ليه ما تشترىش من توكيل المنصور (شيفروليه -اوبل)

**midopharmacy** · 03-01-2015 01:33 PM

ليه ماتشتريش شيفروليه -اوبل او اى حاجة من المنصور:

1- ممكن تشترى عربية زيرو وجديدة وتلاقى عيب فى الفرامل او الفتيس عادى خالص( حصلت معاى فى افيو 2013 كان فيها مشكلة فى الفرامل ومع اصحابى فى اوبل وكروز2014فى الفتيس )
2-تروح تصلح فى التوكيل حوالى 10 مرات وبردو المشكلة موجودة !!!!!
3-تحاول ترجع او تبدل العربية عشان العيب يتقالك اصل فات 15 يوم على الشراء وملناش دعوة......
4- عادى خالص انك بعد 5000 كيلو تسمع تزييق فى العفشة - كهربة العربية تضرب-التكييف يضرب-تغير طنابير -تغير تيل فرامل
5-عادى خالص ان بعد 10000 كيلو مساعد يضرب-الفتيس يقع-العجل يضرب -الردياتير يطرقع-تغير الكاوتش.......
6-عادى خالص تبقى سايق على 100 وتلاقى تكتكة فى العربية-رعشة فى الدريكسيون وبدال الفرامل.........
7-التوكيل والمهندسين ومدير المركز بيتعاملوا معاك كأنك شغال عندهم مع انك بتدفع فلوس كتير-ولازم تروح التوكيل تقعد من 9 ل5 عصرا حتى لو رايح تغير مسامير عجل دا لو مابيتوش العربية 3 او 4 ايام عشان عندهم ضغط شغل........
8-الضمان عندهم لا يشمل طنابير -مساعدين-التيل-التكييف-الكهربا ومش عارف بيشمل ايه بالظبط.........
9- العربيات الشيفروليه بقت واخدة سمعة زى الزفت والresell بتاعها بقى صعب وسعرها بينزل فى الارض.......

**drmagieed** · 03-01-2015 02:43 PM

عظيمة يا مصر ... وده حال كل التوكيلات للأسف ... حتى المصانع بره بتعتبرنا مستهلكين درجة ثالثة في كل حاجة ودة سببه إن إحنا المصريين رخصنا نسفنا وهان علينا بعضنا فمبقاش حد بيحترمنا أو بيقدرنا!!!

**drmagieed** · 03-01-2015 05:26 PM

المشاركة الأصلية كتبت بواسطة eng.mark

فيه توكيلات محترمة ... توكيل بيجو و توكيل رينو و توكيل تويوتا أنا شخصيا ماشفتش منهم حاجة وحشة غير إن الحاجة يبقي فاضل عليها 5000 كم و تنتهي و بيطالبوا بتغييرها ... غير كدة تمام !!!

أنا معاك في الكويس في الوحش بس الكويس إستثناء والقاعدة وحش ... والمشكلة ما بتبتدريش من الصيانة دي بتبدي من أول مواصفات العربية إللي بتنزل مصر ومقارنتها باي دولة عربية أخري مش شرط خليجية هتعرف إن إحنا مستهلكين درجة ثالثة بنرضي أي حاجة والدليل عفشة الكورولا 2015 في مصر حاجة وفي بقية ول العالم حاجة ثانية ... وإن كنت أنا شخصياً بأدي منصور المركز الأول في ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟!!!

**عادل حسن على** · 03-01-2015 08:54 PM

ياريت نلاقى قسم خاص لتوكيلات السيارات مش مجرد موضوع تقييمى للتوكيلات لكل ماركة انا بتكلم فى قسم خاص للتوكيلات ومراكز الصيانه كلها التابعة ليها ويبقى فيها مميزات وعيوب كل المراكز لأن بجد مسألة التوكيل دى بتفرق فى شراء العربيات يعنى ممكن عربية ممتازة وتوكيلها سىء فمنشفهاش فى الشارع والعكس وده اقتراح يارب يلاقى تاييد ويتفعل

**Amr_650** · 03-01-2015 09:15 PM

المشاركة الأصلية كتبت بواسطة omar mahmoud

بالنسبة للضمان زي نمرة قطع الغيار
متصل اسأل علي مساعدين و قواعد موتور (الاسعار) يقوللي ممنوع اقول اسعار الخراطيم و المساعدين و السوست و قواعد الموتور
إيه لازمتكوا؟؟؟ اكيد انا متجننتش اسأل علي إكسسوارات خارجية
العربية فيكترا b

كلم مقار هيقولك يا ريس