اسمحلى اجاوب على حضرتك:
١- وضع ١ اضاءة العربية مغلقة اما وضع ٢ اضاءة العربية للقيادة الليلية مضيئة اللى هى ال led رقم d فى الرسمة مع لمبات خلفية رقم h
٢- لضبط الدراع ليعمل بشكل متواصل هاته على الوضع ٣ و ده وضع النور العالى.... و هو فى هذا الوضع لو شديت الدراع ناحيتك و كأنك بتعمل ومضات بس تشده مره واحده هتلاقى النور بقى عالى جداً و لمبه بيان زرقا نورت....شد الدراع مرة أخرى هيطفى
٣-الحرف i
٤- المعنى انك متقدرش تشغل الفوج الأمامى حرف e الا لما يكون الدراع على الوضع 2 و متقدرش تشغل الفوج الخلفى الا لما تكون شغلت الفوج الأمامى الأول....طبعاً لتشغيل الفوج الأمامى بتحرك الجزء الأوسط من الدراع ناحية رقم 5 و لتشغيل الخلفى بتحركه ناحية 6 و العكس غير صحيح
٥-الوضع auto هو تشغيل الضوء اتوماتيكياً حسب الضوء الخارجى (نهار او ليل او نفق او تحت الارض) باستخدام حساس الضوء....حضرتك بتجيب الدراع على الوضع auto و بتنسى موضوع الأضاءة ما عدا الأضاءة المبهرة دى لازم تشغلها بنفسك
٦-الرمز 7 اشارة يمين و شمال من نفس الدراع...لتحت او لفوق
٧- الزر ٨ لضبط ارتفاع الكشافات الخارجية اتوماتيكياً...بمعنى لو العربية محملة افراد هتضطر ترفع الكشافات لاعلى علشان تكشف الطريق ( تظبطهم على 3 او 4 ) و العكس صحيح
اما الزر ٩ فده للتحكم فى شدة إضاءة التابلوه
مسألتش حضرتك على المفتاحين اللى عليهم رمز p و اللى جنبه اللى عليه مثلث
- اللى عليه حرف p ده علشان تفصل او تشغل حساسات الركن
- المثلث ده علشان تفصل او تشغل نظام الثبات الألكترونى esp ( طبعاً كلنا بنحصدك عليه علشان مش نازل فى موديلات مصر:))
تحت أمرك فى اى استفسار
تحياتى
المفضلات