الموضوع: راي المتواضع عن كيا نيو سيراتو 2015

الحمدللة رب العالمين انه اكرمني بنعمة السياره وخصوصا ان رزقني بسيارة سيراتو 2015 sx بالفعل انها سياره تستحق الاحترام والتقدير
اولا انا استلمت العربيه يوم 29-12-2014 من معرض طارق اسماعيل بالاسكندريه معرض محترم جداا وناس مريحه جدا سعرها كان 185 الف اخدتها بعد الخصم 182 الف فى ناس ممكن تقول ده مبلغ كبير جدا فى عربيه كوري زي بالظبط انا كنت بقول كده بس بعد ماركبتها عرفت ان كل مليم ادفع فيها تمنه حلال ويستحقه
موضوع استلام السياره الجديدة اللى كان عامله منسق قسم سوزوكي فادني جدا عند الاستلام
ثانيا فى اليوم التالي ذهبت للترخيص واسلام النمر ماكنش فى نمر جديدة فى مرور ابيس واخدت نمر مرتجعه بس الحمد لله سألت على مخالفتها لاقتها مفيش عليها حاجة
ثالثا عند ركوبي السياره شعرت بكل شيء مختلف عن سيارتي السابقه التيريوس 2009 من حيث الثبات والتقفيل والعفشه المريحه الناعمه بالمقارنه بالتيريوس بالاضافه للكماليات التى لاتعد ولا تحصى مريحه بشكل غير عادي الحمدلله .... في خلال اربعة ايام كنت عامل 180 كيلو وكنت مستلمها كانت عامله 16 كيلو الجنوط 17 شكلها تحفه جدا عليها جربنها فى المطبات العاليه والصغيره وعديت بيها على نقر بس الحمد لله محصلش حاجة كان فى ناس مخوفاني من الجنوط 17 بتعمل بالالين فى الكوتش بس انا استلمتها بكاوتش ماركة nexon وجاي معاه ضمان وطبعا ربنا بيسترها فى الاول وفى الاخر
طبعا مجربتش كل الاوبشن اللى فيها زي مثبت السرعه لاني مطلعتش بره اسكندريه
انا بنصح كل واحد مقبل على شراء سياره من نفس الفئه انه لا يتردد من شرائها ويتوكل على الله
انا مستعد للاجابه على اسئلتكم واي استفسار عنها
مشكلتي الوحيده معاها اني مش لاقي جراج اسيبها فيه من غير ما اسيب المفتاح وطبعا المفتاح بتاعها بالبصمه وشغل عالى ... بيبقى المفتاح فى جيبي ومامطلعهوش من جيبي اول ما اقرب المريات تفتح وادوس على زرار الباب يفتح على طول

بس من وجهة نظر الفرش القماش للارضيه والكراسي بيلم تراب جامد جدا وبالذات الارضيه عشان الأحذيه ... طبعا مع احترامي لاراكم جميعا بس انا هيبقى صعب عليا اسيبهم كده هاحس بتأنيب ضمير..... سؤالي ياشباب لما السروجي يفك الكراسي والكنب ويخلي العربيه على الارضيه هل الموضوع عادي ومفيش حاجه بتبوظ وكله بيرجع لطبيعته ولا في حاجه لازم اشيك عليها .......
ياريت تقولي يااستاذ migoph جبت لون ايه؟؟