المشاركة الأصلية كتبت بواسطة mmtronic
المشكله بداءت من ساعه ما الناس اتشال من قلوبها خوف ربنا ( نسيان ربنا ) و تحليل اى شىء تحت مسمى " و انا حعمل ايه - العيشه بقت صعبه "- يسرق و ينصب و يزور و يدلس و يخرب تحت بند العيشه مرة
كان زمان كنت تتعامل مع الناس بامان لانك عارف ان الناس بتخاف ربنا و عندها ضمير - دلوقتى - هل بتسمع كلمه " لا يا عم انا بخاف ربنا " ..... بتسمعها دلوقتى ؟ - اخر واحد كنت بسمعها منه كان ابويا الله يرحمه
مكنش عندنا قوانين قويه بس كان فيه ضمير و خوف ربنا الى هوة كان القانون الربانى الى يخليك مطمن و يغنيك عن القانون البشرى لوضع العدل - دلوقتى - بح
بص بقى على العالم الخارجى ( الدول الى احنا بنقول عليهم كفره - ههههه ) - عندهم قوانين و الكل بيلتزم بيها - معندهمش خوف ربنا صحيح لكن عندهم العدل
لكن احنا بقى لا بقى عندنا دة ( القانون الربانى ) و لا حتى دة ( القانون البشرى ) فعشان كدة هيه سلطه
احناكمان بقينا داخل المثلث ( الفقر - المرض - الجهل )
بس السؤال هنا
لو عايز تصلح حتبداء بايه - سؤال صعب
فى راى المتواضع و على الوضع الحالى
1- القوانين الصارمه للردع و العدل( و ده فيه الخلاصه كلها )
2- التعليم و الاصلاح الثقافى ( مش التعليم بتاع ام حسن بتاعنا - التعليم الى بجد - مش القرايه و الكتابه بس - لكن زرع القيم و الاخلاق و الدين فى المدارس للاطفال من دلوقتى )
3-الاصلاح الادارى ( سوء الاداره سبب كل الكوارث )
4- الاصلاح الصحى
الخطوات دى تاخد من 30 الى 50 سنه لنهضه الشعوب - بس دة لو بداو دلوقتى :)
ربنا يهدى الناس