خدعة مسمار النمر الجديدة...بالصورة!
النهاردة نزلنا نرخص عربية جديدة في مرور مدينة نصر...
بصراحة مكنتش مصدق السلاسة و السرعة اللي الموضوع تم بيها...كنا هناك 9 صباحا...الساعة 10:30 كنا مركين النمر الجديدة و الرخصة في جيبنا!!!
المهم...نرجع لموضوعنا...
قالك النمر الجديدة مستحيلة الفك...و لازم تتفك بمعرفة المرور و لازم مفك مخصوص مش متوافر غير في وحدات المرور فقط!!!و عشان ترش اكصدام تروح تعمل طلب فك نمر و بعد ما تخلص تعمل طلب تركيب نمر:smilielol5:
قوم ايه؟؟؟ روحت استلمت النمر و اداني معاها كيس بلاستيك فيه ال 4 مسامير بال4 بلاستيكات اللي لونهم أبيض
قلت أبص علي نقشة المسمار اللي عاملين عليها بوليكة و محسسني ان النمرة عليها أسرار دولية!!
لاقيته كده:
http://photos-g.ak.fbcdn.net/photos-...566798_396.jpg
زي ما انتم شايفين هو شكله عبارة عن نجمة أو ورده...و فعلا لأول وهلة يديلك الإيحاء ان لازم المفك اللي هايفكه يكون جاي من هيئة الدفاع الجوي!
روحت لواد من اللي بيركبوا نمر بس كان في ايده عربية بيركبهم فيها...
ألاقيه يربط المسامير بإيه؟؟
مفك عادة !!!!!!!!!:2::2::k37::k37::k37:
أه بأمانة...مش بهرج!
بصيت تاني علي المسمار...لاقيت فعلا ان الورده (أو النجمة) دي فيها خطين (Diagonals) مش باينين من الرسمة يسمحوا بدخول مفك عادة (عريض) مرتاح جدا جدا...ولا مفكات غريبة ولا الهوا
المشكلة الوحيدة اللي انا شايفها هي البلاستكة البيضاء اللي بتتحط بعد كده...أعتقد هايبان عليها لو حاولت تشيلها...لأن لازم اله حادة تخلعها
الحاجة اللي تضحك أكتر و أكتر....ان معرفناش نركب النمرة اللي ورا عشان التريوس مكان النمر بتاعها متعب شوية...قام الواد ادالنا النمرة و و المسامير و قالنا ركبوها بره عند أي سمكري:smilielol5::smilielol5:
________________________________
مره أخري بأُحيي مرور مدينة نصر لأنه فعلا يعتبر مرور نموذجي و العاملين فيه مقدرين ان الناس وراها أشغال و مصالح