واحد صاحبي معاه صني 2013 الشكل القديم أتوماتيك لما بيدوس فرامل عشان يعدي مطب أو يقف في إشارة العربية بتبطل منه راح التوكيل وغيروا الحساسات ونضفوا البوابة وبردو المشكلة زي ما هي
حد عنده تفسير للموضوع ده هو بيقول إنه شاكك في الضفيرة
عرض للطباعة
واحد صاحبي معاه صني 2013 الشكل القديم أتوماتيك لما بيدوس فرامل عشان يعدي مطب أو يقف في إشارة العربية بتبطل منه راح التوكيل وغيروا الحساسات ونضفوا البوابة وبردو المشكلة زي ما هي
حد عنده تفسير للموضوع ده هو بيقول إنه شاكك في الضفيرة
ممكن سيرفو الفرامل مجرد راي وشكرا
العربيه بتبطل يبقي واطيه خالص
او حساس البوابه
وممكن يكون دايره البنزين فيها مشكله بس ده في العربيات القديمه والله اعلم
خليه يحط صفيحه بنزين وعليها منظف دورة وقود ويجيب اسبراى تنظيف البوبه وينضفها كويس ويطلع طريق فاضى يقرص شويه علي العربيه ويعمل كام كيك داون كده يطلع البلاوى اللي جوه (والله اعلم)
كشف على البوجيهات؟
بص لو هو شاريها من زمان او شاريها مستعمل ولسه يعني يا دوب بيتعلم عليها وكدا وبيتعرفوا على بعض يبقى شكله ركنها كتير ولما طلع بيها ، تانك البنزين جاب أخره ، ومعروف ان اقل من ربع تانك البنزين بشوية بيبقى بنزين معفن كله شوائب، لو حصل كدا معاه يبقى ينضف دورة البنزين عند موبيل وينزل الصدى اللى فيها. وبالمرة دورة تبريد الموتور.
شكل العربية اتركنت كتير.
ما علينا .. اعتقد والله اعلم لو ما عملش كدا العربية تقطع منه ع الأول باستمرار.
لو منه هروح اشيك على الزيوت كلها والبوجيهات والفرامل وتيلها والفتيس والمية الخضرا لو بتستخدم مية خضرا ودورة التبريد وينضف الصدي وبلاوي دورة البنزين.
والله اعلم
حساس الكرنك
السلام عليكم يا ا Moh. Elnagar وعلى كل الناس اللى موجوده هنا
بص هو انا كان عندى نفس القصه ديه بالضبط فى نفس العربية فلو حضرتك تتأكد منه بس هما فى التوكيل غيروا ايه ..
لان انا عندى علاجتها بتنضبط حساس معين كده فاذا كانوا غيروا كل الحساسات يبقى كده مش مشكله نفس الحساس.
مستنى ردك او لو حابب اننا نتقابل فى اى وقت يناسبه نبص عليها انا ساكن ف مصر الجديدة
متشكر جدا يا جماعة لإهتمامكم أنا نقلتله أراء حضراتكم ومنتظرين النتيجة إن شاء الله
حساس كرنك او بطارية .. ممكن تكون بتدور كويس وكل حاجه بس ساعات البطارية لما بتضعف بتعمل كده .. عموما سهلة خليه يجرب ببطارية تانيه تكون حالتها جديدة ويشوف
ضفيره كهرباء كان عدنى نفس المشكله و بعد مناقشه مع التوكيل طويله قالولى ايوه العيب دة معروف فى الشكل القديم بس مينفعش نغير على طول لازم نجرب الحساسات و البوابه .
عموما بعد ما اتغيرت العربيه بقت افضل جدا و استهلاك البنزين نزل جدا
اقتباس:
المشاركة الأصلية كتبت بواسطة f100100
فعلا نفس الكلام بالضبط
كان عندي نفس العيب فى الشكل ده وهو فعلآ معروف وفي اكتر من مشكله بتسبب نفس الاعراض فى الموديل ده حساس البوابه وطرمبة البنزين وحساس الفتيس الداخلى وللأسف البنزين عامل لو حطيت 80 او محطه تعبانه من اياهم بتسبب الكلام ده