ماهى عيوب الاسقف المعلقة و الجبسون بورد ؟؟؟

السلام عليكم ورحمة الله وبركاته
انا بشوف كتير تصميمات اسقف معلقة و جبسون بورد جميلة جدا و بتخلى شكل البيت جميل جدا
و بفكر جديا اعمله عندى
بس فيه ناس قالتلى انه عيوبه بتظهر بعد فترة من الزمن
هتلاقيه شقق و نمل
الكلام دة صح ولا لاء لانى بصراحة خوفت بعد ما الواحد يصرف مبلغ مش قليل و يلاقى الشغل بعد كدة باظ و طبعا عشان يتصلح تانى دى مشكلة خصوصا لو شقة ساكنة
فهل حد من الاعضاء جربه الموضوع دة قبل كدة و عايش معاه ولا فعلا بيظهر عيوب بعد فترة ؟
و هل فيه صنيايعية محترفين فى الجبسون بورد والاسقف المعلقة حد تعامل معاهم فعلا ؟

فيه نوع من الاسقف الجبسيه بيتعمل عن طريق عمل شاسيه حديد متعلق من السقف الخرسانى ثم تغليفه بسلك شبك بقلاوه ثم بعمل طرطشه اسمنتيه ثم بعمل جبس عليه وده بنسبه كبيره بتستلمه اصلاً مشرخ شروخ رفيعه

وفيه نوع تانى اللى هوه عباره عن بلاطات جبس بتتصب خارجياً وده مش بيشرخ

اقتباس:

---

المشاركة الأصلية كتبت بواسطة amr011111

فيه نوع من الاسقف الجبسيه بيتعمل عن طريق عمل شاسيه حديد متعلق من السقف الخرسانى ثم تغليفه بسلك شبك بقلاوه ثم بعمل طرطشه اسمنتيه ثم بعمل جبس عليه وده بنسبه كبيره بتستلمه اصلاً مشرخ شروخ رفيعه

وفيه نوع تانى اللى هوه عباره عن بلاطات جبس بتتصب خارجياً وده مش بيشرخ

---

افهم من كدة ان النوع التانى افضل و مضمون ؟

الصنايعي ده شغله كويس جدا ومحترم وشغله ومواعيده زي الساعه واعتقد لو كلمته تسأله عن اي حاجه هيجاوبك ( 01114303213 محمود )

بصراحة بحكم مهنتى أنا إشتغلت فى الحاجات دى كتير ما شوفتلهاش عيوب و الدليل إنها لاتزال موجودة و لم تبطل بس طالما إنت بتتكلم عن ديكور فى المنزل يبقى

1- ماسنفعكش نظام البلاطات ceiling tiles سواء كانت جبس أو فيبر أو معدنية زى شيكاغو ميتاليك لإنها تناسب المكاتب أكثر

2-ينفعك نظام الجبسون بورد و هو عبارة عن بلاطات 1*2 أو 1.22*2.44 و التثبيت على نظام تعليق معدنى و عيبها أن الديكورات فيها محدودة بس أرخص

3-البياض على شبك ممدد مثبت على شاسية حديد و ده أكتر حاجة تناسب البيوت نظرا لإنك تقدر تعمل أى شكل إنت عايزه بأى تصميم .

كل اللى فات ممكن يدخل منه النمل و الحشرات و الزواحف لو مفتوح على الخارج و دى حالة نادرة فى المنازل لعدم وجود دكتات تتسلل منها

كل اللى فات ممكن يدخل منه النمل و الحشرات و الزواحف لو مفتوح على الخارج

مش فاهم النقطة دى يا باشا يعنى ايه مفتوح على الخارج ؟
و ازاى امنع مستقبلا دخول الحشرات و النمل ؟

https://www.facebook.com/pages/%D8%A...?ref=bookmarks

لاء طبعا الاسقف الجبسيه خامه ومهنه مستورده بالكامل
بعيد عن الابتكار المصر ي
مالهاش عيوب لو اتعملت صح واتكلفت في الخامه بدون تخفيف
شغل الجبس الصب والشبك والمحاره انقرضوا من زمن وكلهم عيوب وبيققوا وبينمل
خلاف الجيبسيوم بورد
بلاضافه للحوائط الجاهزه من الالواح الجبسيه
بديل البناء والطوب والمحاره
اما الاسقف البلاطات الارمسترونج مينرال فيبر والبلاطات الفنيل
تصلح للمكاتب والشركات فقط لاغير

اقتباس:

---

المشاركة الأصلية كتبت بواسطة hacker5

كل اللى فات ممكن يدخل منه النمل و الحشرات و الزواحف لو مفتوح على الخارج

مش فاهم النقطة دى يا باشا يعنى ايه مفتوح على الخارج ؟
و ازاى امنع مستقبلا دخول الحشرات و النمل ؟

---

أقصد التقفيل من الجوانب (النهايات الرأسية ) عندما تكون حول فتحات و دكتات و دى حالة مش موجودة فى الوحدات السكنية إلا نادرا .