الموضوع: مشكلة الانعكاسات

المشاركة الأصلية كتبت بواسطة أبو آسر

معلش عايز أفهم حاجة
إيه الحل المقترح بالضبط لحل مشكلة مواجهة أضواء السيارات العالية بالليل بس لما بكون لابس النضارة الطبية العادية؟
يعني لما أروح أعمل نضارة طبية عادية مش شمس أقوله يضيفلي إيه على النضارة علشان المشكلة دي ؟
وهل الإضافة دي هتأثر على الرؤية في الطبيعي يعني هتفضل مغمقة الألوان طول اليوم مثلا ولا بتبقى طبيعية ؟

زي مانت قلتلي في ردك هنا الانتي ريفليكشن و ممكن ازاز العربية و المرايات بس اظن الحل الاول اسهل
بس المشكلة هنا ان مفيش حل
يعني مثلا نضارة شمس او قطبية هتغمق الدنيا لان فكرة العمل انها بتقلل كمية الأضاءة الي داخلة للعين ودي مستحيل تستخدمها
نضارة فوتوكروميك او المعروفة بالفوتوجراي او الملونة دي مش هتفيد و انت في العربية حسب كلام في الصفحة دي
الانتي ريفليكشن هو المفيد نسيبا
بس هو مش حل تماما لان في واحد قليل الزوق هيقابلك بضوء عالي اكتر من الي هو محتاجة من باب العياقة
و المشكلة التانية انك لما هيكون الشارع الي انت ماشي فيه ضلمة ويجي واحد ينور عليك حتى لو نور مش عالي هيعملك مشكلة لان الاضاءة في الشارع قليلة و نورو مهما كان ضعيف هيسببلك مشاكل
يعني انت هتلاقي المشكلة دي اكبر في شارع ضلمة عن شارع منور
لو دي مشكلتك بليل يبقى مفيش حل


الانتي ريفليكشن مش مغير حاجة تحسين بس في الحكاية دي وبشوف الالوان بنفس الشكل (احسن بنسبة قليلة من النضارة الي من غير انتي ريفليكشن)
انا نظري 4/6 وعندي استجماتيزم عين يمين بس بسيط

انا لسة مجرب النضارة القديمة و الجديدة :d
فرق كبير في الالوان بجد اوضح
الجديدة فيها انتيريفليكشن و اظن فوتوجرين (اخترت الشامبر و قريبي صاحب المحل قولتلو يحط انتي ريفليكشن و خلاص وهو قالي هظبطك)

المشاركة الأصلية كتبت بواسطة أبو آسر

يعني مفيش حل للأسف لموضوع النور العالي ! أصل أنا بعاني من نفس المشكلة وملهاش غير حل واحد عندي علشان أتجنبها وهي إني أشغل النور العالي أنا كمان ! بيحد من شدة الضوء شوية
لكن طبعا فكرة العدسات البولارايزد مش هتنفع طالما هتقلل من كمية الضوء اللي داخلة ، أعتقد إنها معمولة للنضارات الشمس بالأخص علشان تقضي على مشكلة انعكاس ضوء الشمس على الرصيف

ايوه انا وانا بدور على الحكاية دي لقيت الصورتين دول
بس انك تشغل نور عالي هيخليك تشوف مسافة بعيدة بس برضو هتفضل مزغلل والي قدام العربية بالظبط عمرك ما هتشوفو يعني طوبة او مطب او لو الطريق مايل شوية
اما لو الي معاكسك نورو ابيض او اصفر فـ"قل عالدنيا السلام"
وحسب الي قرأتو في ازاز بيكون فيه الحكاية دي بس مجربتوش الله اعلم بيقلل الاضاءة ولا اية
ودي طبعا حجات اجنبيه الله اعلم في مصر ولا اية
عمتا انا هعدل اضافة للموضوع وهي كالأتي
تعديل (1):
مشكلة مقابلة الضوء العالي و انت ماشي بليل
لو وراك واحد مشغل نور عالي ومعكوس في المرايات ممكن تطلع ايدك من المراية و تضمها و تقفلها و هو ممكن يفهم و يوطي النور
لو معاكسك واحد ممكن ترعشلو مرتين تلاتة وهو هيلاحظ وبإذن الله يوطي النور
اما بالنسبة للناس خفيفة الظل الي نورها بيكون ابيض و عالي فانا احب اقولكم انتو بتسببو مشاكل لان النور العالي بيكون بيسبب عمى وزغللة للناس فياريت كلنا نمشي بنور معقول و بسرعة معقولة بليل

اسف لتأخر الرد حصلت مشكلة الصبح
دي مشكلتي الصبح

ودي مشكلتي بليل ولاحظ الراجل الي عاليمين دا الي اقصدو بانك بتفقد التفاصيل بسبب اختلاف الاضاءة

في ناس بتقلك نضف ازاز عربيتك بحيث انو يكون شفاف تماما

يا جماعه فى عدسات نظارات شمس اسمها بلورويزد مخصوص للموضوع ده بس مش عارق العدسات دى بينزلوا منها درجات لضعاف البصر بس اللى متاكد منه ان فى منها لنظارات الشمس بس جامده فى موضوع الأنعكاسات دى

النظارات الشمسية المستقطبة Polarized Sunglasses

رؤية بنظارات غير مستقطبة Non-polarized الرؤية بنظارات مستقطبة Polarized
Boat Without Polarization منظر القارب بعدسات غير مستقطبة Boat With Polarization منظر القارب بعدسات مستقطبة
Lake Without Polarization منظر البحيرة من غير عدسات مستقطبة Lake With Polarization منظر البحيرة بعدسات مستقطبة
الصور أعلاه تبين كيف تكون الرؤية بالنظارات الشمسية المستقطبة وبدونها

النظارات الشمسية المستقطبة هي نظارات شمسية خاصة لها ميزة التخفيف من انعكاس الضوء على الأسطح بدرجة كبيرة ،
وخاصة على سطح الماء حيث يبدو ذلك جليا كما في الصور أعلاه، وكذلك من على زجاج السيارات أو المباني أو الإسفلت وغيرها.

من يستخدم هذه النظارات ؟
هذه النظارات يحسن استخدامها لكثير من الناس مثل : صيادي السمك والبحارة والمسافرين بحرا والممارسين للألعاب المائية ، قائدي السيارات والمكثرين من السفر عبر البر، الطيارين ، المتزلجين على الثلج ، الساكنين في مناطق ذات أشعة شمس قوية ، ومن يتعرض لظاهرة السراب والانعكاسات القوية من الإسفلت وغيرهم.

كما تستخدم عدسات ال Polarized في كثير من التطبيقات مثل : عدسات كاميرات التصوير ، بعض زجاج المباني ، الساعات الرقمية ، الكمبيوترات المحمولة .

هل هذه النظارات أيضا تمنع أشعة الشمس فوق البنفسجية UV التي تضر عين الإنسان ؟
نعم بالتأكيد ، واستقطاب الضوء ميزة أخرى فيها تساعد على الرؤية بشكل أوضح .

كيف تعمل هذه النظارات ؟
ببساطة النظارات تقوم بامتصاص جزئيات معينة من الضوء وحجبها عن العين البشرية ، مما يجعل الرؤية معها أكثر وضوحا ومتعة ، والصور التالية تبين ذلك بوضوح تام .

ما هي أهمية هذه النظارات ؟
النظارات الشمسية المستقطبة تخفف من إجهاد العين أثناء القيادة وتبعد عنه الكثير من وهج الشمس والانعكاسات الضوئية ، كما تعطي رؤية أوضح للأشياء .

هل لهذه النظارات أي ضرر جانبي أو صحي ؟
لا ، ليس لها أي ضرر بل بالعكس هي مفيدة جدا لكثيرمن الناس الذين يخرجون لقضاء أعمالهم في الشمس الساطعة ، وكذلك للذين عملوا عملية الليزك لتصحيح أبصارهم ،
حيث تخفف عنهم وهج الشمس والضوء بشكل كبير جدا وتريح أعينهم ، وتساهم في تحسين نتائج عمليتهم .