اقتراح بسيط للقضاء على الدروس الخصوصية

**maged** · 03-01-2015 07:50 AM

انا تعبنت من اللف بالبنات على الدروس الخصوصية عندى ثانيه ثانوى وثانيه اعدادى وخامسه ابتدائى
ونبذل قصارى جهدنا انا وامهم لتعليمهم كويس لكن عبء التعليم فى بلدنا فظيع ويقطم الضهر وربنا يكون فى العون
وحتى ينعم المصرى بحياه هادئه بدون نكد بسبب المذاكرة توصلت لحل بسيط جدا لمشكلة التعليم
اولا تقسيم العام الدراسى الى اربع اجزاء وليس جزئين يمتحن الطالب فى كل جزء ربع المنهج فقط يعنى زى امتحان الميد ترم كده بس بشرط ان الجزء اللى امتحنه الطالب ميجيش مره تانيه فى امتحان الترم وبالتالى هيكون عبء المذاكرة اقل بكتير جدا
ثانيا ميجيش فى الامتحان اى اسئله تقيس الحفظ نهائيا يعنى ممنوع اسئله بما تفسر واسئله علل واسئلة اشرح واى اسئله يكتب فيها كلام كتير بل لابد ان يكون الامتحان صح ام خطا مع التصحيح واسئلة اختار واسئلة اكمل واسئلة المصطلح العلمى او ماتدل عليه العبارة

لو وزير التربيه والتعليم عمل حلين دول انا كأب مش هدى اولادى دروس خصوصيه واهو حل بسيط مش هيكلف الدوله مليم طبعا انا بتكلم على امتحانات النقل فقط امااثانوية العامه فى اقتراحات تانيه ليها
اسف للاطاله بس حبيت افضفض

**Bassem Youssef** · 03-01-2015 09:33 AM

ربنا يكون في عونك و الله

**maged** · 03-01-2015 10:04 AM

الف شكر
ايه رايك فى الاقتراح

**mr_vampire** · 03-01-2015 10:17 AM

والله اقتراحين ممتازين. فالشركات المالتي ناشيونال الكويز اللي بيبقي بعد كورساته الاون لاين بيبقي صح وغلط واختيارات وبيبقي صعععععب بس الناس بتستمتع وبتحاول تبذل قصاري جهدها للتفكير واختيار الصح مش بتبدل قصاري جهدها فالكتابة في الك والعك.

موافق عالاقتراحين. وربنا يكون في عونك.

**Omar.Shawki** · 03-01-2015 10:39 AM

هو حل كويس جدا بس فى مصر فى خلال 5 سنين هيتعمل بنك اسئلة مش هيخرج منه الامتحان الطلبة هتحفظ الاجابة وخلاص من غير مايفتحوا المنهج اصلا

**Bassem Youssef** · 03-01-2015 11:11 AM

المشاركة الأصلية كتبت بواسطة maged

الف شكر
ايه رايك فى الاقتراح

اقتراحات ممتازه بس مين اللي هيعمل بيها؟؟؟‎
‎

**ahmedwagdy03** · 03-01-2015 01:39 PM

متحاولش : المدرس المصرى زى الميكانيكى المصرى مش حيغلب و حيلاقى 100 طريقه يحط إيده فى جيبك و جيبى و يغرف

أسئلة للحفظ أو أسئلة للفهم برضه الناس حتروح بأولادها للمدرسين الخصوصيين .

وزارة التعليم و وزير التعليم إيدك منهم و القبر : لا يوجد منظومة تعليم من الأساس فى مصر علشان نحكم عليها بالفشل مش النجاح . الكادر و تطوير المعلم و النخع اللى بيصدعونا بيه ده كلام فارغ .

أنا أدفع دروس خصوصية لبنتى أولى ث و إبنى 6ب حوالى 2500 جنية فى الشهر . مادة الرياضة للبنت بس 8حصص فى الشهر * 40 جنية = 320 جنية و المجموعة 8 تلاميذ يعنى 2560 جنية من مجموعة واحدة يعنى لو 4 مجموعات فى اليوم يبقى مش أقل من 30 ألف فى الشهر . عايز بعد كدة الوزير يقوله حنديلك كادر و ذاكر و إعمل دبلوم علشان توصل 5000 جنية و ماتديش دروس .طبعا إنت عارف رد المدرس إيه ( إحتراما للمنتدى مش حأقول ).

المدرسين بقوا فئة قذرة لا تراعى أى ضمير . أبسط حاجة إنه يشرح فى الحصة لكن ده ما بيحصلش .مثلا بنتى أول السنة قالتلى مدرسة الإنجليزى ( مدرسة ثانوية حكومية بنات ) فى أول حصة قالت لهم طبعا كلكم بتاخدوا دروس يبقى مش عايزة وجع دماغ اللى أكتبه على السبورة تنقلوه فى الكشاكيل زى ما هو .

تجربتى مع الدروس الخصوصية لا تسع لها سيرفرات هذا المنتدى

**Maun00** · 03-01-2015 01:44 PM

اسف اراح غلط تماما.
انا حاليا في جامعة بس من واقع خبرتي الدروس دي عياقة و كبرت في الجامعة و سموعها كورسات
معلش يعني انا تعليم حكومي في المنصورة و كانوا بيشرحوا كلهم بدون استثناء بس العيال بتقول اشمعنى انا مرحش درس هو انا اقل من صاحبي و مش فاهم ان دا معناه ان عندو قصور عقلي
انا بقلهالك من واحد مجرب الدروس غلط على عيالك هيطلع طالب غبي دا لو مكنش متخلف عقليا وسامحني في لغتي
الطالب متعود من وهو في حضانة على ان واحد يديلو المعلومة وهو مجرد مستقبل عمر ما الطفل هيفهم ازاي يفكر او يطلع المعلومة بنفسو و هيحس ان التعليم دا شيء خرافي و من اساطير الاغريق و العلماء دول انصاف آلهة و تمدهم قوى خفية بالعلم
لما تشوف كل الي معاك متنحين في سؤال مباشر بس مجاش بنفس الفورمة الطبيعية هتعرف قد اية احنا بنخلي طلابنا متخلفين
انا شايف انك تقعد بناتك الي تحت الثانوي و تعلمهم تنظيم الوقت احسن
و بالنسبة للي فب ثانوي مش هتلحق تتعود فخليها كدا
و حكاية انهم يخلوهم 4 اجزاء لية يعني؟؟ هو التعليم انت بتاخدو و هترميه؟ يعني لو حاجة متعلمها في اعدادي المفروض متتككررش في الثانوي
انا في تجارة و معايا ناس بتسال ازاي تختصر في مادة الرياضة و يقولك اصلي كنت ادبي الاختصار بتاع الاعدادي!!
انا شايف ان التعليم المفروض يكون بفلوس لان التعليم المجاني عمرو ما هيكفي 40مليون طالب مثلا

**ahmedwagdy03** · 03-01-2015 03:23 PM

المشاركة الأصلية كتبت بواسطة maun00

اسف اراح غلط تماما.
انا حاليا في جامعة بس من واقع خبرتي الدروس دي عياقة و كبرت في الجامعة و سموعها كورسات
معلش يعني انا تعليم حكومي في المنصورة و كانوا بيشرحوا كلهم بدون استثناء بس العيال بتقول اشمعنى انا مرحش درس هو انا اقل من صاحبي و مش فاهم ان دا معناه ان عندو قصور عقلي
انا بقلهالك من واحد مجرب الدروس غلط على عيالك هيطلع طالب غبي دا لو مكنش متخلف عقليا وسامحني في لغتي
الطالب متعود من وهو في حضانة على ان واحد يديلو المعلومة وهو مجرد مستقبل عمر ما الطفل هيفهم ازاي يفكر او يطلع المعلومة بنفسو و هيحس ان التعليم دا شيء خرافي و من اساطير الاغريق و العلماء دول انصاف آلهة و تمدهم قوى خفية بالعلم
لما تشوف كل الي معاك متنحين في سؤال مباشر بس مجاش بنفس الفورمة الطبيعية هتعرف قد اية احنا بنخلي طلابنا متخلفين
انا شايف انك تقعد بناتك الي تحت الثانوي و تعلمهم تنظيم الوقت احسن
و بالنسبة للي فب ثانوي مش هتلحق تتعود فخليها كدا
و حكاية انهم يخلوهم 4 اجزاء لية يعني؟؟ هو التعليم انت بتاخدو و هترميه؟ يعني لو حاجة متعلمها في اعدادي المفروض متتككررش في الثانوي
انا في تجارة و معايا ناس بتسال ازاي تختصر في مادة الرياضة و يقولك اصلي كنت ادبي الاختصار بتاع الاعدادي!!
انا شايف ان التعليم المفروض يكون بفلوس لان التعليم المجاني عمرو ما هيكفي 40مليون طالب مثلا

إنت مركز قوى على التلامذة و الطلبة طيب إيه النظام مع أجيال من المعلمين مستواهم العلمى زفت

**Maun00** · 03-01-2015 03:33 PM

المشاركة الأصلية كتبت بواسطة ahmedwagdy03

إنت مركز قوى على التلامذة و الطلبة طيب إيه النظام مع أجيال من المعلمين مستواهم العلمى زفت

ماهو المدرس نفسو كان طالب حافظ و لقى الدروس سبوبة حلوة فقال انا هدخل احفظ العيال كلمتين
تيجي تسأل المدرس يقلك هو كدا
انا مركز مع الطلبة و أولياء الأمور لان الحكومة لو حطت مرتب 5 الاف جنيه للأستاذ عمرو ما هيوصل لدخل الدروس الخصوصي و عمرهم ما هيقدرو يمنعوهم ودا كان واضح من سنين انا فاكر ايام الابتدائي كان في الدرا
فالاهالي هي الي تقدر تبطل
واديك قلت بتدفع 2500 شهريا في 8 شهور عالاقل يعني 20الف سنويا
طب ما لو الوزارة خلت المدارس الثانوي ب5 الاف مثلا شهريا مدرسة زي مدرستي كل سنة فيها 1200 طالب يعني 3600 طالب يعني 18 مليون جنيه من مدرسة واحدة بس
دي تكفي انك تشهيص المدرسين و تشهيص الطالب تخلي المدرسة 6 فترات حتى لو عايز ولو كل فصل فيه 20 طالب عدد مقبول ويكون في معامل و اقدر فعلا اشوف التجارب الي بسمع عنها في الكتب دي وهيكون في احتكاك بيني و بين المدرس فعلي
وكمان هيفيض فلوس للوزارة
ومتقوليش 5000 سنويا دا مبلغ لان ارخص اخص دروس اغلى من كدا
وبصراحة كتب المدرسة جميلة جدا بس الطلاب مش عجباهم لانهم مش بيعرفو يطلعو المعلومة منها
عايزك تبص في مذكرة معظم الطلاب هيطلعولك بالتقليعة بتاعة الهايلايتر و التخطيط و تلاقيه داهن الصفحة كلها
والطالب الي مش فاهم