الموضوع: كام سعر الياريس 2015 وايه رائيكم فيها

المشاركة الأصلية كتبت بواسطة sadbutstrong

العربية دي معايا زيرو من 2007، وبسم الله ماشاء الله عمري ما عملت معايا أي مشكلة، وحتى الآن تكييفها تلاجة، كل ما يعيبها إن الثبات بتاعها نسبيا خفيف على السرعات الأكتر من 120 وده كان عشان البودي بتاعها خفيف كان وزنه تقريبا 1100 كجم، لكن اللي عرفته دلوقتي إن البودي بتاعها زودو وزنه إلى 1500 كجم، وبردو زودو سعة الموتور إلى 1500 سي سي، فاعتقد إنها هتبقى رائعة في الفئة دي بإذن الله، وناوي أجيب الياريس تاني كمان عشان التوكيل محترم.

وزن الياريس الجديدة 1500 ازاي بس اذا كان وزن الكورولا الجديدة 1300،، وزن الياريس الجديدة يترواح بين 1040 و 1050 كجم و ديه معلومة اكيدة.
بس هي عربية ممتازة كاعتمادية و اقتصادية.

ياحبيبى اشترى وانت مطمن
الياريس ثباتها رائع وانا بتكلم عن ٢٠٠٨
وسبب اعتقاد الناس ان ثباتها سىء انهم بيحكموا بالشكل
يعنى مثلا الانسر الشارك مهو ثباتها طلع زى الياريس بالظبط لما سافرت بيها
والتويوتا كورولا ثباتها برده وحش بعد ١٢٠
وكل العربيات الى فى الفئة دى ثباتها وحش على سرعات عالية .

انا حسيت بالثبات لما سوقت الجولف
كان فى تحسن نوعى
عاوز ثبات يبقى من الجولف والجيتا وانت طالع
غير كده كلها مبالغات وكلها فروقات ولا لها اى قيمة

الياريس ال ١٥٠٠ هتلاقيها طلقة بالمناسبة :)

انا معايا ال ٢٠٠٨ وبصراحة لو عاد بيا الزمن هشتريها برده
من اروح ما انتجته تويوتا
رشاقة وخفة واناقة ولها طابع خاص جدا
وبعدين لو تلاحظ رغم انها فئة صغيره الا انها غالية وبثمن الالنترا والسيراتو والشارك وعربيات كتير اكبر منها .

عموما يكفى انها يابانى ١٠٠ بالمئة .

بس على فكرة مفيش اى تغييرات جذرية ما بين الشكل القظيم والجديد للياريس
برده عجبنى الهاتش باك جدا الى موتورها ١.٣٣
حاجة كده زى تقفيل العربيات الالمانى .

ابحث عن الكيف وليس الكم كما يفعل اغلب الشعب .