عمل تصريح سفر للطلبة و استخراج شهادة تحركات

انا طالب جامعي في سنة تانية و اجازة نص السنة عندنا بدري شوية عن المعاد الرسمي اللي هو 24/1 المشكلة اني رحت لمنطقة التجنيد اللي انا تابع ليها عشان اطلع تصريح سفر و معايا اثبات القيد و كل حاجة مرضوش يعملوه و قالولي ماجاش فاكس ان احنا نبدأ نعمل تصاريح للطلبة عشان اجازة نص السنة ولازم اعمل شهادة تحركات .. فا دلوقتي انا عايز اعرف بعد ما اطلع شهادة التحركات بسلمها في التجنيد عندنا هنا ولا في التنظيم و الادارة اللي في العباسية ؟ .. وبعدين هل شهادة التحركات بتطلع بعد يوم من التقديم ولا بتاخد وقت ؟ و كمان بيبقو فاتحين السبت ولا اجازة ؟
ارجو الرد بسرعة و شكراً مقدماً

بص اول حاجة هتعمل شهادة التحركات بتطلع فى اسبوع ل 10 ايام تقريبا وبعدين هتروح منطقة التجنيد علشان تعمل تصريح سفر تقريبا الى فى العباسية دى مش فاكر بس مش بتاعة المنصورة

او استنى بكره ان شاء الله احاول اجيبلك التفاصيل كاملة من واحد صاحبى لسا عامل حوارك ده بالظبط

بانتظار الرد ايضا للاهمية و ربنا يجزيك خير

اقتباس:

---

المشاركة الأصلية كتبت بواسطة eslam.elrefaey

او استنى بكره ان شاء الله احاول اجيبلك التفاصيل كاملة من واحد صاحبى لسا عامل حوارك ده بالظبط

---

ياريت و الله و تبقى ساعدتني جداً

بخصوص التصريح
لو فى جامعة خاصة هياخد اثبات قيد من الجامعه و هيروح وزاره التعليم العالي في مدينة نصر بيتختم فى ساعتها لو جامعة حكومية خلاص
هياخد الاثبات و صوره من الجواز بتاعو و بتاع الشخص المسافر ليه
و كام صوره كده
و صوره من التاشيره
و صوره البطاقه
و هيروح منطقه التجنيد ال في العباسيه مش ال في حلميه الزيتون
و يروح من بدري مثلا 8 كدا
هيديلو الحاجات دي ..و هيعد شويه و هيطلعلو التصريح
بخصوص شهادة التحركات هتحتاج تطلعها علشان هتسافر قبل الاجازة بتطلع فى خلال فتره الى قولتلك عليها قبل كده وهحاول لو عرفت اجيبلك تفاصيل عنها برضه لانه مقالش عنها حاجة لما سالته لانه فكرك هتسافر فى الاجازة

وبالنسبة للشهادة التحركات صورة شهادة القيد والباسبور فى مجمع التحرير