لماذا يقوم بعض الناس بتعليق علم السعودية على سياراتهم ؟؟

لماذا يقوم بعض الناس بتعليق علم السعودية على سياراتهم وكذلك شعارها ذي السيفين والنخلة؟! وما الحكمة من ذلك وهل هذا تصرف مناسب ولائق وخاصة هذه الأيام حيث طبيب مصري يتم جلده بالسياط 1500 مرة؟؟!!
هل من يفعل ذلك يريد أن يقول أنه كان هناك ونجا من الجلد؟!
هل من يفعل ذلك يريد أن يقول أنه ينتمي لدين الإسلام !؟ طيب وهل الإسلام هو السعودية !؟ وهل الإسلام شعار أم دين وسلوك؟؟
ما شعور من يفعل ذلك الآن وهل يتخيل وهوينظر إلى هذا العلم صوت السياط وهي تلهب ظهر مواطنه الطبيب ذي الإثنين وخمسين عاما مصحوبة بسباب وشتائم جلاديه؟؟!
هل يوجد مواطن سعودي يضع علم مصر على سيارته؟؟
وأخيرا ما الحكمة في وضع علم غير علم بلادنا أصلا سواء كان للسعودية أو لغيرها؟؟
مجرد أسئلة

والله انا شايف ان منع الرموز الدينية على العربيات واماكن العمل كلام صح هو الدين بالرموز والشعارات الدين المعاملة وحسن التعامل وتعليق اى اعلام فى العربية او سلاسل او العاب وحيوانات برده ملوش لازمه

اقتباس:

---

المشاركة الأصلية كتبت بواسطة ahmedsrs

والله انا شايف ان منع الرموز الدينية على العربيات واماكن العمل كلام صح

---

موافق على النقطة دي فقط !

مع اعتراضي على الفكرة قلبا و قالبا

و لكن التفسير أن ان البعض (يشعر) انه يدين للملكة بالفضل في شئ ما و هو غالبا مادي

يعني سواق سافر و عمل قرشين و رجع اشترى ميكروباص تلاقيه حاطط السيفين و النخله عليه

واحد رجع و اشترى عربية ملاكي برضه يديها سيفين و نخلة

و بعض المصريين المقيمين هناك يدينون لها بالولاء و الحب (و لا يلاموا على ذلك) فتجد نفس العلم أو الشعار عليها

بعض أخر يرى أنها شعار للإسلام فيضعه على سيارته بهدف الإنتماء


انا عشت هناك زمنا ليس قليلا

و رأيت فيها الحلو و المر و لكننى أعلم يقينا

أنه ليس لأحد من فضل على أحد فكل هللة يربحها مصري هناك هي حقه باقتدار ليست منحة و لا عطفا من أحد لتكون مبررا لرفع علم هذه الدوله على ارض دولة أخرى أيا كانت

نفس الأسباب اللي بتخلي الناس ترفع علم أمريكا أو ألمانيا أو أو ......
علم مصر ما بيرتفعش إلا في ماتشات الكورة .....و يجعله عامر

صديقي الفاضل و الحبيب و الجميل أحمد باشا سامي ....روح يا شيخ ربنا يبارك لك في عقلك و ينور طريقك باذن الرحمن

اعتبره نوع من نوع من انواع التميز
فحينما تجد من يضع علم انجلترا علي سقف سيارته طلاء او صوره

بعطيك انطباع ما بأن صاحب هذه السباره اجنبي او شخص عاش بالخارج او طالب باحدي الكليات الاجنبيه

واعلام امريكا التي انتشرت علي مساند الكراسي

والصوره الشهيره لجيفارا

واخيرا اعلام السعوديه

البعض يغني تماما ما يقصده والغالبيه تنساق وتأخد بالمظهر علي سبيل المسايره

كلها شعارات غالبا ما لا يعرف بعض من يرفعها حقيقه فحواها

كصوره جيفارا مثلا

اعتبره تقليد اعمي وترويج لشعارات لا يدرون ما ورائها

انا عن نفسي بحب علم السعودية جدا لأنه مكتوب عليه كلمتي التوحيد غير لونه الأخضر الجميل

لكن شعار السعودية (السيفين والنخلة) هو مجرد شعار لأرض جزيرة العرب وليس له أي علاقة بالإسلام اللهم سوى علاقة أرض جزيرة العرب بموطن رسول الله صلى الله عليه وعلى آله

ورغم حبي للعلم (وحبي لدولة السعودية نفسها لأني عشت فيها من أجمل سنوات عمري) إلا انني أرفض وضعه في الأماكن العامة أو حتى الخاصة لأن المدلول دلوقتي سياسي فقط ومنسوب للحكومات وأنا عن نفسي غير مقتنع بأي حكومة لأي دولة عربية على الإطلاق وما في واحدة دلوقتي فيهم عدلة أو ليها علاقة بالإسلام سواء من قريب أو من بعيد

و زي صورة بوب مارلي اللي في كل حتة تقولش بلد موسيقية أوي .. و كل ما يعلمه الناس عنه إنه كان حشاش فا دماغه عالية فا جامد !

صورة جيفارا .. راجل مناضل يبقي جامد .. إلزق الصورة يبني

صورة بعض العرب اللي بينزلوا في الصيف و حاطين صور حكامهم عالزجاج الخلفي

معظم الظواهر دي وراها جهل و تخلف مزمن ملوش علاج .

انت حر ما لم تضر
ما يحطو و لا ما يحطوش هتفرق معانا ايه؟
سواء عن جهل او عن قصد ايه المشكله ؟
كل حر فيما يعتقد

اقتباس:

---

المشاركة الأصلية كتبت بواسطة ams

انت حر ما لم تضر
ما يحطو و لا ما يحطوش هتفرق معانا ايه؟
سواء عن جهل او عن قصد ايه المشكله ؟
كل حر فيما يعتقد

---

you are the man :)

فعلا كل واحد حر في حياته !! هو حنمشي كل حد علي مزاجنا ؟

حقيقى ملاحظة جدير بالتفسير

اقتباس:

---

لكن التفسير أن ان البعض (يشعر) انه يدين للملكة بالفضل في شئ ما و هو غالبا مادي

يعني سواق سافر و عمل قرشين و رجع اشترى ميكروباص تلاقيه حاطط السيفين و النخله عليه

واحد رجع و اشترى عربية ملاكي برضه يديها سيفين و نخلة

و بعض المصريين المقيمين هناك يدينون لها بالولاء و الحب (و لا يلاموا على ذلك) فتجد نفس العلم أو الشعار عليها

بعض أخر يرى أنها شعار للإسلام فيضعه على سيارته بهدف الإنتماء

---

والله ده احسن من حطط صور لناس مش مسلمين وحساس انهم مثله الاعلى

اقتباس:

---

المشاركة الأصلية كتبت بواسطة ams

انت حر ما لم تضر
ما يحطو و لا ما يحطوش هتفرق معانا ايه؟
سواء عن جهل او عن قصد ايه المشكله ؟
كل حر فيما يعتقد

---

نفس منطقك ده ممكن يوصلنا الى ماتكتب ولا متكتبش
يا سيدى الفاضل الراجل بيتسائل عشان هو لسه عنده الاختراع بتاع بلدى بحبها و احلى اسم فى الوجود

اقتباس:

---

المشاركة الأصلية كتبت بواسطة human12

نفس منطقك ده ممكن يوصلنا الى ماتكتب ولا متكتبش
يا سيدى الفاضل الراجل بيتسائل عشان هو لسه عنده الاختراع بتاع بلدى بحبها و احلى اسم فى الوجود

---

مش فاهم يعنى ايه "ماتكتب ولا متكتبش" ؟
كلنا بنحب بلدنا و بنحبها قوى كمان بس ده ما يخلينيش احجر على حد تانى
يمكن هو بيحب السعوديه هو حر يعمل اللى هو عاوزه
ما يضايقنيش
مثلا اهل الكتاب اللى بيحطو صليب فى العربيه . هم احرار ده شىء لا يضايقنى ابدا
او حتى الناس اللى بتحط صور تشى جيفارا او بوب مارللى او الستيكرات بتاعة السباقات لا يضايقنى فعلهم ابد


اللى يضايقنى فعلا شعارات لها دلالات معينه منحرفه زى ارنب بلاى بوى شىء مستفز لاقصى درجه

اقتباس:

---

المشاركة الأصلية كتبت بواسطة ams

مش فاهم يعنى ايه "ماتكتب ولا متكتبش" ؟
كلنا بنحب بلدنا و بنحبها قوى كمان بس ده ما يخلينيش احجر على حد تانى
يمكن هو بيحب السعوديه هو حر يعمل اللى هو عاوزه
ما يضايقنيش
مثلا اهل الكتاب اللى بيحطو صليب فى العربيه . هم احرار ده شىء لا يضايقنى ابدا
او حتى الناس اللى بتحط صور تشى جيفارا او بوب مارللى او الستيكرات بتاعة السباقات لا يضايقنى فعلهم ابد


اللى يضايقنى فعلا شعارات لها دلالات معينه منحرفه زى ارنب بلاى بوى شىء مستفز لاقصى درجه

---

شوف انا معاك فحاجات وحاجات لا
يعني انت قولت اللي عايز يحط حاجه هو حر
لحد كده مع التعميم ف الجمله يبقى عادي مفيش مشاكل
لكن ف المشاركه دي انت خصصت مش عممت
وهنا انا عايز اقول رأي
لما احط قران او اعلق مصحف او يعلق اهل الكتاب صليب كده هي دي الحريه مع ان ده حاليا مخالف للقانون
لكن لما اعلق علم دوله اخرى يبقى لألألألألأ حتى لو فعلمها الشهادتين
و لما اعلق تشيه جيفارا كويس بس انت عارف صوره تشيه جيفارا ماليا فلسطين لانه رمز للمقاومه وانتصارها على الجيوش المنظمه بالحنكه والذكاء وده اللي بيعمله اهل المقاومه هناك
لكن تعالى هنا مين حاطت صورته شويه طفال راكبين عربيات بيخمسوا وياخدوا غرز وفاكرين ان المقاومه هي ضد كل من ماشي جمبهم ف الشارع
طبعا الارنب بلاي بوي حاجه غريبه لما نشوف شعار قناه تلفزيونيه و مجله اباحيين في مجتمعنا
اما بالنسبه لموضوع
يا سيدى الفاضل الراجل بيتسائل عشان هو لسه عنده الاختراع بتاع بلدى بحبها و احلى اسم فى الوجود
فاحب اقولك ان اللي مش حيحب بلدك و هيحط علم تاني وتقول دي حريه في حين ان اهل الدوله التانيه دي اشك ان حد فيهم يحب مصر يبقى يحاول يروح البلد التانيه يعيش فيها ويحط علمها زي م هو عايز عشان حبك لبلدك ده مش اختراع ده حقيقه و وضع علم اخر على ارض مصر ده اكتر منظر ممكن يضايقني وان ماشي فبلدي

هسال سؤال ونفسى حد يجاوبنى

ليه كثيررررررررررر من الاخوه العرب لما ينزلوا بالصيف تلاقيهم حاطين على عربياتهم صور رؤسائهم او اعلام دولتهم رمز للفخر بانتمائه للدوله او حبه للحاكم


وليه عمرى ما شفت مواطن مصرى فى مصر ولا بره مصر ولا حتى فى الحلم

حاطط علم مصـر او صوره فخـــــــــــــــامه الرئيـس محمد حسنى مبارك على عربيته
كرمز للفخر ............. !


بالنسبه لعلم السعوديه ......... اغلب اللى بيفكر يحطه بسبب الانتماء الدينى فقط مكتوب عليه الشهادتين وليس فخر بدوله العلم وان كان جميع المسلمين لهم الفخر بالارض المقدسه فيها بيت الله الحرام وبلد رسول الله صلى الله عليه وسلم
وسيبك من موضوع السيفين والنخله قليل اللى يعرف ما يرمز اليه شعار السفين والنخله من معنى http://www.alsareha.net/vb/images/smilies/44.gifhttp://www.alsareha.net/vb/images/smilies/44.gif http://www.alsareha.net/vb/images/smilies/44.gif

اقتباس:

---

المشاركة الأصلية كتبت بواسطة دموع الثلج

وليه عمرى ما شفت مواطن مصرى فى مصر ولا بره مصر ولا حتى فى الحلم

حاطط علم مصـر او صوره فخـــــــــــــــامه الرئيـس محمد حسنى مبارك على عربيته
كرمز للفخر ............. !

---

لا فيه واحد فى الشارع اللى ورانا معاه عربيه اوبل و حاطط صوره بعرض الازاز الورانى للرئيس و كاتب تحتها مصر مبارك بس على حس كده مفيم العربيه كلها dark :k37::k37:

اقتباس:

---

المشاركة الأصلية كتبت بواسطة theking2690

لا فيه واحد فى الشارع اللى ورانا معاه عربيه اوبل و حاطط صوره بعرض الازاز الورانى للرئيس و كاتب تحتها مصر مبارك بس على حس كده مفيم العربيه كلها dark :k37::k37:

---

يعنى استغل صوره فخامه الرئيس
على انها تصريح للفيميه
ولا بينافق الحكومه ونفسه علشان يعرف يخالف ويحس ان الوطنيه بتفيد وبتسلك له الطرق :smilielol5:

انت عارف احنا ليه ممكن نحط اعلام دول ثانيه ذى السعوديه او امريكا او غيرها

لاننا فقدنا الشعــــور بالانتــــماء لمصر
لم نعد نشعـــر انها بلدنا او وطنا
ولم نعد نشعر انها لنا ونحن منها
ولم نعد نشعر تجاهها بالفخر لاننا منها

اقتباس:

---

المشاركة الأصلية كتبت بواسطة semsem67

لماذا يقوم بعض الناس بتعليق علم السعودية على سياراتهم وكذلك شعارها ذي السيفين والنخلة؟! وما الحكمة من ذلك وهل هذا تصرف مناسب ولائق وخاصة هذه الأيام حيث طبيب مصري يتم جلده بالسياط 1500 مرة؟؟!!
هل من يفعل ذلك يريد أن يقول أنه كان هناك ونجا من الجلد؟!
هل من يفعل ذلك يريد أن يقول أنه ينتمي لدين الإسلام !؟ طيب وهل الإسلام هو السعودية !؟ وهل الإسلام شعار أم دين وسلوك؟؟
ما شعور من يفعل ذلك الآن وهل يتخيل وهوينظر إلى هذا العلم صوت السياط وهي تلهب ظهر مواطنه الطبيب ذي الإثنين وخمسين عاما مصحوبة بسباب وشتائم جلاديه؟؟!
هل يوجد مواطن سعودي يضع علم مصر على سيارته؟؟
وأخيرا ما الحكمة في وضع علم غير علم بلادنا أصلا سواء كان للسعودية أو لغيرها؟؟
مجرد أسئلة

---

كان فى واحد من المواقع المعادية للاسلام على النت اتهمنى مرة بالوهابية و الحقيقة لم اكن اعرف معنى الوهابية و لماذا اتهمنى بها فسئلته لماذا تقول علينا نحن المسلمين ذلك قال لى علشان فى كل حتة معلقين علم السعودية و على السيارات كمان و ان هذا يدل على انتمائكم للسعودية فضحكت على اعتقاده الخاطىء و افهمته ان المسلمين فى مصر يعلقون هذا العلم ليس من اجل السعودية بل من اجل انه يحمل الشهادتين التى هى شعار المسلمين فى اى مكان فى العالم و يعتذ به المسلمين ليس اكثر و قلت له ناقص كمان لما تسمع الاذان و تجد به الشهادتين تقول اننا بنردد النشيد الوطنى السعودى هههههههههه يا اخى اتقى الله انت عايز الناس تقطع الشهادتين علشان واحد اتجلد هو احنا كدة بنعاقب السعودية و لا بنفذ اللى اعداء ديننا عايزنه من تفرقة و تقطيع لأواصل هذه الامة و تقطيع لشعار التوحيد الذى يجمع المسلمين فى شتى انحاء العالم

اقتباس:

---

المشاركة الأصلية كتبت بواسطة دموع الثلج

:smilielol5:

انت عارف احنا ليه ممكن نحط اعلام دول ثانيه ذى السعوديه او امريكا او غيرها

لاننا فقدنا الشعــــور بالانتــــماء لمصر
لم نعد نشعـــر انها بلدنا او وطنا
ولم نعد نشعر انها لنا ونحن منها

ولم نعد نشعر تجاهها بالفخر لاننا منها

---

+1111111111
بس لو حتى فقدنا كل ده منعلقش برده علم دول تانيه

اقتباس:

---

المشاركة الأصلية كتبت بواسطة mohamed1

كان فى واحد من المواقع المعادية للاسلام على النت اتهمنى مرة بالوهابية و الحقيقة لم اكن اعرف معنى الوهابية و لماذا اتهمنى بها فسئلته لماذا تقول علينا نحن المسلمين ذلك قال لى علشان فى كل حتة معلقين علم السعودية و على السيارات كمان و ان هذا يدل على انتمائكم للسعودية فضحكت على اعتقاده الخاطىء و افهمته ان المسلمين فى مصر يعلقون هذا العلم ليس من اجل السعودية بل من اجل انه يحمل الشهادتين التى هى شعار المسلمين فى اى مكان فى العالم و يعتذ به المسلمين ليس اكثر و قلت له ناقص كمان لما تسمع الاذان و تجد به الشهادتين تقول اننا بنردد النشيد الوطنى السعودى هههههههههه يا اخى اتقى الله انت عايز الناس تقطع الشهادتين علشان واحد اتجلد هو احنا كدة بنعاقب السعودية و لا بنفذ اللى اعداء ديننا عايزنه من تفرقة و تقطيع لأواصل هذه الامة و تقطيع لشعار التوحيد الذى يجمع المسلمين فى شتى انحاء العالم

---

فيه استيكر عليه الشهادتين بيتلزق احب احطه و كمان احب احطت القرآن ف العربيه لكن الزق علم السعوديه لأ و الف لأ و على فكره انا معنديش علم بموضوع الراجل اللي اتجلد بس عندي علم ان مش السعوديه اللي هتوحد الدول العربيه والاسلاميه انا شايف ان مصر هتفضل قلب العرب ومصدر فخرهم

w so2al kaman homa ely beyhoto el swar bta3et hokamhom bardo byhotoho fe baladhom...w law la2...byhotoha hna leeh ...fa5r bbladhom wla eh

و بعدين ما كل واحد حر ...انتوا واجعين دماغنا ليه:tt2:ما شعبان عبد الرحيم كان معلق صورته في عربيته قبل كده:tt2:و كانوا جايبينوا في برنامج

برغم ان وضع علم دولة اخرى شئ مستفز جدا ويشعرنى ان صاحب هذا الفعلة-ناهيك عن انه لامنتمى وطنه-يشعر بالدونية تجاه بلاد اخرى لن تقيم له وزنا فى يوم من الأيام مهما ملأ سيارته وبيته وملابسه بأعلامها، لكنه فىالنهاية وبالفعل حر ما لم يضر، حر بمثل حريتى فى ان اقول رأييى فى تصرفه المستفز

اقتباس:

---

يا اخى اتقى الله انت عايز الناس تقطع الشهادتين علشان واحد اتجلد هو احنا كدة بنعاقب السعودية و لا بنفذ اللى اعداء ديننا عايزنه من تفرقة و تقطيع لأواصل هذه الامة و تقطيع لشعار التوحيد الذى يجمع المسلمين فى شتى انحاء العالم

---

لا والله
يا اخي اتقي الله انت .........

اللهم اني صايم ....... مع اني مش صايم ... بس مش ها ارد برضه

اقتباس:

---

المشاركة الأصلية كتبت بواسطة sab3aawy

برغم ان وضع علم دولة اخرى شئ مستفز جدا ويشعرنى ان صاحب هذا الفعلة-ناهيك عن انه لامنتمى وطنه-يشعر بالدونية تجاه بلاد اخرى لن تقيم له وزنا فى يوم من الأيام مهما ملأ سيارته وبيته وملابسه بأعلامها، لكنه فىالنهاية وبالفعل حر ما لم يضر، حر بمثل حريتى فى ان اقول رأييى فى تصرفه المستفز

---

مش +111111111111 وبس لا ده هو ده خلاصة الكلام بجد

اقتباس:

---

المشاركة الأصلية كتبت بواسطة AboMaro

فاحب اقولك ان اللي مش حيحب بلدك و هيحط علم تاني وتقول دي حريه في حين ان اهل الدوله التانيه دي اشك ان حد فيهم يحب مصر يبقى يحاول يروح البلد التانيه يعيش فيها ويحط علمها زي م هو عايز عشان حبك لبلدك ده مش اختراع ده حقيقه و وضع علم اخر على ارض مصر ده اكتر منظر ممكن يضايقني وان ماشي فبلدي

---

هذا اختلاف فيما بيننا عزيزى
فنحن بشر و الاختلاف ضروره لابد منها و لا بد مما ليس منه بد

تخيل لو ان الناس كلها تفكر نفس التفكير ولديها نفس القيم و المعتقدات و الاذواق لأصبحت الحياة ممله اكثر مما يحتمل

أنه ليس لأحد من فضل على أحد فكل هللة يربحها مصري هناك هي حقه باقتدار ليست منحة و لا عطفا من أحد لتكون مبررا لرفع علم هذه الدوله على ارض دولة أخرى أيا كانت

اقتباس:

---

المشاركة الأصلية كتبت بواسطة MohamedAyman

أنه ليس لأحد من فضل على أحد فكل هللة يربحها مصري هناك هي حقه باقتدار ليست منحة و لا عطفا من أحد لتكون مبررا لرفع علم هذه الدوله على ارض دولة أخرى أيا كانت

---

صعب تفهم الكلام ده لناس اتعودت على السخره و قله الكرامه فى بلدهم

فعلا هي دي المشكلة ..
ان الناس عندها ولاء سلبي لأي بلد تعاملهم معاملة أدمية أو شبه أدمية

و ذلك لانعدام ولائهم الإيجابي لبلدهم التي لم تعاملهم معاملة بيطرية حتى ......

ولكن الانسان يجب ان يحتفظ بقيمته داخله ..مهما رآها تتلاشى خارجه و حوله فيعلم في قرارة نفسه أنه يجب ان يعامل كما يستحق ولو في بلد أخر أو في عالم أخر

فعندما يجد هذه المعاملة يظل مقتنعا أن هذا ما يستحقه و ليس كرما أو عطفا (وخاصة في بلد غريب)


أما لو تنازل الانسان في قرارة نفسه عن أدميته -لأنه يراها تدهس كل يوم- فسيتحول من داخله الى أقل من ابن أدم فيرضى بالذل و الهوان و ما هو أقل من أقل حقوقه

فعندما يسافر أو تتحسن ظروفه ....فجأه يجد معاملة أدمية لما يراه في نفسه من دونية عن البشر

فلا يملك الا الإنحناء ولو ذهنيا لمن قدم له هذه المعاملة شاعرا بأنه يتعطف أو يتكرم عليه ....

فيذكره بخير و ينشر محاسنه و يبتلع مساؤه للأبد ..

العيب ليس في الشعار

بل العيب في بلد ضحت بروح شبابها على ضريح الفساد و التربح

و جعلت منهم مسوخ زومبي يتبعون أي بارقة للحياة و يقدسون أصحابها أملين أن يرجعوا أدميين مثلهم