الموضوع: الرئاسة تتجه لترشيد مجانية التعليم الجامعي

يا ريييييييييييت. أنا بقالي سنين بأقول ان النظام ده لااااااااااازم يتطبق. و بالنسبة للي بيقول ان خريجي المدارس الأجنبية هما اللي يدفعوا, معلش اسمحلي ده كلام ملوش معنى. يعني بأي منطق أدعم واحد فاشل دراسيا على حساب واحد متفوق؟؟؟ الفاشل دراسيا يدفع لو عايز يكمل, غني فقير مش فارقة. لو مش قادر يدفع يتجه لأي حرفة أحسن له و للبلد. منه لله عبد الناصر بوظ البلد عشان يرشي الناس و يسكتهم.

اللى يبص حواليه هبلاقى انه للاسف كتير من الخدمات اللى بتدعمها الدولة اصبح دعمها عبء على تطويرها لانه فى النهاية الحكومة مش بتصرف ما يتناسب مع ما يضمن الحفاظ على مستوى جيد للخدمات دى
ابسط مثل هو موضوع مجانية التعليم الشكلى. . . لكن مصاريف التعليم الفعلية بتندفع فى شكل دروس خصوصية بتدخل جيوب المدرسين
الحل هو وجود مصاريف معقولة لا هى بعشرات الجنيهات و لا هى بآلاف الجنيهات تسرى على الجميع مع مراعاة القدرة المالية للسكان فى المناطق المختلفة لان سكان الريف و الاقاليم غير سكان المدن و حتى سكان المدن قدراتهم المالية تختلف من حى الى اخر
الاهم بقى هو وضع نظام منح مجانية للمتفوقين و الموهوبين زى ما بيحصل فى كل حتة فى الدنيا لتشجيع التفوق و الابداع فى الطلبة
و دى ممكن تبقى منحة مجانية كاملة او نصف مجانية او اعفاء من بعض الرسوم او ثمن الكتب الخ
كده يبقى حصل بعض التوازن فى تحصيل مصاريف الدراسة حسب قدرة السكان و الغنى يصب على الفقير
و الاهم هو فكرة منح التفوق دى لان هى دى اللى هتطلع طبقة متميزة من الطلبة بغض النظر عن مستوى معيشتهم و تكون مفتاح انطلاق لهم لحياة افضل لهم و لاسرهم و كمان تساهم فى خلق جيل متميز تنهض البلد بسواعده

التعليم الجامعى يجب ان يكون بدون مكتب تنسيق فيما عدا كليات الطب فقط
التعليم الجامعى الحكومى يجب ان يكون فقط لمن يحصل على 75% كحد ادنى بالثانويه للدخول الجامعه
التعليم الجامعى الحكومى من يرسب يدفع تمن السنه كامله
التعليم الجامعى الحكومى من ييرسب سنتين يتم شطبه من الكليه
التعليم الجامعى الحكومى يجب ان يكون بدون كتب واوراق لازم يكون كله Digtal
التعليم الجامعى الحكومى يمكن انقاص عدد سنين الدراسه ببعض الكليات الى 3 سنوات
التعليم الجامعى الحكومى ياريت البنات تفهم انها رايحه تتعلم مش رايحه تجيب عريس او شهادة عشان تتجوز بيها

انا في جامعة حكومية وبدفع 20 الف في السنة

المشاركة الأصلية كتبت بواسطة ehabouf

على فكرة الدكتور ده هو الي مالهوش لازمة
ده اساس الكمبيوتر ولازم تكون عارفه بالظبط زي فكرة عمل موتور العربية - علمك او جهلك بفكرة عمله مايفرقش في سواقة العربية بس المفروض تكون عارفه

مع احترامي الكامل لحضرتك ....كلامك غير صحيح إطلاقا والمثال مختلف تماما ....

في المثال اللي حصرتك طرحته ...فموتور العربية يعمل بالفعل وبدونة لن تعمل العربية إطلاقا ...ولو هنطبق المنطق دا ....يبقي الاولى انك بقي تتعلم وتدرس فكرة عمل موتور البخار اللي بالفحم لانه اول موتور اتعمل ؟؟ مش كدا ولا اية ؟؟؟؟

ارجو تكون الفكرة وصلت ...اتعلم اساس الاشياء دا شيء رائع ( لكن اساس الاشياء اللي بستعملها فعلا )

يعني مش منطقي ابدا اني ادرس نظام الصفر والواحد ...ومدرسش الويندز والبرامج الجديدة بحجة ان الصفر والواحد اساس الكمبيوتر


دا ممكن يدرس فعلا بس في كلية حاسبات ومعلومات ولا هندسة كمبيوتر ...انما انا كمحاسب تدرسي الصفر والواحد لية ....مش الاولى تدرسلي نظام الويندوز والبرامج المحاسبية ؟؟؟


ارجو ان تكون الصورة وضحت