السلام عليكم
مش عارف أقول إيه..خايف الموضوع ينتشر وفي نفس الوقت عايز أحذر الناس
ده كبوت اللانوس ومش هتكلم كتير الصور معبرة
السلك الأحمر بيتشد من تحت بسهولة وده عيب تصميم
http://nileup.com/up/uploads/nilemotors_14204429251.jpg
فلازم نعمله مجرى حديد عشان ميتحركش زي الصورة دي
http://nileup.com/up/uploads/nilemotors_14204432441.jpg
طيب إزاي !
هنفك المسامير اللي حواليها دائرة
الدائرة الصفراء ده مسمار فردة الكلاكس وبنفكه عشان نوسع المكان للفك
الدوائر الخضراء دول 3 مسامير بيثبتوا الكالون وبنفكهم عشان نخرج السلك من مكانه
الدوائر الزرقاء دول اللي بيثبتوا الفانوس
ونخرج السلك من مكانه ونروح للحداد يقيس ماسورة بأصغر قطر عنده زي كدا بحيث إنها تكون بالظبط على الشفف
http://nileup.com/up/uploads/nilemotors_14204435891.jpg
http://nileup.com/up/uploads/nilemotors_14204435892.jpg
بعدها الحداد يجيب قطعة صفيح مستطيلة صغيرة زي المسطرة الحديد ال 30 سم
ويعمل وصلة بين الماسورة ومسمار الفانوس من الناحية اليمين ووصلة من الماسورة ومكان تثبيت الكالون من الناحية الشمال ويخرمهم عشان يدخلوا في المسمار ويديهم بنطة صغيرة أوي بس عشان المقاس وعشان ميبوظش دهان العربية
هنضطر عشان نطلعها برا إننا نفك الكلبس اللي ماسك السلك ناحية الفانوس عشان هنشد السلك من الماسورة مش هنسحب الماسورة لأن الماسورة مش هتخرج من مسمار الفانوس لأن المسمار طويل
وبعدين نفك الماسورة عشان يديها اللحام المتين برا براحته
http://nileup.com/up/uploads/nilemotors_14204439681.jpg
الماسورة بتكون سخنة جدا بعد اللحام فهنسيبها تبرد عشان متسيحش السلك
يعدها نركب الماسورة في مسمار الفانوس وندخل السلك جواها ونركب السلك في الكالون ونثبت مسمار الكالون على الزاوية الماسورة في البودي ونقفل كل المسامير وده الشكل النهائي
http://nileup.com/up/uploads/nilemotors_14204444401.jpg
http://nileup.com/up/uploads/nilemotors_14204444402.jpg
الكل لازم يعمل الفكرة دي...الدور جاي عليك
ربنا يكفيكم كل شر