر الشراء جربت السيارتين فى الريان اركب التويوتا وانزل اركب الفلوينس وفى النهاية حسييت ان الفلوينس بتنادينى وتقولى انا عربيتك الجديدة وقررت الشراء مع انن كان معى لانسر

اقتباس:

---

المشاركة الأصلية كتبت بواسطة hany saad

أكيد كلنا كنا فى حيرة و أحنا بنختار عربيتنا الجديدة اللى هندفع فيها رقم كبير و كتير مننا مقسطها و تعتبر طبعاً استثمار للأسرة و المرجو منها توفير ركوبة سهلة مريحة بدون مشاكل
كل واحد مننا عايز بفلوسه يجمع اكتر و اهم المواصفات فى عربية واحدة
امكانيات، كماليات، اعتمادية و توكيل مضمون.... الخ
أكيد لفينا و دورنا و سألنا و درسنا و اتفرجنا و ركبنا و قعدنا شهور لغاية لما استقرينا على الفلوانس

قصتك تهمنا و تهم كل من هو مقبل على الشراء حالياً او لسه محتار و مش عارف ياخد القرار

انا حاطط هنا استطلاع كنت بتقارن الفلوانس مع ايه...طبعاً اخر مقارنة قبل تنفيذ الشراء و ياريت بعد الاختيار تقولنا ليه استقريت على الفلوانس
مشاركتك تهمنا و تهم كل المحتارين

تحياتى

---

باشمهندس هانى تحياتى لحضرتك الحقيقة انا حابب اقول قصتى بالتفصيل من البداية لحد ماوصلت للفلوانس ,, انا كان هدفى مش عربية بعينها انا كنت بدور على احسن استثمار لنفس القيمة بمعنى افضل قيمة مقابل الفلوس وفى نفس الوقت احس انى غيرت عربيتى (نيسان صنى سوبر صالون) وعملت نقلة او خطوة اعلى فى عربية احسن سواء من ناحية الشكل او المضمون وبالتالى ومن الزاوية دى كانت منطقة الأختيار والمقارنة واسعة جدااا وكانت كالأتى ويمكن على الترتيب كمان ( كورولا - فلوانس - سنترا - استرا - سوبارو - سيراتو - فوكاس - كروز - شارك ) وابتديت اعمل تصفية بالتركيز على العربية نفسها كجودة وأداء وقطع غيار وتوكيل وأوبشن بصرف النظر عن السعر وبصراحة المنتدى هنا سواء اقسام السيارات او قسم المقارنات كان مفيد جدا جدا وبالتالى وبدون الدخول فى تفاصيل كتييير اوى والا هايبقى موضوعى طويل جدااا استبعدت سيارات كتيير جداا ووقفت لأخر واهم عامل بالنسبة لى وهوه افضل قيمة مقابل السعر وفى النهاية لاقيت معايا 4 سيارات ( كورولا - فلوانس - سنترا - كروز) واستبعدت الكورولا لأنها غالية زيادة عن اللزوم ( مش لعيب فالعربية ومش بقلل منها علشان ماحدش يزعل )وخصوصا انى كنت عايز اركب الهاى لاين او اللى قبلها والسنترا رغم انها هى والفلوانس نفس الموتور والفتيس الا ان الفلوانس اشيك وافخم بكتييير اوى وتوكيل احسن والكروز بجد هى احسن عربية ممكن تركبها بالسعر ده 155 ألف عربية قوية وثابتة وسحب وموتور وعفشة وفتيس استرا بس عيبها انها ضيقة جدااا فاضية جدااا وبالتالى وصلت للفوانس - احسن قيمة مقابل الفلوس - شيك فخمة اوبشن توكيل أسم ,, بصراحة لاقيت فيها كل حاجة واكيد طبعا ليها عيوبها او مشاكلها بس حاجات كلها عادية وبسيطة لا تؤثر بالمرة على قيمة وجمال السيارة وان شاء الله هاستلمها على أول الأسبوع الجاى ,,, واسف لو طولت عليكم

السيارة واخده اربع نجوم فى اختبار التصادم و خسرت النجمة بسبب مشكلة فى الايرباج على ما اعلم
https://m.youtube.com/watch?v=sfx41Fs3Y_A

Euro NCAP | Renault Fluence ZE

اقتباس:

---

المشاركة الأصلية كتبت بواسطة volociximab

euro ncap | renault fluence ze

---

دى النسخة الكهربا مش اللى معانا خالص

تحياتى

اقتباس:

---

المشاركة الأصلية كتبت بواسطة volociximab

euro ncap | renault fluence ze

---

دى نسخة ال ze الكهربا و زنها اتقل من الفلوينس , الفلوينس هيه نفسها الميجان الهاتشباك و كانت واخده فى الاختبار 5 من 5 قبل ما يضيفوا تعديلات جديده على القوانين السنه اللى فاتت

مشكورين مواضيع شيقه ومفيده جدا

انا خدت قرار الفلوانس بعد معناه مع السيراتو 2011 وبدأت رحله البحث وكانت كالاتي
1-السيراتو الجديده خرجت من المقارنه بدري بدري لان انا مش هاركب كوري تاني بعد ال انا شوفته السيراتو في كلمتين هي عربيه غير محترمه بس توكيلها محترم
2-الفورد فوكاس كانت ديقه وكمان غاليه اوي على الاوبشنز ال فيها وكمان مشاكل الناس مع الفتيس الفئه. ب 185 تقريبا فاضيه متتركبش غير من اول فئه ال 205
3-بيجو 301 منت خلاص هاحجزها لان انا ماكنش معايا فلوس الرينو لحد لما لقيت كل الناس هتجنن من الوكيل ومن مشكلها قلت مش جايبها وهأجل الشراء لحد ما اكون فلوس الفلوانس
4-هوندا سيفيك طبعا اسعار اخر هبل عربيه فاضيه فعلا ب 205 الف والكامله الهي بارضو فاضيه ب 225 ياخي ...
4-نيجي بقى للتويوتا كورولا عربي مش ثبتا تماما والبيقول غير كده مسأش فلوانس. انا سوقت الكورولا وجبت بيها لحد 160 وغرز ونفس الكلام في الفلوانس الكورولا طبعا بجمع بسرعه وكدا بث الفلوانس لا ثابته اكتر وعفشتها اريح. وكمان فئه الكورولا 190 لا تقارن ب الفلوانس اعلى فئه
نجي اه الشدني في الفلوانس
1-التوكيل المحترم
2-الثبات
3-اسعار قطع الغيار
4-اعلى اوبشنز بالسعر ده
5 -موتور نيسان وفتيس كمان نيسان

انا خدت قرار الفلوانس بعد معناه مع السيراتو 2011 وبدأت رحله البحث وكانت كالاتي
1-السيراتو الجديده خرجت من المقارنه بدري بدري لان انا مش هاركب كوري تاني بعد ال انا شوفته السيراتو في كلمتين هي عربيه غير محترمه بس توكيلها محترم
2-الفورد فوكاس كانت ديقه وكمان غاليه اوي على الاوبشنز ال فيها وكمان مشاكل الناس مع الفتيس الفئه. ب 185 تقريبا فاضيه متتركبش غير من اول فئه ال 205
3-بيجو 301 منت خلاص هاحجزها لان انا ماكنش معايا فلوس الرينو لحد لما لقيت كل الناس هتجنن من الوكيل ومن مشكلها قلت مش جايبها وهأجل الشراء لحد ما اكون فلوس الفلوانس
4-هوندا سيفيك طبعا اسعار اخر هبل عربيه فاضيه فعلا ب 205 الف والكامله الهي بارضو فاضيه ب 225 ياخي ...
5-مازدا 3 ازاي تكون في سنه 2015 وتقبل تركب عربيه فتيس 4 نقلات وموتور 105 حصان ووكيل غبور ب 218 الف خلص الكلام
5-نيجي بقى للتويوتا كورولا عربي مش ثبتا تماما والبيقول غير كده مسأش فلوانس. انا سوقت الكورولا وجبت بيها لحد 160 وغرز ونفس الكلام في الفلوانس الكورولا طبعا بجمع بسرعه وكدا بث الفلوانس لا ثابته اكتر وعفشتها اريح. وكمان فئه الكورولا 190 لا تقارن ب الفلوانس اعلى فئه
نجي اه الشدني في الفلوانس
1-التوكيل المحترم
2-الثبات
3-اسعار قطع الغيار
4-اعلى اوبشنز بالسعر ده
5 -موتور نيسان وفتيس كمان نيسان

اقتباس:

---

المشاركة الأصلية كتبت بواسطة amr gamal 01

انا خدت قرار الفلوانس بعد معناه مع السيراتو 2011 وبدأت رحله البحث وكانت كالاتي
1-السيراتو الجديده خرجت من المقارنه بدري بدري لان انا مش هاركب كوري تاني بعد ال انا شوفته السيراتو في كلمتين هي عربيه غير محترمه بس توكيلها محترم
2-الفورد فوكاس كانت ديقه وكمان غاليه اوي على الاوبشنز ال فيها وكمان مشاكل الناس مع الفتيس الفئه. ب 185 تقريبا فاضيه متتركبش غير من اول فئه ال 205
3-بيجو 301 منت خلاص هاحجزها لان انا ماكنش معايا فلوس الرينو لحد لما لقيت كل الناس هتجنن من الوكيل ومن مشكلها قلت مش جايبها وهأجل الشراء لحد ما اكون فلوس الفلوانس
4-هوندا سيفيك طبعا اسعار اخر هبل عربيه فاضيه فعلا ب 205 الف والكامله الهي بارضو فاضيه ب 225 ياخي ...
5-مازدا 3 ازاي تكون في سنه 2015 وتقبل تركب عربيه فتيس 4 نقلات وموتور 105 حصان ووكيل غبور ب 218 الف خلص الكلام
5-نيجي بقى للتويوتا كورولا عربي مش ثبتا تماما والبيقول غير كده مسأش فلوانس. انا سوقت الكورولا وجبت بيها لحد 160 وغرز ونفس الكلام في الفلوانس الكورولا طبعا بجمع بسرعه وكدا بث الفلوانس لا ثابته اكتر وعفشتها اريح. وكمان فئه الكورولا 190 لا تقارن ب الفلوانس اعلى فئه
نجي اه الشدني في الفلوانس
1-التوكيل المحترم
2-الثبات
3-اسعار قطع الغيار
4-اعلى اوبشنز بالسعر ده
5 -موتور نيسان وفتيس كمان نيسان

---

رأى يحترم من شخص جرب على الواقع

أنا المقارنة عندي كانت بن الفلوانس والشارك وفضلت شهور محتار واستقريت على الشارك بس المدام قالتلي شكلها مش حلو والفلوانس أحلى...أنا عارف من البداية ان الفلوانس احلى بس كنت خايف من الرينو عموما وخصوصا سعر اعادة البيع واسعار قطع الغيار بس عملت استقصاء صغير كده اتضحلي في النهاية ان قطع غيار الشارك أغلى نوعا ما من الفلوانس رغم ان سعر اعادة البيع في الشارك اعلى بس انا قلت لنفسي انت مش بتركب عربية كل يوم توكل على الله في الفلوانس ولو خسرتلك 10 الاف جنيه زيادة عن الشارك عند اعادة البيع اديك حتتبسط بيهم وهي دي حكايتي :)

اقتباس:

---

المشاركة الأصلية كتبت بواسطة baron hk

أنا المقارنة عندي كانت بن الفلوانس والشارك وفضلت شهور محتار واستقريت على الشارك بس المدام قالتلي شكلها مش حلو والفلوانس أحلى...أنا عارف من البداية ان الفلوانس احلى بس كنت خايف من الرينو عموما وخصوصا سعر اعادة البيع واسعار قطع الغيار بس عملت استقصاء صغير كده اتضحلي في النهاية ان قطع غيار الشارك أغلى نوعا ما من الفلوانس رغم ان سعر اعادة البيع في الشارك اعلى بس انا قلت لنفسي انت مش بتركب عربية كل يوم توكل على الله في الفلوانس ولو خسرتلك 10 الاف جنيه زيادة عن الشارك عند اعادة البيع اديك حتتبسط بيهم وهي دي حكايتي :)

---

تفكيرك و قرارك سليم :)
حتى لو عنده اعاده البيع الشارك افضل ... الفرق مش حيوصل ل ١٠ الاف ... هما ٥ بالكتير :)
تحياتى ...

انا لسة بفكر
والمقارنة محسومة بين الفليوانس والكروز
غالبا ان شاء الله فلوانس

اقتباس:

---

المشاركة الأصلية كتبت بواسطة drcobra

انا لسة بفكر
والمقارنة محسومة بين الفليوانس والكروز
غالبا ان شاء الله فلوانس

---

العربيتين كويسين جداً، مبروك مقدماً

تحياتى

اقتباس:

---

المشاركة الأصلية كتبت بواسطة Hany Saad

العربيتين كويسين جداً، مبروك مقدماً

تحياتى

---

الله يبارك فيك

السلام عليكم
كان معايا النترا وبعتها من اكتر من سنه و من وقتها وانا راكب العربية الصغيرة i10 لأني قررت اني مستعجلش و اجيب اي عربية وخلاص.
كانت المفارنة بين 3 عربيات مازدا 3 هاي لاين / فلوانس هاي لاين / سيفيك vti
المازدا:
• شكل خارجي و داخلي اكتر من رائع
• كمالات و تجهيزات محترمة جدا
• امان جيد
• رحابه و وسع غير مريحة لشخص متزوج و عنده اسرة العربية فعلا ضيقة من الخلف على الرغم من ان الكنبة الخلفيه عريضة.
• قطع غيار و توكيل ( غبور ) بس خلاص
• اداء غير مقنع بالمرة لانها بتنزل لاموتور القديم للأسف مع فتيس 4 سرعات فقط ولو العربية دي نزلت بالفتيس و الموتور الsky active هتكسر الدنيا.
• تمنها اعلي مش اقل من 30 الف جم من قيمتها الحقيقية.
209.000 بعد خصم غبور

الهوندا:
• شكل خارجي اقل من العادي و اقل من المتوقع من عربية بحجم هوندا
• شكل داخلي افضل كتير لكنه لايتناسب مع ما يعبر عن المظهر الخارجي للسيارة
• كماليات و تجهيزات جيده
• امان جيده جدا
• رحابة و وسع مريحة جدا وبتوفر مساحة محترمه للركاب في الخلف او الامام
• قطع غيار مش غاليه بالنسبة للمنافسين ليها المازدا و الكورولا و الاسترا و الأوكتافيا
• اداء رائع مع ثبات جيد جدا بتوفره عندا من خلال الموتور ال vti مع تحكم دقيق في نظام توجيه الدريكسيون اللي بيتيح المناورة بثبات.
• تمنها اعلى من قيمتها مش اقل من 20 الف جم
219.000 ال vti
الفلوانس:
• شكل خارجي متناغم مع تصميم الانتريور بتاعها لإختصار مظهرها داخليا و خارجيا ( راقي )
• كماليات و تجهيزات جيده الا في فئة ال navi وان كان ينقصها ماوس شاشه لبعدها عن متناول السائق خامات عالية الجوده و دهان خارجي غني.
• امان اكتر من رائعة و وجود كارت تشغيل المحرك بيدي ميزه الامان من خطر السرقة لا قدر الله
• رحابة حدث ولا حرج بالإضافة لفتحات تكييف بالخلف و نعومة واضحة على الطرقة الغير ممهده
• قطع غيار مناسبة نسبيا و وكيل محترم
• اداء جيد وثبات محترم جدا
• اكتر السيارات في قئتها تحقيقا لمبدأ القيمة مقابل المال
189.000 الهاي لاين

لسه مانفذتش لكني استخرت الله و نويت على الفلوانس

بكام الهاي لاين 2016 فوانيس خلفيه لد ؟

بعد مااستقريت على احتياجاتي اني محتاج عربية عائلية و فخمة. و شفت ميزانيتي. كان الاختيار بينها و بين الكارينز و الكورولا.

و الاتنين اغلى علشان اجيب اوبشنز بدون قيمة مضافة تستاهل فرق الفلوس من وجهة نظري

و قريت مقارنة الكوروللا مع الفلوانس في المنتدى هنا و كان فيها الرد الحاسم و النهائي

انا كنت بقارنها مع الكروز والسيراتو وطبعا كنت طلعت تﻻلنترا من حساباتى وبعدها السيراتو عشان المغالاه اللى على الفاضى فى السعر فى عربيات مش شايف انها مستاهلة وكمان عشان الأستهتار بعوامل اﻷمان .. يعنى ممكن تلاقى عربية فتحة سقف والمفروض هاى ﻻين بس من غير اى بى اس حتى او فيها ايرباج واحد .. اخر عك .. الفلوانس سعرها كان مناسب وامكانيات هايلة وعوامل اﻷمان ثابتة فى كل الفئات .. ناس بتحترم حياة الانسان

الاعضاء الكرام اشكركم جميعا على مشاركاتكم اللي اكيد ليها تاثير كبير لاني محتار فعلا في الاختيار بين الفلوانس و الكروز و الالنترا بس اعتقد اني بميل اكتر للفلوانس و ده تاثير ما قرات هنا من كلام حضراتكم عن العربيه
ان شاء الله انزل الاسبوع الجاي اتفرج عليها و ربنا يوفق ان شاء الله