عرض للطباعة
السلام عليكم يا شباب .. انا نويت اجب عربيه .. وتقريبا هتبقى اول عربيه ليا وكنت عاوزها هاتش باك .. دورت في كل الانواع واستقريت على حاجتين .. الفورد فيستا والنيسان تيدا .. كنت عاوز اعرف ايه ظروفهم من ناحية الصيانه ، اسعار قطع الغيار وتوافرها في السوق ، اي مشاكل بتواجه الناس في العربيتين دول ؟ .. و انا ممكن افكر في انواع تاني ايه وتكون حاجات حلوه ؟
ايه يا جماعه انتو فين ؟
الفيستا فيها esp و شكلها احسن بكتييييير من التيدا الجديدة لكن التيدا موتورها اقوى
العربيتين قطع غيارهم مش منتشرة للدرجة و مش سهل انك تلاقيهم برا التوكيل
و العربيتين واقعين ف اعادة البيع
الصراحة معنديش معلومات كتير عن التيدا الجديدة
لكن الفيستا فعلا عربية محترمة للى غاويها
فكرت ف الريو ؟
والله انا نفسي في الفيستا اكتر بس في ناس خوفتني منها ومن موضوع قطع الغيار انها مش متوافره كمان زي النيسان .. فكرت في الريو بس بعد ما ركبتها وشوفتها على طريق شلت نظر خالص من الكوري كله
التيدا القديمة هى اللى ليها سمعة كويسة و قطع غيارها موجودة
لكن للاسف التيدا الجديدة ضيعت السمعة دى ,,مبيعاتها ضعيفة جدا و
قطع غيارها مش منتشرة و هتضطر تتعامل مع التوكيل ف كل حاجة
و الله اعلم قطع غيارها متوفرة اصلا ف التوكيل و لا لأ
و نفس المشكلة ف الفيستا ,, و بالتالى طالما العربيتين اتساوا ف النقطة دى
يبقى اختار الاحسن ,, اللى هى الفيستا
و ايا كان اختيارك ,, لازم ف الاول تسأل عن اسعار قطع الغيار ومدى توافرها
جوه التوكيل و برا التوكيل كمان ف محلات قطع الغيار
التيدا ب 165 الف ؟!!
لو وصلت للمبلغ دا ممكن تفكر ف الشارك او الكروز او الفلونس و لا لازم هاتشباك ؟
انا حابب اكتر الشكل الهاتش باك .. طيب ممكن افكر في ايه تاني غير النوعين دول ؟
الاختيارات مش كتير ف فئة الهاتش بالك ف مصر
عموما ممكن تفكر ف الميجان الهاتش باك او الليون و لا بلاش ليون عشان dsg
و ممكن تعلى السعر و تفكر ف ال c4 او التويوتا اوريس
طيب حضرتك ايه رايك في الفيات بونتو بشكل عام ؟
للاسف فيات سوقها ضعيف اوى ف مصر
فكرت ف الجين 2 ؟
هو الصراحه مايش خلق خالص على الكوري بكل انواعه بفضل الاوروبي يليه الياباني
طالما نفسك ف ماركة اوروبى او يابانى هاتشباك
يبقى كدا الاختيارات سانديرو - سويفت - كورسا - فيستا - ميجان - c4 - اوريس - فوكس - جولف
حسب الميزانية
ميجان هاتشباك أفضل اختيار في الأوروبي
وتويوتا أوريس أفضل اختيار في الياباني
والله أعلم
أنا شايف الSeat Leon الجديدة صفقة حلوة جداً مقابل سعرها. نفس المنصة الخاصة بالGolf والA3، أداء كويس جداً وشكلها حلو وسعر أفضل منهم بمراحل. أنا حالياً معايا Fiesta 2011 وهي حلوة وكل حاجة لكن الLeon فئة أعلى وتقارن بالGolf مش بالFiesta.
أنا مع رأي حضرتك تماما ولو بأختار لنفسي مش هأختار غير ليون بس أنا عارف إن في ناس بتخاف م الفتيس !اقتباس:
المشاركة الأصلية كتبت بواسطة k_elkhawaga
Ford Fiesta
أنا متفهم موقفك، لكن أعتقد إن مشاكل الdsg إتحلت من فترة مش صغيرة، زائد إن حتى في أسوأ الحالات عندك ضمان (إن شاء الله مش حتحتاجه يعني)، وأعتقد في ناس مجرباها في المنتدى هنا.اقتباس:
المشاركة الأصلية كتبت بواسطة ahmzd
بالتوفيق في الإختيار، وإن شاء الله ربنا يكرمك باللي فيه الخير.
اتفرج على الشارك هاى لاين او فلونس
الابيزا او الليون