لزق زجاج الباب بالمجرى

السلام عليكم
عندى زجاج الباب خرج من المجرى بتاعته اللى المكنة الكهربه بتطلعه وتنزله منه وعملته بسيليكون وسبته يوم كامل بس منفعش فك تانى وانا بنزله , ممكن ألزقه بإيية تانى ,,, افيدونى وجزاكم الله خيرا

كل دى مشاهدات مفيش ولا مشاركة .... فين الردود
ساعدونى ارجوكم ..

مع احترامى لك
انا معرفش اللى بتتكلم عليه.
بس اللى اعرفه انه فى انواع كتير
من السيلكون زى سيلكون اسمه عضم
وده بيلزق جامد...وفيه لزق عباره عن
سرنجتين زى بتوع الحقن بس على كبير
لازقين فى بعض ولما تضغط عليهم مع بعض
بيطلع اللزق وبتلخبطهم مع بعض ولزقه جيد جدا
اسال على الانواع دى عند بتوع الاكسسوار وهما
حيرشدوك على اللزق المناسب.
تحياتى.

فعلا ممكن اكون جبت النوع الغير مناسب هسأل بتاع اى اكسسوار
شكرا للاهتمام وجزاكم الله خيرا

لو جبت النوع المناسب
ممكن تكتب بوست توضح فيه اللى حصل
علشان بقيه الاعضاء يستفيدوا.
وبالتوفيق.

والله انا اخر ما زهقت وديته لواحد بتاع زجاج وعمله بسيليكون لونه اسود بس ملى المجرى كلها سيليكون وشغال والحمد لله