الموضوع: الكورفيت فى المقدمة و النيسان جى تى أر فى المؤخرة فى سباق موتور ترند!!

المشاركة الأصلية كتبت بواسطة Chicco

الفيديو تحفة يا فادي باشا ....ألف شكر .....بس بجد ال-GTR ديه حكاية ;)

أولا ....بص جايبنها تنافس مع مين ؟!!
ثانيا ...الطلعة الاولانية أكتسحتهم كلهم برغم فارق المحركات و الأحصنة
الكورفيت ٦٣٨ حصان ...الفيراري ٦١٢ حصان ....البورش ٥٣٠ حصان و ال-GTR ٤٨٠ حصان
ثالثا ...شوف فرق السعر قد إيه ؟!!!
رابعا ....الفرق في أخر السباق (drag race) مش كبير بين الكل

بارفع القبعة لجميع ال-Masterpieces اللي في السباق ده

شيكو باشا,
النيسان سبقتهم فى الأول لسبب بسيط و هو وجود اللانش كنترول, و ده نظام مساعد للسائق ابتكرته رينو فى سباقات الفورمولا واحد و تم منعه, وظيفته ببساطة هو مساعدة(شدد على مساعدة تلك) السائق على الانطلاق بطريقة مثالية, بمعنى أنه يختار للسائق العزم المناسب للانطلاق, و تم منعه فى سباقات الفورمولا واحد على أساس أن متسابق الفورمولا واحد محترف يستطيع الانطلاق بأفضل من هذا النظام الالكترونى.
اذن تقدم النيسان الطفيف يرجع الى قلة حرفية السائقين الأخرين(عادة لا تزود السيارات الرياضية بمثل هذه الأنظمة لدعم قدرة السائق على المناورة).
كونهم جايبينها تتنافس مع سيارات أفضل و أغلى منها, فهذا لا يعنى أنها فى مستواهم, هى أخرها ممكن نقارنها مع الكورفيت, لكن مش أكتر, و الفروق صغيرة لقصر مسافة السباق, أعتقد انو مفيش عربية منهم جابت سرعتها القصوى.
لكن فين العربية الأسطورة التى سوف تقهر الفيرارى و البورش و اللمبورجينى! اذا كان هناك من اسطورة فهى الكورفيت المفتولة العضلات و التى بالمناسبة سعرها يقل كثيرا عن الفيرارى أيضا, طبعا بسبب فرق الاسم و متعة القيادة و أشياء أخرى, ففيرارى لا منافس لها.
و عموما التحية مستحقة للكورفيت و ليس الجى تى أر, و هى سيارة رياضية رخيصة أيضا وضعت مع الفيرارى و البورش, و ده اللى قصدته من الموضوع, محرك أسطورى تجاوز حاجز ال600 حصان (شركات قليلة استطاعت ذلك).
بس يا أستاذ شيكو فعلا حاجة غريبة, النيسان فى المؤخرة و الناس برضو بتمدح فيها, هل هناك تحيز ما؟!