إخلاء سبيل قاض متهم بقتل محاسب فى منطقة الوايلى http://www.youm7.com/story/2015/1/6/

**hugan** · 06-01-2015 08:56 PM

إخلاء سبيل قاض متهم بقتل محاسب فى منطقة الوايلى الثلاثاء، 06 يناير 2015 - 03:24 م محكمة - أرشيفية كتبت مى عنانى أمر قاضى المعارضات بمحكمة جنح مستأنف الويلى اليوم الثلاثاء، قبول استئناف القاضى المتهم بقتل محاسب مع إخلاء سبيله، وذلك لاستئنافه للمرة الثانية على قرار حبسه بكفالة خمسة آلاف جنيه. كان قاضى المعارضات بمحكمة شمال القاهرة المنعقدة بالعباسية رفض الاستئناف المقدم من القاضى المتهم بقتل محاسب بالوايلى، مع استمرار حبسه 15 يوما، وذلك فى وقت سابق. البداية كانت أثناء سير قاضٍ بمحكمة جنوب القاهرة فى منطقة الوايلى، وتحديدا فى شارع أحمد سعيد، وأثناء ذلك تشاجر مع عامل بالمنطقة يستقل دراجة نارية بسبب خلافات بينهما على أولوية المرور، ليصل الأمر إلى التشاجر بينهما، مما دفع القاضى لإخراج الطبنجة الخاصة به وأطلق النار عليه، مما تسبب فى إصابته بطلق نارى برأسه، تم نقله على إثره للمستشفى فى حالة خطيرة لتلقى العلاج اللازم. وتمكنت قوات الأمن من إلقاء القبض على المتهم، وتم تحرير مذكرة بالواقعة، وبمباشرة النيابة التحقيق أصدرت قرارها المتقدم.

إخلاء سبيل قاض متهم بقتل محاسب فى منطقة الوايلى اليوم السابع

ماعرفش بقي ممنوع ولا مش ممنوع
بس كان لازم الواحد يعمل اللي عليه وينشر الخبر
قمه الاستفزاز والمهانه اللي عايشين فيها
المصري طالما مش مصري بشرطه
مصري وباشا مصري وظابط مصري وقاضي
مالوش اي قيمه ويمشي جنب الحيط ياكل سكر

**Mecha** · 07-01-2015 07:49 AM

طب القاضي طخ عامل يقود متوسيكل في مشاجره.المحاسب جه منين !!

**moody_687** · 07-01-2015 11:03 AM

ياباشا انا محامى وليا اصحاب وكلاء نيابة وضباط
مرة كنت مع واحد صاحبي وكيل نيابة فالساحل وعربيته طبعا متفيمة ومن غير نمر من ورى وقدام فوقفونا فاللجنة فصاحبي قاله وكيل نيابة فالضابط رد عليه قاله ممكن ياباشا اشوف الكارنيه فورهوله قاله ياباشا انت فوق راسنا المهم تكون استمتعت فالساحل ومشينا عادي
ان كان ابسط القوانين ف حياتنا الا وهو قانون المرور مش مطبق يبقى لمؤخذة القوانين الاخرى هتطبق عليهم ؟!!!
بس عاما لسه القضية لم تنتهى

**moody_687** · 07-01-2015 11:08 AM

مصر تهتم بطبقة القضاء والضباط ورجال الاعمال
انا معاك انهم مهمين بس مش هيخلوا الدولة متقدمة ومحترمة اللي هيخلي الدولة متقدمة الاهتمام بالعلماء والادباء والمهندسين بدل مايسافروا للخارج زى زويل والمهندس اللي عمل شغل ف المانيا واللي هيخلي شعبها محترم الاهتمام بالمدرسين فالمرتبات عشان ميبقاش همهم هم الدروس الخصوصية

**ahmedwagdy03** · 07-01-2015 11:48 AM

شوف الخبر اللى سيادتك نشرته و قارنه مع خبر تانى فى نفس هذه الأيام مفاده أن محكمة سوهاج حكمت على ضابطين بالمؤبد و أحكام أخرى على رجال شرطة بالسجن لمجرد أنهم إعتدوا على وكيل نيابة و كان الإعتداء عبارة عن حصاره فى مكتبه . كيف تجرأ هؤلاء على إهانة وكيل نيابة و كيف تجرأ المحاسب البسيط أن يزاحم المستشار فى الطريق .

بهذين الخبرين تعرف أن القضاه يعتبرون أنفسهم من طبقة غير باقى البشر . إذا كيف تتحقق العدالة و إذا كان العدل أساس الملك فكيف تقوم الدولة بدون عدل .

هكذا تسير الأمور فى مصر

**Mecha** · 07-01-2015 12:18 PM

المشاركة الأصلية كتبت بواسطة moody_687

مصر تهتم بطبقة القضاء والضباط ورجال الاعمال
انا معاك انهم مهمين بس مش هيخلوا الدولة متقدمة ومحترمة اللي هيخلي الدولة متقدمة الاهتمام بالعلماء والادباء والمهندسين بدل مايسافروا للخارج زى زويل والمهندس اللي عمل شغل ف المانيا واللي هيخلي شعبها محترم الاهتمام بالمدرسين فالمرتبات عشان ميبقاش همهم هم الدروس الخصوصية

اهو دا اللي مضيعنا ,كل واحد فاكر نفسه عبد المهم ,طبقة المهندسين, القضاة ,العلماء.......الخ
يا اخوانا دي كلها مهن لاكل العيش ,المفروض مبتركبكش القانون .ولا واحد في اي مهنة مهم .ممكن تسغني عن اي حد وتجيب سيد سيده
شوف امريكا واوروبا والنبي لو انت مين وكسرت اشارة مرور هتشيلها وتدفع وتخسر نقط ولو مش عاجبو يروح المحكمة.
ولو مين في اي شغلانة شاف نفسه يلاقي روحو ع الرصيف طوالي. هو دا العدل

**zangry** · 07-01-2015 05:13 PM

انا مش بدافع عن القاضي بس لازم ندور علي الحقيقة برضه القاضي قال الاتنين اللي كانوا علي الموتوسيكل اتخانقوا معاه وشتموه وكان في ناس علي القهوة اتلموا عليهم وشافوا الطبنجة معاه ف افتكروه ضابط ف قالولوا انت هيطلع ... ف ضربوه ووقعوه في الارض وكانوا بيخدوا منه السلاح ف طلقة طلعت في راس الراجل المحاسب

انا شخصيا مصدق كلام القاضي لان لو هو عايز يقتل حد كان من الأولي ضرب الاتنين بتوع الموتوسيكل اللي اتخانقوا معاه وشتموه مش واحد تالت ملوش علاقة بالحكاية أصلا .. وكمان مش هيضربه في راْسه يعني الا لو كان واقع علي الارض زي ماقال .. عموما هيبان مِن تقرير الطب الشرعي كلامه صح ولا غلط

**samyyousef** · 07-01-2015 05:33 PM

المشاركة الأصلية كتبت بواسطة zangry

انا مش بدافع عن القاضي بس لازم ندور علي الحقيقة برضه القاضي قال الاتنين اللي كانوا علي الموتوسيكل اتخانقوا معاه وشتموه وكان في ناس علي القهوة اتلموا عليهم وشافوا الطبنجة معاه ف افتكروه ضابط ف قالولوا انت هيطلع ... ف ضربوه ووقعوه في الارض وكانوا بيخدوا منه السلاح ف طلقة طلعت في راس الراجل المحاسب

انا شخصيا مصدق كلام القاضي لان لو هو عايز يقتل حد كان من الأولي ضرب الاتنين بتوع الموتوسيكل اللي اتخانقوا معاه وشتموه مش واحد تالت ملوش علاقة بالحكاية أصلا .. وكمان مش هيضربه في راْسه يعني الا لو كان واقع علي الارض زي ماقال .. عموما هيبان مِن تقرير الطب الشرعي كلامه صح ولا غلط

معك حق في تحليلك المنطقي....قلما يكون هناك راي غير انفعالي في مثل تلك المواضيع

فما ارتكبه القاضي اثناء المشاجرة من الممكن ان يقع فيه انسان يحمل سلاح....لذلك هناك من ينصح بعدم حمل السلاح ابدا لا لدكتور و لا لضابط - في فترات الراحة- و لا لغيره

و ما فهمته انه اخلى سبيله و مطلعش براءة

**eslam atia** · 07-01-2015 05:51 PM

عن عائشة رضي الله تعالى عنها أن قريشاً أهمهم شأن المرأة المخزومية التي سرقت ،فقالوا: من يكلم فيها رسول الله صلى الله عليه وسلم؟ فقالوا: من يجترئ عليه إلا أسامة بن زيد حب رسول الله صلى الله عليه وسلم ،فكلمه أسامة ،فقال رسول الله صلى الله عليه وسلم: ((أتشفع في حد من حدود الله؟ ثم قام فخطب فقال: إنما أهلك الذين من قبلكم أنهم كانوا إذا سرق فيهم الشريف تركوه ،وإذا سرق فيهم الضعيف أقاموا عليه الحد ،وأيم الله ،لو أن فاطمة بنت محمد سرقت لقطعت يدها)) رواه البخاري.
كم من سارق معروف يسرق الملايين وهو حر طليق بل موقر محترم في بلدنا عن عائشة رضي الله تعالى عنها أن قريشاً أهمهم شأن المرأة المخزومية التي سرقت ،فقالوا: من يكلم فيها رسول الله صلى الله عليه وسلم؟ فقالوا: من يجترئ عليه إلا أسامة بن زيد حب رسول الله صلى الله عليه وسلم ،فكلمه أسامة ،فقال رسول الله صلى الله عليه وسلم: ((أتشفع في حد من حدود الله؟ ثم قام فخطب فقال: إنما أهلك الذين من قبلكم أنهم كانوا إذا سرق فيهم الشريف تركوه ،وإذا سرق فيهم الضعيف أقاموا عليه الحد ،وأيم الله ،لو أن فاطمة بنت محمد سرقت لقطعت يدها)) رواه البخاري.
كم من سارق معروف يسرق الملايين وهو حر طليق بل موقر محترم في بلدنا