غير عملية في مصر على الإطلاق
غير عملية في مصر على الإطلاق
متابع
معقول ده عندنا !!
شفت الاعلانات علي الفيسبوك
و مش فاهم وجهة النظر
يعني هو انا هروح و اجي من الشغل بالطياره
و لا هخرج اتفسح بيها يوم الخميس و الجمعه مثلا
لو كده ماشي
غير كده تبقي زي قلتها
حتى لو بعشر الاف جنيه بردو لازم الحكومة تطلعلك سمسون فى النص كدا عشان تعكنن عليك
وبعدين مش الاول يشيلوا الجمارك عن العربيات او حتى يخفضوها بدال ما نشوف عربية سعرها ميعديش 6 الاف جنيه برا ب50 الف هنا
انتو بتهزرو صح ؟
في رجال اعمال كتير بيلعبو في فوق ال 10 مليون
وعادي جدا انه يجيبها ويركنها في المطار لو حابب يطلع بيها مشاوير خاصه المحافظات
تخيلو ده يورح اسكندريه في قد ايه بدل ما يتلطع عالمحور ساعه والدائري ولا اكتوبر زيهم غي رالطريق غير جوه البلد
في طيران داخلي بس مش تحت امره وحجز وحوارات لكن دي تحت ايده بالطيار وبالنسباله الوقت اهم
تخيلو يروح شرم في ساعه ولا الغردقه ولا اسوان في ساعه ونص
طبعا هي موجهه لناس كتير جدا وعددهم في مصر كبير مش قليل
زمان كانت الهيئه العربيه للتصنيع بتعمل طيارات هليوكوبتر في حدود 150 الف
الكلام ده يجي من 12 او 15 سنه وكانو بيعلنو عنها بس طبعا عايزة موافقات فظيعه
ياجماعه والله الراجل صاحب الموضوع مشكور .. فيه ناس تقدر تشترى عربيات من فوق ال 300 الف تقدر تشترى
كمان فيه ناس بتعمل دعايه انتخابيه لمجلس الشعب من خلال رمى اوراق دعايه من طائرات رش المبيدات
انا اسمع ان رجال الاعمال فى البرازيل عندهم موضوع الطاياره فوق السطح دا عادي جدا
واهو كل واحد ومقدرته .. وكويس ان يببقى فيه وسائل جديده للى يقدر يعملها .. يعنى انا شايف موضوع الدراجه الهوائيه بينفع فى مشاوير معينه وكمان الموتسكيل وحتى التروسيكل والتوكتوك حتى الاسكوتر بتاع الاطفال فيه منه نماذج تنفع للكبار بس لازن يكون الرصيف مجهز ليها زى بره .. ياريت نفكر بره الصندوق
من اسبوعين كده شفت اسمه ايه المسلمانى ده كان على قناة الناس تقريبا وكان جايب نموزج عادى من سياره طائره وجابها على الشاشه وهى تمشى على الطريق وايضا وهى تطير فى الجو معقول ما حدش شاق الحلقه دى ولا ايه انا فى الاول افتكرتو بيتريق على حد فى السياسه ولا حاجه بس قى الاخر طلع بيتكلم بجد وقال انها هتكون موجوده فى سنة ٢٠١٧ كمان قال ان الوقود بتاعها بنزين عادى وايضا وهى طائره فى الجو بنزين برده وكمان قال انها لا تحتاج ممرات ولا مطارات اى تقلع لاعلى على طول وتهبط لاسفل ايضا عمودى ده قال كلام كتير بس انا ما اهتميتش قوى بالموضوع