توصيل اللوجان الشكل الجديد ببرنامج الصيانة و الكشف عن الاعطال بواسطة الموبيل
بسم الله الرحمن الرحيم
اتقدم بالشكر لاخى الفاضل محمد ثروت لمجهوده ف هذا الموضوع
1- جهاز بيركب في فيشة الكمبيوتر اللي في العربية و مهمته انه يقرا المعلومات و يبعتها علي واي فاي.
2- برنامج بينزل علي التابلت و يتصل بالواي فاي عشان يقرا المعلومات دي مسؤل عن كيفية عرض البيانات دي و كيفية التعامل مع كمبيوتر العربية.
و من ضمن امكانيات البرنامج انه بيكشف عن اعطال كمبيوتر العربية و يصلحها بس التصليح ده ممكن يخرجك مالضمان اذا التوكيل لو اكتشفه
ان اي جهاز متوافق مع الفيشة اللي في درج التابلوه )OBD II interface) اللي فالعربية يبقي ممكن يشتغل. الجهاز في انواع منه بتختلف في طرقة الاتصال بالموبايل/التاب. ياما عن طريق البلوتوث وده مش هيشتغل مع الايفون او الاي باد بس برده و لو اتصل بالتليفون الاندريود يبقي مش هتعرف توص التليفون بالكاسيت اللي فالعربية.
و في نوع تاني بيتوصل بالواي فاي و ده هيناسب الاي فون و الاندرويد بس عيبه انك لو وصلت الجهاز بالواي فاي يبقيالموبايل مش هيعرف يخش علنت. المهم بعد توصيل الجهاز OBD II بالموبايل هنه دور الجهاز بينتهي.
ده لينك لاحد الاجهزة بيتباع علي سوق دوت كومhttp://egypt.souq.com/…/elm-327-v1-5...orks-on-…/i/
اللعب كله فالبرنامج المستخدم عل الموبايل او التاب عشان يظهر المعلومات دي. و اشهر برنامج اسمه torqueو ده لينك البرنامج علي الاندرويدhttps://play.google.com/store/apps/details…
و ده لينك للنسخة الكاملة مالبرنامج
Torque Pro (OBD2 & Car) for Android | Free Download Apps & Games | Android iPhone Smartphone
البرنامج بقه ده جامد التنين و بينزله ملحقات. و اضافات plugins
البرنامج نفسه بيغنيك عن انك تجيب النافيجاتور بتاع العربيه لانه علي خرايط و ممكن يعملك ملاحة و يضيف عليها كمان تسجيل لمعلومات كومبيوتر العربية عند كل نقطة عالخريطة.
البرنامج كمان ليه فايدتين اساسيتين.
1 انه بيقرا سجل اعطال العربية و ممكن تمسح اي عطل او تعمله ريست. و هنا كمان بينزله اضافة plugin لتفسير الاعطال الخاصة بالرينو و بالعربية اللوجان و . اتاكدت بنفسي.
2 انه بيقرا المعلومات الحية لحساسات العربية و ده بقه جامد جدا لدرجة انه ممكن يخليك تستغني عن لوحة العدادات الاساسية بتاعت العربية و تعمل لوحت عدادات بتاعتك و تحط فيها كل العدادات اللي انت عايزها بالشكل و الالوان اللي تريحك. تعمل عدادات للاربي ام و السرعة و البور و درجة حرارت المتور و المبرد و الزيت و درجة حارة الهوا اللي داخل و اللي خارج المتور و الشكمان و معدلات استهلاك البنزين الاحالية و المتوسطة و نسب الهوا و البنزين في غرف الاحتراق ونسبة الاكسوجين و درجة فتح البوابات في وش المتور و نسبة ضغط الهوا جوا المتور و حساسااااااااات علي قد متقدر. طبعا انا متعلمتهاش كلها بس لسه بتعلم. و هنا بقي في اضافات للبرنامج لعرض بعض البيانات دي باشكال رياضية زي racing meter plugin.
في كمان بقي خاصية التنيهات و دي عن طريقها ممكن تظبط تنبيه معين علي حساس معين لما يوصل قيمة انت تختارها. زي مثلا درجة حرارة المبرد لما تتعدي 100 درجة. او مثلا لما الاربي ام يوصل 3000 عشان تنقل للسرعة الاعلي. تخيل بقي اي انذار انت عايزه علي اي حساس بالكمبيوتر اللي فلعربية
