عايز مكان لتعليم القيادة كويس بمدينة نصر

**Keula** · 04-01-2015 06:21 AM

عايز مكان لتعليم القيادة كويس بمدينة نصر الحى السابع
لان روحت السنة اللى فاتت مكان وكان غالى وحاسس انى لو جبت عربية او روحت اعمل امتحان الرخصة لا هعرف اسوق ولا هعرف اعدى الاختبار :(

**Maun00** · 04-01-2015 10:29 AM

السواقة مش تعليم السواقة ممارسة
روح مع حد صاحبك بيعرف يسوق في منطقة فاضية و اقعد اتدرب حتى لو هتدي لصاحبك فلوس بس المدارس دا شغل هجص بصراحة

**canner** · 04-01-2015 10:33 AM

انا اتعلمت مع مدرسة النور لتعليم القيادة مش عارف ليها فرع فى مدينة نصر و لا لأ

**ENG.MaRk** · 04-01-2015 03:43 PM

بلاش المدارس و خلي واحد خبير يعلمك ... يعني شوف مثلا لو عندك سواق في الشغل قوله يعلمك و هو أولي بالفلوس ... سوق كتير و مارس كتير و كله هيبقي تمام إن شاء الله

**Keula** · 04-01-2015 06:10 PM

للاسف انا معرفش حد وبعدين فكرة ان اهلى يدونى العربية اسوقها وانا معرفش احتمال كبير تتخبط
مشكلة المدارس ان للاسف يعنى روحت اسبوع بفلوس كتير و الحصة كانت 40 دقيقة باين وبعدين الراجل من اول يوم نزلنى فى وسط الزحمة وانا معرفش الفرق مابين البنزين و الدبرياج فطبعا كان اسبوع اسود ومتوتر طول الوقت خايف اخبط وكمان ده غير الشتيمة من الناس بالاضافة الى طبقة معينة من اللى بيسوقوا بيستمتعوا بتعذيب اللى لسة بيتعلم كل ده خلانى اخلص الاسبوع من غير اى فائدة تذكر وبدون اكتساب الثقة ولو ان الحمد الله عدى بسلام بدون مشاكل تذكر
وللاسف انا مش عايز اتعلم السواقة وكارهها بس فى ظروف جابرانى على تعلمها وعايز اخلص فى الشهر ده الموضوع ده عشان مستتقله اوى

**Maun00** · 04-01-2015 06:17 PM

المشاركة الأصلية كتبت بواسطة keula

للاسف انا معرفش حد وبعدين فكرة ان اهلى يدونى العربية اسوقها وانا معرفش احتمال كبير تتخبط
مشكلة المدارس ان للاسف يعنى روحت اسبوع بفلوس كتير و الحصة كانت 40 دقيقة باين وبعدين الراجل من اول يوم نزلنى فى وسط الزحمة وانا معرفش الفرق مابين البنزين و الدبرياج فطبعا كان اسبوع اسود ومتوتر طول الوقت خايف اخبط وكمان ده غير الشتيمة من الناس بالاضافة الى طبقة معينة من اللى بيسوقوا بيستمتعوا بتعذيب اللى لسة بيتعلم كل ده خلانى اخلص الاسبوع من غير اى فائدة تذكر وبدون اكتساب الثقة
وللاسف انا مش عايز اتعلم السواقة وكارهها بس فى ظروف جابرانى على تعلمها وعايز اخلص فى الشهر ده الموضوع ده عشان مستتقله اوى

شوف عربية الي هتسوقها اية و اتعلم على عربية زيها عمتا العربية ال128 كويسة معظم الناس بتتعلم عليها
كلم حد من صحابك من جرانك اي حد يعني و في منطقة فاضية لغاية ماتتعود المهم تتعود تتحكم فيها و الطريق فاضي وبعدين اتدرج
ولاحظ العربيات الجديدة مختلفة عن القديمة
انا متعلم على عربية لادا 88 والعربية غبية في الدريكسيون و تقيله في كل حاجة بالذات الدبرياج و خفيفة جدا
وبعدين ابويا جاب عربية لانوس 2006 اخفف بكتير و مختلفة في الشكل الخارجي و مش متعود عليها العربية معنا بقلنا شهور بس طبعا مبسوقهاش
عمتا السواقة بتتلخص في حاجة واحدة هي انك تتعود على العربية اهم حاجة تتعود على الدواسات و ابعاد العربية يعني تعرف المكان دا يعديك ولا لا و تمشي هنا بسرعة كام وكدا