خصم رهيب على كورسات في جميع المجالات 10$ للكورس الواحد بدل 3000$ !!

السلام عليكم
موقع Udemy موقع شهير جدا في مجال الكورسات الأونلاين عامل عروض رهيبة للكورسات بمناسبة رأس السنة كورسات بيوصل تمن الواحد ل3000 دولار عاملينه ب10 دولار بس !
https://www.udemy.com/courses/featured/
دي المجالات اللي بيقدم فيها كورسات (تعليم لغات - تسويق - تصميم - برمجة مواقع - صحة ورشاقة - تصوير - إدارة أعمال ... إلخ)

Development
Business
IT & Software
Office Productivity
Personal Development
Design
Marketing
Lifestyle
Photography
Health & Fitness
Teacher Training
Music
Academics
Language
Test Prep

طبعا مليش أي مصلحة في الموضوع ده أنا لقيت العرض فحبيت أنشره بين إخواني للاستفادة ولينك الموقع لينك مباشر ومش affiliate
بالتوفيق

شكرا ليك وياريت الكل يعمل كدا ديما علشان كلنا نستفيد.

الخصومات سارية حتى Friday Jan 9th, 2015

الف شكر يا استاذ محمد و يا ريت ترجع تانى لكورسات الانجليزى

اقتباس:

---

المشاركة الأصلية كتبت بواسطة canner

الف شكر يا استاذ محمد و يا ريت ترجع تانى لكورسات الانجليزى

---

العفو أخي الحبيب
بس للأسف جالي إحباط من موضوع الكورسات ده :)
لكن أي حاجة مفيدة تقع تحت إيدي أكيد مش هبخل بيها على إخواني الكرام وهنشرها علطول زي الأوفر الرهيب اللي في الموضوع ده وعلى فكرة في تعليم لغات منها إنجليزي وألماني وبرده بعشة دولار :D
https://www.udemy.com/courses/Langua...w=grid&lang=en

فيه كورس عاجبنى

حد جرب الموقع ده قبل كدة .

اقتباس:

---

المشاركة الأصلية كتبت بواسطة ahmedwagdy03

فيه كورس عاجبنى

حد جرب الموقع ده قبل كدة .

---

يا باشا ده موقع عالمي ترتيبه 704 عالميا وتصنيفه 7 من 10 حسب تصنيف جوجل Page Rank (الفيس بوك ترتيبه 9 من 10)
ثم دول 10 دولار يعني 74 جنيه مش مستاهلة خالص أقل من تمن دستة جاتوه من لابوار :213-1107231241[1]:
وشوف برده الكورس اللي عاجبك هتلاقي ريفيوهات وتقييمات وبرده ممكن تجربه لمدة 5 دقايق وتشوف إذا كان هيفيدك ولا لأ

شكرا اخ ابو اسر

اقتباس:

---

المشاركة الأصلية كتبت بواسطة dedi

شكرا اخ ابو اسر

---

عفوا أخي الفاضل

موقع فظيع فعلا وانا حاليا مسجل في كورس اندرويد ببلاش , وفيه كورسات تانية ببلاش كمان ...

وفي صفحة على الفيسبوك بتعرض تخغيضات على الكورسات وده اللينك بتاعها


https://www.facebook.com/BestFreeCou...type=1&theater


بالتوفيق ...

الف شكر على نقل المعلومة و جزاك الله حير عن رغبتك فى افادة الناس التانية معاك

بس انا عندى سؤال لو حد جرب ، هل الكورسات المدفوعة ديه بتفرق عن الكورسات اللى ممكن تلاقيها ببلاش على النت كتير ؟ هى 10 دولار فعلا مش مبلغ .. بس اللى انا اقصده للعلم بس هل الكورسات فعلا تستحق مبلغها الاصلى اللى هو حوالى 200 دولار و لا مش فارقة كتير عن الكورسات اللى ببلاش؟

كله انجليزي
عموما جزاك الله خيرا
فيه حركة حلوة انا عملتها لقيت ان كل محاضر ليه قناه ع اليوتيوب ممكن تنسخوا عنوان المحاضرة وتعملوا سيرش داخل اليوتيوب او جوجل وتحملوا المادة العلمية بدون ما تشتروها

اقتباس:

---

المشاركة الأصلية كتبت بواسطة Mohab.Nabil

الف شكر على نقل المعلومة و جزاك الله حير عن رغبتك فى افادة الناس التانية معاك

بس انا عندى سؤال لو حد جرب ، هل الكورسات المدفوعة ديه بتفرق عن الكورسات اللى ممكن تلاقيها ببلاش على النت كتير ؟ هى 10 دولار فعلا مش مبلغ .. بس اللى انا اقصده للعلم بس هل الكورسات فعلا تستحق مبلغها الاصلى اللى هو حوالى 200 دولار و لا مش فارقة كتير عن الكورسات اللى ببلاش؟

---

الكورسات اللي موجودة ببلاش دي بتبقى متهكرة يعني أصلا بفلوس بس حد منزلها تورنت أو رافعها على موقع تحميل ومش كل الكورسات بتبقى موجودة
مسألة تستحق تمنها أو لأ دي بترجع لمدى استفادتك من الكورس ومدى احتياجك ليه فانت بص الأول على الريفيوهات واسمع ال5 دقايق الفري وبعدين قرر تشترك أو لأ بس اللي أنا شايفه في الموقع إن معظم كورساته مفيدة فعلا وعليها إقبال

اقتباس:

---

المشاركة الأصلية كتبت بواسطة prof2013

كله انجليزي
عموما جزاك الله خيرا
فيه حركة حلوة انا عملتها لقيت ان كل محاضر ليه قناه ع اليوتيوب ممكن تنسخوا عنوان المحاضرة وتعملوا سيرش داخل اليوتيوب او جوجل وتحملوا المادة العلمية بدون ما تشتروها

---

هو معظمه إنجليزي فعلا بس لقيتيك ده فلتة كده :)
https://www.udemy.com/arabic_web_design/
معتقدش هتلاقي كل الكورسات على يوتيوب ولو موجودة يبقى بركة يا جامع ! بس مظنش واحد عبيط هيضحي بفلوس بتجيله من الموقع ده في سبيل شوية سنتات هتجيله من يوتيوب

ربنا يجزيك خير
هل الكورسات بمواعيد
هل ممكن احجز اكتر من كورس بنفس التخفيض

اقتباس:

---

المشاركة الأصلية كتبت بواسطة أبو آسر

الكورسات اللي موجودة ببلاش دي بتبقى متهكرة يعني أصلا بفلوس بس حد منزلها تورنت أو رافعها على موقع تحميل ومش كل الكورسات بتبقى موجودة
مسألة تستحق تمنها أو لأ دي بترجع لمدى استفادتك من الكورس ومدى احتياجك ليه فانت بص الأول على الريفيوهات واسمع ال5 دقايق الفري وبعدين قرر تشترك أو لأ بس اللي أنا شايفه في الموقع إن معظم كورساته مفيدة فعلا وعليها إقبال


هو معظمه إنجليزي فعلا بس لقيتيك ده فلتة كده :)
https://www.udemy.com/arabic_web_design/
معتقدش هتلاقي كل الكورسات على يوتيوب ولو موجودة يبقى بركة يا جامع ! بس مظنش واحد عبيط هيضحي بفلوس بتجيله من الموقع ده في سبيل شوية سنتات هتجيله من يوتيوب

---

حبيبي يا ابو اسر يابتاااع الحاجات الناااادرة
الكورس ده ممتاز مخلي كل حاجه لوحدها في فيديو ومنظمه جدا
بس الكورس كده كامل ولا فيه نقاط سايبها ؟
دا انا كده ممكن امسح الدوشة اللي عندي ولا خليها وخلاص (أضف الى معلوماتي):grin02:
بجد أشكرك ياكبير وربنا ما يحرمك مننا :E_braces[1]:

اقتباس:

---

المشاركة الأصلية كتبت بواسطة 7oda

ربنا يجزيك خير
هل الكورسات بمواعيد
هل ممكن احجز اكتر من كورس بنفس التخفيض

---

مش بمواعيد
انت بتسجل حضور للكورس وبعدين تتابع الدروس في أي وقت - ده الغالب لكن أعتقد في كورسات قليلة بتحدد موعد أقصى بيبقى شهر أو شهرين لاستكمال الكورس ، عموما تقدر تشوف التفاصيل دي في بيانات كل كورس هل هو Lifetime access ولا محدد أيام معينة
ممكن تحجز الموقع كله بالتخفيض :) لو عايز تشترك في 1000 كورس عليه تخفيض مفيش أي مشكلة بس أهم حاجة تلحق تدفع قبل 9 يناير قبل ما العرض يخلص

اقتباس:

---

المشاركة الأصلية كتبت بواسطة prof2013

حبيبي يا ابو اسر يابتاااع الحاجات الناااادرة
الكورس ده ممتاز مخلي كل حاجه لوحدها في فيديو ومنظمه جدا
بس الكورس كده كامل ولا فيه نقاط سايبها ؟
دا انا كده ممكن امسح الدوشة اللي عندي ولا خليها وخلاص (أضف الى معلوماتي):grin02:
بجد أشكرك ياكبير وربنا ما يحرمك مننا :E_braces[1]:

---

عنيا ليك يا عم أيمن :)
الكورس لسة مبصيتش عليه بس أكيد مش هتلاقي فيه كل حاجة برده فحاول تشوفلك كام كورس تانيين حتى لو إنجليزي مش مشكلة هتلاقي الكلام مفهوم مع الفيديو يعني أهم حاجة تتابعه وهو بيشتغل لأن الشغل ده بيبقى عملي أكتر منه نظري فلو وقع منك شوية جمل مش هتأثر كتير على فهمك
طبعا متمسحش حاجة ، أي حاجة تقع تحت إيدك حاول تشوفها وتخلصها مش هتخسر حاجة حتى لو ضافتلك معلومة واحدة يبقى كده استفدت

ملحوظة: الموقع مليء بالكورسات المجانية تماما
وده نموذج ل50 كورس مجاني في مجال Web Development مثلا
https://www.udemy.com/courses/Develo...w=grid&lang=en

it's same for benefits

https://www.coursera.org/

https://www.coursera.org/

ALISON: Free Online Courses

https://www.edx.org/

https://www.open2study.com/courses

/www.khanacademy.org/

اقتباس:

---

المشاركة الأصلية كتبت بواسطة أبو آسر

يا باشا ده موقع عالمي ترتيبه 704 عالميا وتصنيفه 7 من 10 حسب تصنيف جوجل page rank (الفيس بوك ترتيبه 9 من 10)
ثم دول 10 دولار يعني 74 جنيه مش مستاهلة خالص أقل من تمن دستة جاتوه من لابوار :213-1107231241[1]:
وشوف برده الكورس اللي عاجبك هتلاقي ريفيوهات وتقييمات وبرده ممكن تجربه لمدة 5 دقايق وتشوف إذا كان هيفيدك ولا لأ

---

باشا تحياتى

أنا بس بأسأل خوفا من موضوع إستعمال الكريديت فى مواقع معرفهاش مش موضوع 74 جنية . لا مؤاخذه هم 78 جنية حسب سعر الصرف الجديد. ( أنا محبش لابوار لإنه غالى ع الفاضى و أنا مش ناقص تخن .أفضل مارفيل من إسكندرية علشان بيحط فاكهة كتير)

شكرا لك

اقتباس:

---

المشاركة الأصلية كتبت بواسطة ahmedwagdy03

باشا تحياتى

أنا بس بأسأل خوفا من موضوع إستعمال الكريديت فى مواقع معرفهاش مش موضوع 74 جنية . لا مؤاخذه هم 78 جنية حسب سعر الصرف الجديد. ( أنا محبش لابوار لإنه غالى ع الفاضى و أنا مش ناقص تخن .أفضل مارفيل من إسكندرية علشان بيحط فاكهة كتير)

شكرا لك

---

أولا انت مش هتستعمل كريديت على الموقع انت ممكن تحجز الكورس بالـ PayPal
ثانيا الموقع Secured متقلقش خالص
ثالثا هما 7.4 مش 7.8 علشان السعر الرسمي في البنك 7.18 + عمولة البنك 2.5% = 7.35 تقريبا مع الحبشتكنات هيوصل ل7.4 لكن 7.8 ده سعر الشراء الحر من السوق السودا والصرافات
رابعا لابوار مش غالي على الفاضي ولا حاجة انت شكلك مجربتش VS من عنده أو الـ Cheese cake ملهمش حل :)
خامسا أي خدمة :tumb:

سجلت فى كورس ب 10 $ = 74 جنيه تقريبا
بارك الله فيك يا أبا آسر وجزاك كل خير :)

اقتباس:

---

المشاركة الأصلية كتبت بواسطة Mohamed_Hamid

سجلت فى كورس ب 10 $ = 74 جنيه تقريبا
بارك الله فيك يا أبا آسر وجزاك كل خير :)

---

آمين وإياك أخي الحبيب محمد
أنا بقى حجزت 114 كورس مجاني :E_braces[1]:
ناصح أنا أوي :3mla:

بالنسبة للحاجات for free انا عايز اشترك فى كلم كورس بس معنديش وقت دلوقتى اتفرج عليهم !!
اعمل ايه عشان ابقى اتفرج عليهم بعدين قبل ما السعر القديم يرجع ؟

اقتباس:

---

المشاركة الأصلية كتبت بواسطة matrix_it

بالنسبة للحاجات for free انا عايز اشترك فى كلم كورس بس معنديش وقت دلوقتى اتفرج عليهم !!
اعمل ايه عشان ابقى اتفرج عليهم بعدين قبل ما السعر القديم يرجع ؟

---

هتفتح صفحة الكورس
من على اليمين اضغط Start Learning Now
كده اشتركت في الكورس وتقدر في أي وقت ترجعله تشوفه براحتك عن طريق الضغط فوق على اليمين على My Courses

تمام الف شكر لحضرتك بكرة ان شاء الله هبقي احجز اللي اقدر عليه
بس انا عندي سؤال لحضرتك انا خلصت html & css و حاسس اني نسيتهم
اراجع عليهم تاني ولا ادخل في الجافاسكريبت ؟

اقتباس:

---

المشاركة الأصلية كتبت بواسطة matrix_it

تمام الف شكر لحضرتك بكرة ان شاء الله هبقي احجز اللي اقدر عليه
بس انا عندي سؤال لحضرتك انا خلصت html & css و حاسس اني نسيتهم
اراجع عليهم تاني ولا ادخل في الجافاسكريبت ؟

---

راجع عليهم عالسريع
في كورسات مجانية كتير فيهم
وبعدين ادخل على الجافاسكريبت

الكورس عبارة عن فيديوهات فهل ممكن اعملها داون لود ولا اون لاين بس
هل موقع Udemy ينفع اتعامل بيه ببطاقة كاش يو لأنى معنديش حساب بالدولار

أنا محتاج ضروري أتعلم اللغة الهندية
ربنا يسهل وألاقي عندهم

اقتباس:

---

المشاركة الأصلية كتبت بواسطة 1000مبروك

أنا محتاج ضروري أتعلم اللغة الهندية
ربنا يسهل وألاقي عندهم

---

https://torrentz.eu/search?f=rosetta+stone

اقتباس:

---

المشاركة الأصلية كتبت بواسطة wmz

الكورس عبارة عن فيديوهات فهل ممكن اعملها داون لود ولا اون لاين بس
هل موقع udemy ينفع اتعامل بيه ببطاقة كاش يو لأنى معنديش حساب بالدولار

---

مفيش أوبشن للدونلود من الموقع لكن لو مستب idm هتظهرلك أيكونة تحميل كل فيديو بس مش شغالة عندي على جوجل كروم واشتغلت على فايرفوكس بس
مينفعش بطاقة كاش يو حسب علمي يا إما فيزا يا إما باي بال بس الموضوع مش محتاج يكون عندك حساب بالدولار ولا حاجة لو عندك فيزا انترنت بتتعامل بيها عادي بالدولار والبنك بيخصم من حسابك بالمصري بالسعر الرسمي للدولار مضاف إليه 2.5% عمولة أو أزيد حاجة بسيطة (الدولار = 7.42 جنيه تقريبا)

اليوم آخر موعد للخصم
الحق احجز الكورسات اللي عايزها النهاردة وابقى شوفها بعدين براحتك في أي وقت