الموضوع: إيه مشكلة إني أشتري سياره شارك ضمان خليجي؟

و للا ممكن أشتريها من غير ضمان و أعمل أنا صياناتها بره عند أي حد و خلاص ؟

فين الردود يا رجاله؟؟؟

أنا هشتري بكره أو بعده بالكتير بإذن الله

أفيدوووووووووني

الخليجى مفيهوش مشاكل ولا حاجة بالعكس كماليات اكتر وفلوس أقل بس حاول تاخد الكماليات الفابريقة بعنى فيه فئات ملعوب فيها يعنى مثلا تاخد حاجة فيها جنوط اصلى والكاسيت يكون اصلى والسبويلر أصلى والفوج يكون أصلى مش بزرار يكون موجود فى دراع النور والمخادع تكون أصلى مش متركبة المشاكل بتظهر لو عربية ملعوب فيها ومتضاف ليها الكماليات دى هنا
هتلاقى اكتر من 10 فئات اختار اللى انت عايزة و الضمان فى شركة كويسة اسمها aaa

انا لسه جايب لواحد صاحبى من هناك فئة ب 138000 كل حاجة فيها فابريقة بتاعتها فوج وسبويلر وجنوط ومخادع وكاسيت أصلى

اه فيه حاجة كل البياعين هناك حوارتجية اوى فيه واحد كبير كدة اسمه عادل متهيألى هوا اللى جابلنا اللى من الاخر ويجيبلك اللون اللى عايزه

المشاركة الأصلية كتبت بواسطة marwanragab

الخليجى مفيهوش مشاكل ولا حاجة بالعكس كماليات اكتر وفلوس أقل بس حاول تاخد الكماليات الفابريقة بعنى فيه فئات ملعوب فيها يعنى مثلا تاخد حاجة فيها جنوط اصلى والكاسيت يكون اصلى والسبويلر أصلى والفوج يكون أصلى مش بزرار يكون موجود فى دراع النور والمخادع تكون أصلى مش متركبة المشاكل بتظهر لو عربية ملعوب فيها ومتضاف ليها الكماليات دى هنا
هتلاقى اكتر من 10 فئات اختار اللى انت عايزة و الضمان فى شركة كويسة اسمها aaa

شكرا على الرد و الإهتمام يا أستاذ مروان ....
بص .. الموديل اللي عجبني عندهم سعره 130 ألف بدون ضمان ... فيها كاسيت مش أصلي (هما اللي مركبينه)... كاسيت كبير 7 بوصه و فيه دي في دي و شاشته تاتش و فيه كاميرا متركبه ورا .. و بعدين مفيش فيها جنوط و لا نور للصالون في سقف العربيه و لا مسنط للكنبه ورا بين الكرسيين ...
هما قالولي ممكن تعمل ضمان سنتين مع شركة aaa هيتكلف ألفين و نص

في بقى نفس الموديل عندهم .. بس بالكاسيت الأصلي الصغير .. و بدون كاميرا طبعا .. و فيها إسبوير أصلي .. دي بـ 133 ألف ... و برضه مفيهاش مسند في الكنبه اللي ورا و لا نور بالسقف قدام

مش عارف أختار إيه ...
الكلام على توكيل دياموند يخوف و في بلاوي عنه على النت ...

برضه بفكر في صني الشكل القديم موديل 2015 موجوده بـ 117 ألف

رأيك إيه؟؟؟

شارك طبعا احسن من الصنى
فى الفئات انا رأى خد الفئة ال 138000 دى مناسبة أوى كفاية طقم الجنوط الأصلى والفوج الأصلى والكاسيت ومخادع

لو الفئتين اللى قلت عليهم اختار اللى ب 133000 ودة لسبب شخصى انى بقلق من الحاجات الى بيركبوها لكن لو عرفت انواعها والناس هنا شكروا فى الكماليات دى يبقى توكل على الله العربية انا اللى روحت استلمتها أول امبارح ولسة حتى ورقها مجاش وانا راكبها بجد جميلة ماشاء الله وموتورها سحبه عالى أوى عتتبسط بيها وشيل فكرة الصنى دى الشارك أحلى بكتييييييير

ألف شكر لإهتمامك يا أستاذ مروان ...
كتر ألف خيرك