عرض للطباعة
السلام عليكم
انا معروض عليا برافو 2009 طبعا انا مش اعرف عنها حاجة خالص خصوصا انى طول عمرى بركب كورى
بس البرافو عجبنى جداجدا وامكانياتها حلوة والعربية شكلها شبابى بس كنت حابب اعرف قطع غيارها متوفرة ولا اية بس برة التوكيل عشان انا مش بيجب من التوكيل وياترى سعرها يعمل كام وسعمت انى فى مشاكل فى الفتيس الاتوماتيك بتاعة دة صح ولا اشاعة يــــــارت رجالة الفبات تفدنى لانى خايف ادبس
انا معنديش فكره اوي عن العربيه بس هي بتقع تحت فءه متعبه اوي في مصر العربيه ممتازه لو شاريها زيرو لاكن مستعمل هتطلع عينك و مش هتستفيد بيها و عمرك ما هتعرف تستمتع بيها ومهما شديتها مش هترجع زي الاول لانها لو سنسور باظ العربيه مش هتتحرك و مفيش ناس كتير فاهمه فيها و قطع الغيار قليله جدا و غاليه نتيجه عدم انتشار العربيه نفسها و سعر اعاده البيع طبعا في الارض ده لو عرفت تبيعها , نصيحه من واحد عاشق للسيارات الاروبي ابعد عن الشر و غنيله انا كان معايا C4 citroen و بيعتها و من يومها اعد بغانيلو D:
ممكن تشترى اوروبى مستعمل برضه بس تجيب عربية ماسكة نفسها .. عمرك ما تشوف عربية اوروبى فاتحة بقها و تشتريها حتى لو سعرها فى الارض .. هتدفع فرق التمن بتاع الحالة فى تظبيطها و العربية عمرها ما هترجع زى الاولاقتباس:
المشاركة الأصلية كتبت بواسطة meka1990
عايز اقول انا جبت c4 مستعملة موديل 2006 سنة 2011 و العربية عرضتها للبيع مرتين و فى المرتين العربية كانت هتتباع فى اقل من اسبوع و بسعر عادل .. و بعتها فى 2013 بعد اقل من اسبوع من الاعلان و ربنا يبارك للى خدها العربية كانت واقفة كأنها موديل 2013 بالضبط و كل اللى كان بيشوفها مكانش متخيل ان العربية ديه انا شاريها مستعملة
فأهم حاجة انك تدور على عربية حالتها نضيفة جدا و متسخسرش فيها الفلوس حتى لو اغلى من السوق شوية .. صدقنى كده كده الاوروبى سعره فى المستعمل واقع و هتبقى صفقة كويسة حتى لو اغلى من السوق شوية انما تجيب عربية متبهدلة و تقول هظبطها هيطلع عينك مصاريف و ووقت و حرقة دم و عمرها ما هترجع زى الاول
العربيات دي محترمه اوي وركوبه اجمد من الكوري بكتير
بس هانعمل ايه في السوق المصري االعبيط
استاذ احمد..... انا حنقل ليك تجربتى بامانةلأنك حتدفع فلوس ... العربية دى مع اتنين اصدقاء موديل 2009... واحد فيهم هيانها وطلع عنيها والتانى معاملة كالملكة.... فى الحقيقة من واقع تجربتى معاهم.. متشيلش هم فى موضوع قطع الغيار لأنها موجودة ولكن ( بعضها ) وليس كلها غالى.... مثلا عندة مشكلة فى العفشة ( صلايب واجراس ) تكلفة شراؤهم تعدت ال7000 جنية ودة فى رأيي كتير.... وهكذا... ولكن من ناحية الفنى متقلقش بنتعامل مع واحد محترم من التوكيل وهو صديق كمان... نصيحة البرافو ممتازة ولكن قلة انتشارها وغلاء بعض قطع غيارها يجعلها صفقة غير مربحة.... كانت معروضة عليا وفضلت اجيب لينيا... عموما الرأى النهائى ليك وبالتوفيقاقتباس:
المشاركة الأصلية كتبت بواسطة ahmed fares 21