الموضوع: الجرين كارد _ البطاقة الزرقاء _ الهجرة لكندا

المشاركة الأصلية كتبت بواسطة أحمد كمال

حضرتك محسسني ان التلاتة قدامك و ببلاش و انت بتعمل شوبينج :)

ههههههههههههههه
ضحكتني والله
لالالالالالالا مش كدا خالص
اصل اعلان الجرين كارد بقالة كام يوم في المتصفح وكدا
ولما دوست طلعلي روابط هجرة لكند واوربا والكلام دا
فحبيت استفسر
شكل الموضوع وهمي صح ؟

- الجرين كارد انت وحظّك لإنها قُرعة.. ناس بتقدم بقالها 20 سنة ومالهاش حظ وناس من تاني مرة تكسب.
- كندا حسب points انت بتجمّعها بناءً على عمرك, حالتك الإجتماعية, مؤهّلك والإنجليزي بتاعك. اجراءات الهجرة بتاخد 4 او 5 سنين تخليص ورق بس.

الهجرة لكندا سنة بعد سنة بتصعب عشان حكومة المحافظين بتضيّق الخناق على الهجرة, بلد كلها تلج وضرايب قاصمة, في نسبة عدم تقبّل تجاه المهاجرين من الكنديين نفسهم.

لعلمك في مصريين بيكونوا مقدّمين على الإتنين وتجيلهم كندا. وبرضه يفضلوا كل سنة يقدموا ع الجرين كارد أثناء ما هم بيخصلّوا اجراءات الهجرة لكندا. بيروحوا كندا ويستقروا وبرضه بيقدموا لوتري لأمريكا كل سنة :) بياخدوا الجنسية وبرضه بيقدموا لوتري كل سنة :)

امريكا وكندا سكتهم واحده ومعروفه من خلال المواقع الرسميه للهجره ليهم

امريكا وديه بتتفح فى شهر اكتوبر من كل سنه وبتقعد شهر واحد مده التقديم وانت وحظك

https://www.dvlottery.state.gov/

وده لنك لكندا تعرف منه عدد النقاط الى توهلك للهجره ولالا وفيها مقاطعتين كيبيك مقاطعه فرنسيه ومقاطعه فيدراليه الى بيتتكلم انجليزى فخليك فى الفرنسيه بيحتاجو فيها اكتر

Apply to immigrate to Canada

غير كده اى حاجه يبقا بتضيع نفسك بايديك وهيتنصب عليك

تمام تمام
بس مفيش حد اتكلم عن اوروبا ( البطاقة الزرقاء )
وايه المهن المطلوبة بكثرة في كل الحالات

المشاركة الأصلية كتبت بواسطة eslam atia

تمام تمام
بس مفيش حد اتكلم عن اوروبا ( البطاقة الزرقاء )
وايه المهن المطلوبة بكثرة في كل الحالات

https://www.facebook.com/groups/1465586877036358/

المشاركة الأصلية كتبت بواسطة باسم يوسف

عشان تهاجر للولايات المتحده او انجلترا او كندا محتاج 3 حاجات:

1) اتقان تام للغه الانجليزيه و لو رايح كندا ينصح بشده اتقان اللغه الفرنسيه كمان

2) سواء مسافر للدراسه او فتح مشروع محتاج لزكيبه فلوس

3) لو رايح كندا يبقي غالبا لازم تكون خبره في مجال علمي نادر وده طبعا غير متوافر

عن نفسي مسحت الدول دي من ذاكرتي و قلت خلينا في دوله افريقيه امنه و خلاص

انا مش عاوز اهاجر ولا حاجة
بس الفترة دي علي المتصفح اعلانات الهجرة كتيرة جدا
فقلت افهم ايه اللي بيحصل
خصوصا ان واحد صاحبي نفسة يمشي
وانا مش معاه لان الدول دي سياستها غيرنا خالص
اينعم هما متقدمين جدا عندنا ، بس تحس ان كل واحد في حاله
يعني هنا لو حصلتلك مشكلة هتلاقي صاحبك تنزل تفضفض معاه
لو اتزنقت في قرشين هتلاقي صاحبك في ضهرك
محتاج تروح لأمك وابوك تعيد عليهم وتزور حماتك واقاربك مفيش ساعتين زمن
ممكن بكل بساطة تستأذن واحد في الشارع متعرفوش تتكلم دقيقة من موبايلة لانك مزنوق ومعكش رصيد
انما هناك كل واحد في حاله
وهي كويسة ووحشة في نفس الوقت