الموضوع: سيارة 128 موديل 87 للبيع

المشاركة الأصلية كتبت بواسطة Ayman_52

لا بجد العربيه نظيفه جدا...وباين ان حضرتك واخده بالك منها كويس...ودا باين عليها جدا....وان شاء الله هتجبلك تمن كويس عشان حالتها نظيفه جدا...

وبعد اذنك انا هارفع الصور هنا تسهيلا عالأعضاء.....

وربنا يوفقك فى بيعها ان شاء الله

متشكرة اوي لحضرتك لاني فعلا مكنتش عارفة ارفعها ازاي على الموقع هنا واضطريت احطها على موقع تاني لرفع الملفات.
ميرسي بجد على مجهودك ودعواتك

المشاركة الأصلية كتبت بواسطة MoDyBeNz2008

ربنا يحسنلك بيعها يا birdybirdy

العربية حالتها نظيفة فعلا

بس عندي سؤالين تافهين شوية
1- هو ايه الكائن الغريب اللي في وسط التابلوه دة اللي جواه سائل بامبة
2- الصور دي جنب محل جنوط و لا دا انعكاس سماعات العربية

ميرسي ربنا يخليك
بالنسبة للسؤالين
1- الكائن ده عبارة عن معطر بس انا مش جايباه عشان معطر لانه مطلعش ريحة غير اول يوم فقط :K15: بس شكله عجبني فحطيته على التابلوه هو على شكل دبدوب صغير كده والسائل البمبي اللي جواه ده بصراحة مش عارفة تكوينه ايه بس هو شبه الجيلي كده عبر عن كور جيلي صغيرة اعتقدت انها هاتتبخر او تتحول لكن فضلت زي ماهي لحد دلوقتي .
2- فعلا الانعكاس ده عشان كنت جنب محل جنوط .

ومعلش الاضاءة مكنتش كويسة اوي فالصور مطلعتش بالجودة المطلوبة لانها كمان صور موبايل مش كاميرا

المشاركة الأصلية كتبت بواسطة MoDyBeNz2008

ألا صحيح هو انتي قررتي هتجيبي ايه و لا هتبدأي رحلة البحث عن سيارة

في حقيقة الأمر انا فكرت في حاجات كتير واحترت بين موديلات كتير بس قلت لما ابيع دي الأول ابقي افكر اختار ايه بالضبط عشان مرهقش نفسي في حاجة لسة في علم الغيب يمكن على مابيعها يكون ربنا كرمني بمبلغ اكبر يخليني اجيب عربية احسن من اللي انا فكرت فيهم.

واكيد هاخد رأيكم هنا في المنتدي طبعاً بس لما اخلص عملية البيع على خير الأول

المشاركة الأصلية كتبت بواسطة aif

بصي يا بيردي ...
من تجربتي في بيع الشاهين اللي كانت معايا ....انا عملت اعلان وسيط .... وعدد من اعلانات النت ... وعلقت عليها اعلان .....
كان مش ناقص غير اني ابخرها ....مع ان الشاهين مطلوبة في السوق جدا
في الآخر بعد 3 شهور .... نزلت بعتها في سوق مدينة نصر في 10 دقائق
انزلي السوق لكن مع مراعاة :
- ما تنزليش لوحدك ..... انتي بنت وممكن يبخسولك سعر السيارة ... لازم يبقى معاكي حد من اقاربك الرجال
- سيبك من التجار اللي في اول السوق اللي بعد الجامع علطول .... دول ح يقولولك سعر قليل ....
- لو العربية مترخصة باسمك يبقى افضل لكي ان تبيعيها بعقد موثق مش بتوكيل ....
- طالما عرضتي العربية للبيع شيلي منها اي حاجة عاوزة تحتفظي بيها من دلوقت ...... اللي ح يشوفها ح يبقى عاوز ياخدها بكل مافيها حتي شرائط الكاسيت
ربنا يحسنلك بيعها ان شاء الله

مانا فكرت فعلا في موضوع السوق ده بس قلت استني شوية دانا لسة مقررة بيعها مفيش من كام يوم لو الموضوع مجابش نتيجة هابقي انزل السوق واشوف حد ينزل معايا وربنا يسهل.
ميرسي اوي على نصايح حضرتك بجد ربنا يكرمك يارب

وعجبتني اوي الحتة الاخيرة دي.

بس ياخدها بشرايط الكاسيت ليه ان شاء الله ماهو ده اللي ناقص كمان (ده مش من ضمن الاوبشنز بتاعتها معلش)
لا هو ممكن ياخد الدبدوب اللي انا لازقاه علي التابلوه ده مش مشكلة حلال عليه وشوية الاستيكرز دي كمان يالا مش مشكلة ان شاء الله ماحد حوش.

جملتك دي بتفكرني بالراجل اللي باعهالي وهو بيبعهالي قالي انا سايبلك فيها شريط كاسيت اهو و4 قطع فيبر كده اللي هي اسمها (ضوافر) وقالي يالا اي خدمة (ولا كإنه مثلا نزلي فيها الف جنيه يعني) وكان فرحان اوي وهو بيمن عليا بشريط الكاسيت والحاجات دي .
بس يالا اهو احسن من مفييييييييييش