ميتسوبيشى شارك ولا فلوانس

**Menna Menna** · 03-01-2015 01:39 AM

لو سمحتم محتاجين نصيحة هنا ، شارك ولا فلوانس
لما دورت فى فئات الشارك لقيت انه baseline بضمان الوكيل فاضية تماما وعشان اخد اوبشنز كويسة فمن الفئة التالنة فى حين انو الخليجى بسعر اقل كتير ممكن اخد اوبشنز اكتر واشترى ضمان فالسؤال كالتالى :
1) هل الاوبشنز اللى فى الخليجى فابريقة ؟ لانه مثلا فى CD Touch وكاميرا خلفية فى الخليجى فهل الحاجات دى مضمونة ومفيش اى تدخل حصل يؤثر على ضفيرة الكهربا مثلا؟
2) الخليجى فى منه السعودى والكويتى والاردنى ازاى اعرف الفرق وايهم احسن ؟
3) هل ضمان شركة تريبيل ايه مضمون ؟ ولا احسن حاجة ضمان الوكيل ؟
4) اهمية الفرامل ال ABS ؟ يحصل حاجة لو جبت ال baseline من غير ABS؟
5) ايه الللى يناسب شوارعنا اكتر مواصفات الخليجى ولا مواصفات الوكيل ؟

ولا اسيبنى من الشارك اصلا واجيب فلوانس baseline فيها اوبشنز كتير جدا وبضمان الوكيل ؟؟؟

شكرا جدا

**J A G U A R** · 03-01-2015 01:59 AM

فلوانس طبعا حاجه تانيه

**ahramadan** · 03-01-2015 07:04 PM

المشاركة الأصلية كتبت بواسطة menna menna

لو سمحتم محتاجين نصيحة هنا ، شارك ولا فلوانس
لما دورت فى فئات الشارك لقيت انه baseline بضمان الوكيل فاضية تماما وعشان اخد اوبشنز كويسة فمن الفئة التالنة فى حين انو الخليجى بسعر اقل كتير ممكن اخد اوبشنز اكتر واشترى ضمان فالسؤال كالتالى :
1) هل الاوبشنز اللى فى الخليجى فابريقة ؟ لانه مثلا فى cd touch وكاميرا خلفية فى الخليجى فهل الحاجات دى مضمونة ومفيش اى تدخل حصل يؤثر على ضفيرة الكهربا مثلا؟
2) الخليجى فى منه السعودى والكويتى والاردنى ازاى اعرف الفرق وايهم احسن ؟
3) هل ضمان شركة تريبيل ايه مضمون ؟ ولا احسن حاجة ضمان الوكيل ؟
4) اهمية الفرامل ال abs ؟ يحصل حاجة لو جبت ال baseline من غير abs؟
5) ايه الللى يناسب شوارعنا اكتر مواصفات الخليجى ولا مواصفات الوكيل ؟

ولا اسيبنى من الشارك اصلا واجيب فلوانس baseline فيها اوبشنز كتير جدا وبضمان الوكيل ؟؟؟

شكرا جدا

شارك لو الميزانية تحت 150 الف و كماليات الخليجي معظمها متركب في مصر
السعودي و الكويتي علي قايم الباب من تحت صاجة متبرشمة مكتوب عليها الموديل و تاريخ النتاج و ديه هيا نفسها مواصفات الوكيل. و العربية مصفحة بالكامل من تحت المتور. الاردني مفيهاش الصاجة و نص تصفيح

لو خليجي خليكي في السعودي.

الفرامل abs مهمة جدا جدا عشان العربية متزحفش منك في حالة كبس الفرامل المفاجئ و تقدر تتحكم في العرابية و تفادي التصادم.

الفلوانس عربية حلوة بردو بس تكاليفها اعلي. في الأخر كلو يرجع للميزانيه و الراحه النفسيه

**eng_amg** · 03-01-2015 07:33 PM

لو بتفكري تجيبي عربية مواصقات (عملية - وغير معقدة - سهلة الصيانة - وقوية - إعاة بيع جيدة جدا) الشارك طبعا .. لو الشارك لازم تتجاب الفئة الثانية فأكثر مش الفئة الأولى.

أما الفلوانس يعني (الشياكة - النعومة - الهدوء - أوبشنز عالية جدا)

بالنسبة لفرانل ABS - EBD فطبعا في غاية الأهمية. أنا لسة ربنا كتبلي عمر جديد من كام يوم بسبب إرادة ربنا ثم فرامل ABS.

ينفع فقط في موقف زي الي حصل معايا وهو حادث أمامي علي حوالي 100 متر فجأة وكان منزل وطريق به تراب ورمل (إسكندرية الصحراوي - أمام حازم حسن) وعرفت أناور بالعربية أثناء الفرامل في اللحظة الأحيرة.

نصيحة لازم تجيبي فرامل ABS -EBD وأيضا Airbags كحد أدنى من الأمان