خبر مش فاهمة (بخصوص القطن)

اقتباس:

---

قال الدكتور عادل البلتاجي وزير الزراعة، إن الدولة لن تدعم محصول القطن هذا العام نقدًا كما حدث العام الماضي، مطالبًا كل من ينوي زراعة القطن بالتعاقد مع التجار على محصوله.

وأضاف الوزير، خلال مؤتمر صحفي اليوم، أن جمع المحصول يدويًا أصبح عبئًا على المزارعين، فضلًا عن مشكلات تسويقية، وهو ما تبحث الوزارة عنه الآن بالتعاون مع الجهات المعنية لوضع حد لزراعته، لافتًا إلى أن الدولة دعمت المحصول بـ 1400 جنيه للفدان وارتفع سعره عالميًا ليصل إلى 1050 جنيه.

---

الوطن | البلتاجي: لن ندعم القطن ‏هذا العام.. ومن ينوي زراعته يتعاقد مع التجار


---------------------

هل معناة ان مصر مش هايبقي فيها قطن للزراعة ؟
يعني اية الدولة بتدعم القطن ؟
ازاي كانت مصر بلد الذهب الابيض ؟

التفسير بسيط
ان القنطار الحكومة بتشتريه من الفلاح ب 1400 جنيه لانه كده يبقى يادوبك مغطى تكلفة زراعته
فى حين سعره عالميا لا يزيد عن الف جنيه
اذن الدولة بتدفع للفلاح فى تمن القنطار اكتر من لو استوردنا القطن من الخارج و بالتالى الحسبة مخسرة
و ده اللى خلى زراعة القطن المصرى العريقة شبه تنقرض
مع ان القطن المصرى زى ما هو معروف من نوعية ممتازة اللى هى بيسموها طويل التيلة
و بتبقى علامة جودة للمصنوعات القطنية اللى بتتباع بره انه يتقال عليها انها مصنوعة من القطن المصرى
طب و الحل
الحل فعلا ان الشركات و التجار هى اللى توجه الفلاحين لزراعة مساحات معينة و تتفق معاهم على اسعارها حسب احتياجها و بعيدا عن الدولة و الدعم و الكلام ده

نفس الكلام هو هو ينطبق على القمح
تكلفة زراعته محليا اكتر بكتير من تكلفة استيراده
و ده من ضمن الحاجات اللى بتعوق تحقيق الاكتفاء الذاتى بالانتاج المحلى
لكن يدخل هنا معيار انه تحقيق اكتفاءك الذاتى من سلعة اسنراتيجية زى القمح يدخل تحت بند الامن القومى عشان محدش من كبار الدول المصدرة يضغط علينا بسببه لو حدثت خلافات سياسية مثلا
و بالتالى فحتى لو تكلفة الاستيراد اقل الا ان فائدة الاكتفاء الذاتى من الانتاج المحلى بنسبة كبيرة تفوق فى فوائدها موضوع الاستيراد من الخارج

اقتباس:

---

المشاركة الأصلية كتبت بواسطة imhotep

التفسير بسيط
ان القنطار الحكومة بتشتريه من الفلاح ب 1400 جنيه لانه كده يبقى يادوبك مغطى تكلفة زراعته
فى حين سعره عالميا لا يزيد عن الف جنيه
اذن الدولة بتدفع للفلاح فى تمن القنطار اكتر من لو استوردنا القطن من الخارج و بالتالى الحسبة مخسرة
و ده اللى خلى زراعة القطن المصرى العريقة شبه تنقرض
مع ان القطن المصرى زى ما هو معروف من نوعية ممتازة اللى هى بيسموها طويل التيلة
و بتبقى علامة جودة للمصنوعات القطنية اللى بتتباع بره انه يتقال عليها انها مصنوعة من القطن المصرى

---

طيب عندك فكرة ايه اسباب ارتفاع اسعارة ؟
ولية برة زراعتة ارخص ؟

اقتباس:

---

المشاركة الأصلية كتبت بواسطة imhotep

طب و الحل
الحل فعلا ان الشركات و التجار هى اللى توجه الفلاحين لزراعة مساحات معينة و تتفق معاهم على اسعارها حسب احتياجها و بعيدا عن الدولة و الدعم و الكلام ده

---

معني كدة ان سعرة هايكون اكتر من ال 1400 ج . ودة اغلي من السعر العالمي
يعني مش هايتباع برة لانة غالي ؟ ولا هيتباع بالسعر دة لانة منتج كويس ؟


شكرا جزيلا

اقتباس:

---

المشاركة الأصلية كتبت بواسطة al_manara

طيب عندك فكرة ايه اسباب ارتفاع اسعارة ؟
ولية برة زراعتة ارخص ؟




معني كدة ان سعرة هايكون اكتر من ال 1400 ج . ودة اغلي من السعر العالمي
يعني مش هايتباع برة لانة غالي ؟ ولا هيتباع بالسعر دة لانة منتج كويس ؟


شكرا جزيلا

---

القطن زيه زى اى سلعة لها سوق عالمى يتحكم فيه قوى العرض و الطلب و حتى لو انت بتنتج اجود نوع منه فمؤكد برضه ليه رينج بيتحرك فيه
بره الزراعة بتبقى ارخص لانها بتتم بزراعة مساحات شاسعة و بالتالى الكميات المنتجة بتبقى مهولة زى ما بيحصل فى روسيا فى زراعة القمح مثلا او امريكا فى زراعة القمح و الذرة
عشان مصر تعمل الموضوع ده و تتحكم فى سوق القطن العالمى يبقى لازم نزرع الاربعة خمسة مليون فدان اللى حيلتنا كلهم قطن :-)

اقتباس:

---

المشاركة الأصلية كتبت بواسطة imhotep

التفسير بسيط
ان القنطار الحكومة بتشتريه من الفلاح ب 1400 جنيه لانه كده يبقى يادوبك مغطى تكلفة زراعته
فى حين سعره عالميا لا يزيد عن الف جنيه
اذن الدولة بتدفع للفلاح فى تمن القنطار اكتر من لو استوردنا القطن من الخارج و بالتالى الحسبة مخسرة
و ده اللى خلى زراعة القطن المصرى العريقة شبه تنقرض
مع ان القطن المصرى زى ما هو معروف من نوعية ممتازة اللى هى بيسموها طويل التيلة
و بتبقى علامة جودة للمصنوعات القطنية اللى بتتباع بره انه يتقال عليها انها مصنوعة من القطن المصرى
طب و الحل
الحل فعلا ان الشركات و التجار هى اللى توجه الفلاحين لزراعة مساحات معينة و تتفق معاهم على اسعارها حسب احتياجها و بعيدا عن الدولة و الدعم و الكلام ده

نفس الكلام هو هو ينطبق على القمح
تكلفة زراعته محليا اكتر بكتير من تكلفة استيراده
و ده من ضمن الحاجات اللى بتعوق تحقيق الاكتفاء الذاتى بالانتاج المحلى
لكن يدخل هنا معيار انه تحقيق اكتفاءك الذاتى من سلعة اسنراتيجية زى القمح يدخل تحت بند الامن القومى عشان محدش من كبار الدول المصدرة يضغط علينا بسببه لو حدثت خلافات سياسية مثلا
و بالتالى فحتى لو تكلفة الاستيراد اقل الا ان فائدة الاكتفاء الذاتى من الانتاج المحلى بنسبة كبيرة تفوق فى فوائدها موضوع الاستيراد من الخارج

---

اكيد السبب الفساد
الفساد خلاك متنتجش السماد
الفساد خلاك تستورد السماد بسعر عالمى وده ادى لارتفاع تكلفه الانتاج الزراعى ومش بس كده هل فى مواصفات عالميه للسماد اه فى مواصفات رشوجيه للسماد اللى يدفع تحت الطربيظه بيكون اجود سماد ومش بس كده كل ما السماد كان فاسد يقلل الانتاج ويمرض الناس عشان باقى الفاسدين فى المجال الطبى الخ الخ الخ الخ
مين حياخد عمولته على استيراد القطن الفساد
مين حياخد عمولته على استيراد القمح الفساد
سواء قطن قمح زراعه بالكامل صناعه دور على تخريبها حتلاقى الفساد

اقتباس:

---

المشاركة الأصلية كتبت بواسطة rotanamasoud

اكيد السبب الفساد
الفساد خلاك متنتجش السماد
الفساد خلاك تستورد السماد بسعر عالمى وده ادى لارتفاع تكلفه الانتاج الزراعى ومش بس كده هل فى مواصفات عالميه للسماد اه فى مواصفات رشوجيه للسماد اللى يدفع تحت الطربيظه بيكون اجود سماد ومش بس كده كل ما السماد كان فاسد يقلل الانتاج ويمرض الناس عشان باقى الفاسدين فى المجال الطبى الخ الخ الخ الخ
مين حياخد عمولته على استيراد القطن الفساد
مين حياخد عمولته على استيراد القمح الفساد
سواء قطن قمح زراعه بالكامل صناعه دور على تخريبها حتلاقى الفساد

---

للتوضيح فقط صناعة الاسمدة صناعة كثيفة الطاقة من المواد الخام الاساسية فيها هو الغاز الطبيعى و مصر مش من الدول المنتجة للعاز الطبيعى بكميات كبيرة عشان كده معندناش صناعة اسمدة ده طبعا غير ازمة الطاقة عامة اللى بقالها كام سنة. . . اما موضوع الفساد فطبعا ضارب بجذوره فى كل شئ و ربنا يسهل و ييجى اليوم اللى نتخلص منه

صناعه الاسمده جات فى دماغى كمثال وليس سبب اساسى عموما احنا متفقين ان الفساد هو اساس اللى مصر وصلتله دلوقت وانا شخصيا شايف مفيش امل فى استاصال الفساد لانه اصبح حتى النخاع اصبح جزء لا يتجزء من الشعب

اقتباس:

---

المشاركة الأصلية كتبت بواسطة rotanamasoud

صناعه الاسمده جات فى دماغى كمثال وليس سبب اساسى عموما احنا متفقين ان الفساد هو اساس اللى مصر وصلتله دلوقت وانا شخصيا شايف مفيش امل فى استاصال الفساد لانه اصبح حتى النخاع اصبح جزء لا يتجزء من الشعب

---

قول يارب و انت ترتاح لانه حتى لو مفيش بوادر امل فى الناس لكن فى النهاية ربنا قادر على كل شئ . . . صحيح انه لا يغير ما بقوم حتى يغيروا ما بأنفسهم لكنه برضه بيشمل الناس برحمته حتى لو هم لا يستحقوها لانه غير كده كانت الناس كلت بعض فى العالم كله و افنى العالم بعضه بعضا

وزير الصناعة عن القطن طويل التيلة: غير المعقول أن نزرع محصول لا

البولستر والالياف الصناعيه اصبحت بديل القطن لرخص السعر
لكن مازال القطن افضل صحيا
المشكله ايضا مفيش صناعه تكمليه لزراع القطن هى صناعه الملابس لتسويق منتج مصنع بدل من منتج خام

الموضوع باختصار انتهاء محصول القطن طويل التيلة من مصر
لانه محتاج شركات متخصصة فى الاقمشة الفاخرة
وبالتالى يتم استبداله بالنوعيات الاقل فى الجودة
وبالنسبة للاسعار العالمية ..فشوف حضرتك اوروبا وامريكا بيدعموا مزارعيهم ازاى وتيجي تطبق اى اتفاقية معاهم، حتى اتفاقية الشراكة مع اوروبا يقولك الا الزراعة، لكن شوف بقى يا عينى الفلاح الغلبان اللى عندنا اللى حتى نفسه يغطى مصاريف الزراعة
بعد كده كلمنى عن تبوير الارض الزراعية ..ونشوف هنلاقى ناكل بعد كده ولا لا ..وفى الاخر اسعار عالمية
طب ما الاسعار العالمية للارز اغلى من الاسعار المحلية لكن ممنوع الارز يتصدر ولو اتفتح باب التصدير يكون برسوم وشروط صعبة ..هتقولى الحكومة عاوزة تدعم المستهلك اقله تدعمه هى مش على حساب الفلاح .. ولما تيجي تتكلم فى اسعار المبيدات وباقى المحاصيل يقولك الاسعار العالمية !!!!!!!!!!!!!