دلوقتي انا غيرت محل الاقامة من سنة ورخصة القيادة فاضل عليها كام شهر وسمعت عن قانون بيلغى الرخصة وكدا؟ حد عنده معلومة عن القانون واية الحل ؟ حد جرب؟
عرض للطباعة
دلوقتي انا غيرت محل الاقامة من سنة ورخصة القيادة فاضل عليها كام شهر وسمعت عن قانون بيلغى الرخصة وكدا؟ حد عنده معلومة عن القانون واية الحل ؟ حد جرب؟
متابع
قانون بيقول ايه حضرتك؟
اقتباس:
المشاركة الأصلية كتبت بواسطة aboelleel
غيرت محل الاقامة معناه ان حضرتك لازم هتجدد الرخصة في المرور الجديد التابع للاقامة ومسمعتش عن حاجة اسمها الغاء الرخصة
كان فيه موضوع فى المنتدى هنا بتكلم عن الحكاية ديه
الموضوع بسييييط جدداً
1 - قبل ماتنتهى الرخصة بشهر إستخرج شهادة مخالفات من إدارة المرور التى إستخرجت منها الرخصة
2 - توجه إلى إدارة المرور التابع لها عنوانك الجديد فى خلال أسبوعين من تاريخ شهادة المخالفات (وإلا ستضطر لإستخراج شهادة جديدة) ومعك الآتى :
بطاقة الرقم القومى وصورة لها - رخصة القيادة - شهادة المخالفات - نموذج تجديد الرخصة (يتم شراؤه من إدارة المرور) - عدد 2 صورة شخصية
3 - سداد الضريبة ( مش فاكر كام بالضبط .. حوالى 60 جنيه تقريباً)
4 - يتم عمل تصريح مؤقت مدته 3 شهور لحين وصول ملفك الأصلى من إدارة المرور القديمة
بس خلاص
وتقبل تحياتى ،،،
لا تنسى شهادة باطنة و شهادة نظر
..... مكرر
دي اللينك الخاص بالموضوع
http://www.nilemotors.net/Nile/448036-a.html
اقتباس:
المشاركة الأصلية كتبت بواسطة mizomizomizo
وتعتبر الرخصة لاغية في اذا كان في محافظة اخري ولم يخبر وحدة المرور التابع لها خلال 30 يوم
هيييه اتللغت :crying1:
اقتباس:
المشاركة الأصلية كتبت بواسطة nagy wassef
:oops2: .. وأنا أقول ناسى إيييه .. ناسى إيييه :shyy:
دول أهم حاجة فى الموضوع ، ومهم برضه الصورة الشخصية على كل شهادة لازم تكون معاك .
الله ينور عليك :bravo:
يارب الموضوع يطلع سهل وانا هنقل لمرور فيصل ودا بسمع عنه اهوال
معلش سؤال فنى:
لو العنوان اتغير من اكتر من خمس سنين و لسة فى الرخصة سنين باقية و مغيرتش رخصة السواقة ظابط المرور اللى فى الشارع هيعرف منين انى غيرت العنوان و بالتالى الرخصة تعتبر لاغية؟
و ارجو محدش يقولى من البطاقة لأنه مش بيسأل عليها و حتى لو سأل هقوله مش معايا
لأن اساسا رخصة القيادة تعتبر اثبات شخصية
و ممكن تكون البطاقة اساسا على العنوان القديم
يعنى لو زى مانا فاهم ممكن افضل ماشى بالرخصة اللى فى العنوان القديم لحد ما الرخصة تنتهى و تموت و تتعفن و تتحلل كمان
و لما تنتهى نبقى نشوف ساعتها
يبقى القانون ده زى قلته
هل اللى انا كتبته ده ممكن ولا لع؟