150 من كنت دفعتها في 2009 ماتغيرتش
عرض للطباعة
150 من كنت دفعتها في 2009 ماتغيرتش
ياعني احنا موافقين ندفع 150 لكن مش موافقين ندفع 1000
لكن مبدأ انك تتجاوز بالسرعه الكل ما شاء الله مش فارقه معاه
اتمسكت برده على طريق الكريمات ودافع نفس المبلغ
الرادار ده بحس انه كمين معمول علشان الناس تدفع فلوس وخلاص مش علشان تهدى سرعتها
انا ياما اتمسكت رادار بس اكتر مرة ضايقتنى كنت فى يوم جمعه وساعة الاذان وكنت ماشى امام مدخل حى الاشجار والمنطقة دى جراية شوية وفاضية ويادوب كسرت ال 120 ولقيت كمين واقف عند ال u turn اللى قبل ما تطلع على طريق الفيوم ولقيته بيوقفنى ويقولى رادار يا باشا قولته فين ده قالى بص كده فى الجزيرة اللى فى الطريق لقيت عسكرى قاعد بين الشجر ومتخفى وعمال يسجل فى سرعات المهم يمين شمال واحاول افهمه ان السرعه يادوب زادت فى الحتة دى بس ولكن بدون اى فائدة المهم رخمت انا كمان وقولتله عاوز اشوف الصورة بتاعت عربيتى والسرعة بصراحة وبكل ذوق قالى حقك وروحت للعسكرى وقلتله ورينى صورة عربيتى فراح مكلم الظابط فى اللاسلكى والظابط قاله وريهالهوالمفاجاة انى لقيت صورة عربيتى full hd مش ممكن لو كنت عاوز تشوف مين راكب جوة العربية بالتفصيل هتشوف المهم روحت دفعت الغرامة زى الباشا 150ج وبعدين روحت للعسكرى تانى واتصاحبت عليه وورانى ازتى بيصورا العربيات والسرعة بتتحسب ومن الاخر كده الموضوع انت وحظك يعنى لو ماشى الطريق كله 200 وجيت عند الرادار مشيت 50 ولا هيجيبك والعكس صحيح طبعا
ربنا يستر طريقنا كلنا لكن
الردارات و كاميرات المراقبه الثابته مش اختراع حصريا في مصر بس ده حتى العاب العربيات في ردارات و احنا بنكسرها بكل فرحه
الرادار وظيفته ضبط المخالف بقياده بسرعه زايده عشان ميعرضش الابرياء للمخاطر والطرق الجديده والعربيات دلوقتي بتغري للجري
طب انت كبست و هديت بعديها ديه مشكله مين
يبقى تمشي اقل من الردار و تسيب ليك هامش سرعه سماح للمواقف الطارئه
موضوع ان السايق كسر الردار غصب عنه ديه بقى تبقى روح القانون
شوفتها بعيني من سنين بعيده اودي r8 و معاها موتوسيكل هوندا محترم مش اقل من 260 هما الاتنين على اسكندريه الصحراوي و اليوم ده كان فيه اكتر من 6 ردارات و كل لجنه ادخل عليها الاقيهم واقفين بيدفعوا بسعاده تامه و مالموش الرادار
الرادار الغرض منه فى العالم كله انك تلتزم بالسرعة وبيعرفك قبلها بكيلو ولا اتنين ان فى رادار فتلتزم بالسرعة علشان تحافظ على سلامتك وسلامة الاخرين
لاكن الرادار فى مصر يبقى كمين معمولك ومستخبى فى شجرة علشان تلبسة وياخد منك فلوس الغرض انك تدفع فلوس وياريتها بتروح لخزنة البلد الا من رحم ربى
ربنا يتوب علينا من القرف دة