مين جاب سيرة امن الدولة هه مين هه
:dunno:
بالتجربة ملهاش حل غير جانب اليافطة و البرميل تزعقلك مرتين تلاتة في الشارع لحد ما الناس كلها تعرف إن الجراج ده بتاع واحد بيعمل مشاكل .....غير كده أنسي ....الشارع المصري موديل ٢٠٠٨ ....للاسف الشديد
كان في راجل ساكن في العماره اللي جنبي ........ اللي كان بيركن داخل أو أمام الجراج بتاعه ........ كان بيخرمله العجل لو شادد فرامل اليد :gun_bandana:......... لو مش شاددها ...... كان بيزق العربيه و يسد بيها الشارع و طبعا الشارع بيقف تماما و الناس تسب و تلعن في صاحب السياره ........ تخيل انت بقه لما الناس تلاقي صاحب السياره جاي يمشي ....... بيتزبببببببط :knight:
هههههه مش كدة برده:k48:
هيبقي المبتدأ و الخبر المرفووع و المجرووور و المكسووور بالشوومة :k37:قصدي الكسرة :tt2:
لا بص والله خليك في البرميل التقيل دة بس معلش هتتعب معانا فى الشيل و الحط بس معلش ماهو كدة عطلة و كدة عطلة يبقي على الاق تضمن ان عربيتك فى الامان و بلاش ركنة الشارع عشان الناس اللى معندهاش ضمير و تجرح العربيات و ترسملك عليها و اللى يخبطهالك ..برده هتبقي مطمن برده و هي في الجراج
انا لو بدالك اكتب على باب الجراج ممنوع الوقوف
وتحتها النعمة احساس ناس كتييييير شفتها عملت كده
اذا عوضك على الله انا رايي تغير مواعيد شغلك علشان يمكن هي السبب :k48:
انا شوفت واحد كان بيعمل الآتي
لما ييجي يركن في الجراج ولقى حد سادد المدخل يروح راكن هو قدامة صف تاني او تالت بحيث ان اللي راكن ده ما يعرفش يخرج ... ويشد الهاند بريك ويطلع ينام .... وصاحبنا يقعد يغني ظلموه تحت لغاية ما يحن علية وينزله ...
او لو ماعرفش يعمل كدة ... يروح يركن بعيد و هو اصلا مشتري حاجة زي المفك كدة بيفك بيها بلف الكاوتش ... زي بتاعت محلات الكاوتش ... وهوب .... الفردة بناخد 5 ثواني لا غير وتقول فسسسسسسسسسسسسسس يقوم الجيران كلهم يطلعو علي الصوت ... هو ومزاجة بقي ... لو حد من المنطقة وعارف ان ده مدخل الجراج ينيملو فردتين .... لو حد غريب ينيملوه فردة واحدة رأفة بحالة عشان اول مرة .... مع الوقت ... لما حد ييجي يركن يلاقي الف واحد بيقوله بلاش هنا ... الراجل دة رخم وح ينيملك الكاوتش .... وكله بقى يخاف يركن قدام الجراج بتاعه ....
وعاشو في تبات ونبات وخلفو صبيان وبنات :k48:
عارفين طيب ليا صديق كان بيحط فى تبلوه عربيته
قلم ماركر ابيض بصراحة كان بيكتب بيه على زجاج اى حد يقفل عليه
عبارات من ديه(يا عم اللى اختشوا ماتوا)
(عيب عليك نزل الهاند بريك):hurray:
(احترم الناس عشان الناس تحترمك)
وهكذااااا...........
وكان بيراعى يجيب النوع الخفيف مش الميتالك عشان يتشال بسهوله
هههههههههههه
ولما كان بينسى القلم وحد قافل عليه كان بيروح المكتبه يشتريه اقولة يا عم كبر دماغك يقولى ابدا لازم اعلم عليه
والله فعلا هو مفيش غير الزعيق والصوت العالي عندكم حق ...بس الواحد بيحب يعامل الناس باحترام...
أنا والله من غلبي اتفقت مع جاري اللي ساكن في الشقه اللي جنبي انه يركن قدام الجراج ...وسابلي نسخه من مفتاع عربيته ....فبقينا نظام فيد واستفيد ...وأهو معايا المفتاح بتاع العربيه وأطلع وادخل في 5 دقائق بدل ربع ساعه وتلت ساعه ... بس طبعا دا حل جزئي لأنه لما ما بيكونش هو راكن ..بلاقي الناس بتركن برضوا
اللي بقي يغيظ فعلا اني بلاقي ساعات ناس راكنه صف تاني قدام عربيه جاري وقافل عليه ...فببقي هتجنن :)
هشوف موضوع السلاسل تاني ...بس خايف ان الناس تيجي برضوا قدام السلاسل وتركن ...