عرض للطباعة
لو سمتحوا يا رواد المنتدى الأفاضل محتاج مشورتكم
انا محتار بين كيا كارينز (أول فئة) وال سوزوكي S-cross
السعر متقارب جدا بين الاتنين
السوزوكي تقفيل أوروبي و أشيك و امكانيات أعلى بكتير من الكارينز (أول فئة)
على الجانب الآخر الكارينز منتشرة أكتر بكتييير و بالتأكيد قطع الغيار متوفرة و سعر اعادة البيع أفضل
أنا شخصيا ميال أكتر لل S-Cross بس قلقان من عدم انتشارها رغم انها راائعة بكل المقاييس
محتار جدا
متااااابع ومعاك ف نفس الراي
اختار السوزوكي بس في نفس الوقت قلقان من اعادة البيع و قطع الغيار
على فكرة الكارينز دي مانتشرتش زي اللي فاتت، وسعرها مبالغ فيه جدا- من وجهة نظري- وبالتالي أنا أختار السوزوكي.. والله أعلم.
انزل اتفرج علي الاتنين و احكم بنفسك ... هتلاقي الاتنين عند أباظة Downtown ... السوزوكي هتلاقيها أول ماتدخل و الكارينز هتلاقيها فوق علي يمين السلم ... اتفرج علي الاتنين و اقعد فيهم و اللي قلبك يرتاح ليها أكتر توكل علي الله فيها
-رأيي خلّيك في السوزوكي لأني ركبتها و عجبتني و فتيسها CVT و 120 hp و أحسن كقيمة مقابل سعر من الكارينز اللي سعرها over أوي
-السوزوكي لسة نازلة جديد و لسة ماخدتش حقها في السوق و ده موضوع مش مؤكد هتثبته الأيام
أنا فعلا عملت كده... فرق كبير في الجودة و الامكانيات للسوزوكي.اقتباس:
المشاركة الأصلية كتبت بواسطة eng.mark
و شكلك مقتنع بيها أكتر يبقي توكل علي الله فيهااقتباس:
المشاركة الأصلية كتبت بواسطة hany a.moniem
السوزوكى تكتسح بجداره . . . . و لكن يصيبها فى مقتل وكيلها . . . مودرن موتورز
السوزوكى افضلها..عن الكارينز
الكارينز مش عارف اقتنع بشكلها الجديد تحس ان البودى شكله تحفه جدا لكن حجم العجلات مش متناغم معاها يعنى كان لازم تكون مرتفعه كده زى السبورتاج
السوزوكي طبعا انا شفتها وأجمد بكتير من الكارينز
الكارينز عربيه بحسها رخمه جدا وبطه
المهم تبقى تعرّفنا عملت إيه!
مع احترامى لرأى الجميع علشان محدش يزعل
الكارينز فى رأيى تتفوق بكتيييير على السوزوكى
والله الرأى ده عن تجربه
وموضوع انها بطه انا ماحسيتش كده نهائى بالعكس تماما
وربنا الشاهد على كلامى
طالما المقارنة بين العربيتين دول بس ... يبقى توكل على الله في السوزوكي واتطمن ان شاء الله مش هتندم
والتوكيل بقى احسن بكتير من زمان ... لكن في اسكندرية معرفش ظروف التوكيل هناك ايه الصراحه
بالنسبه لموضوع اعادة البيع لو مش ناوي تبيع قريب يبقى مش هتفرق وكل عربيه وليها الزبون اللي يقدرها وماحدش عارف الغيب ربنا يستر طريقنا جميعا
اما قطع الغيار .. ان شاء الله مش هتحتاج تغير حاجه غير بعد عمر طويل ان شاء الله .. الصيانات العاديه بس .. اما الاجزاء الخارجيه اسأل على اسعارها في التوكيل وقارن .. وعلى فكره مودرن موتورز اسعارهم في المصنعيات وقطع الغيار اقل من معظم التوكيلات دلوقتي ... وعربيتي الsx4 بقى ليها قطع غيار عند تجار السوزوكي في شبرا
والعربيه اللي مش منتشرة ليها ميزة زي ماليها عيوب .. وهي انك مميز في الشارع وملفت للانظار مش زي عربيات كتير بقت مرطرطة وفقدت جاذبيتها من كتر ماتعودت انك تشوفها
نصيحه لوجه الله عربيه ممتازه واساسيات وكماليات وتقفيل محترم .. والماتور كاتينه جنزير ... والعربيه فيها اجزاء كتير الsupplier بتاعها denso زي التويوتا زي الكمبيوتر بتاعها و bosch اوروبي زي الabs والفتيس الاوتو aisin زي التويوتا ( ده الاوتو ال4 نقلات معرفش الcvt الجديد ايه )
عيوبها من وجهة نظري .. التعليق الخلفي الtorsiom beam اعتقد هتكون ناشفه شويه
حاول تعمل test drive بأي شكل عشان برضو تبقى جربتها وتتطمن
اعتقد انها عربيه يابانيه بلمسة اوروبيه
وبالتوفيق للأصلح ان شاء الله
والله معلومات قيمة يمكن التوكيل نفسه ميعرفهاش... أنا فعلا متفق معاك في نقطة التورشن بيم و دي ظهرت في كذا ريفيو في انجلترا ان عفشتها عاملة ثبات عالي على الطريق بس في نفس الوقت ناشفة "كتير" و هناك بيقارنوها بالقاشقاياقتباس:
المشاركة الأصلية كتبت بواسطة dr_smart
انا كمان محتاج رايكم جداااا
العربية عجباني ويكفي انها ياباني تقفيل مجري
يا ريت اللي جربها او يعرف عنها حاجه يقول رأيه فيها
وشاكر فضلكم