فيه عرببات فيها عداد تاني في الفتيس و غالبا دي الطريقة اللي بيتفقس بيها اللعب في (او تغيير) عداد التابلوه
عرض للطباعة
فيه عرببات فيها عداد تاني في الفتيس و غالبا دي الطريقة اللي بيتفقس بيها اللعب في (او تغيير) عداد التابلوه
جبتها بكام يا باشا؟
وحتي لو الكيلو في العقد ,الشرطة متقدرش تعمل حاجة ,عقد مدني عاوز محكمة
126000
انا من راى تحاول ترجعها لية تبقى ماشى بعربية مديقاك واى حاجة تحصل فيها تفضل توجع دماغك الحياة مش مستاهلة حرقة دم روح خد ناس معاك ورجعها الاول بالزوق مكنش استخدم الناس طالما هو واخدها عافية اهم حاجة خد حقك وسيبلة عربيتة المليانة مشاكل لانة كدة غشك طالما لاقيت بارومة وعداد كيلومتر غير المتفق علية للاسف انا بقولك الحل دة وانا مدايق لحال البلد الوصل الناس تتعامل كدة واى عربية تشتريها بعد كدة يبقى من التوكيل او ليها سجل صيانة وتروح التوكيل انشاله تدفع 1000 جنية وتريح دماغك
بالنسبة للسعر الاوكتافيا النضيفة الماشية كيلومتر قليل هتلاقيها 120 ل 140 جم طبعا دول حالة نضيفة جداً تقريباً راشين اكصدامات رفرف مش اكتر من كدة ومش متهانين هتلاقيها ماشية فى حدود 85.000 كلم ل 115.000 وعلى حسب الفئة بتفرق من هاى لاين للفئة الثانية 2008 طبعاً ..
بالنسبة للشراء لازم تبقى عارف ان متوسط عداد كلم فى السنة 19000 كلم ولازم تشوف ورق العربية وتكشف عليها بالتوكيل ولازم علشان تطمن تطلب ورق الصيانة كتيب الصيانة لو وجد او وصولات الصيانة التمت للعربية وعينك تبقى على الطابلوة من تحت عجلة القيادة وتبص على الكلبسات والمسامير طبيعية ولا فى مسامير مش راكبة او فى حاجة مش مظبوطة وابسط حاجة بص على الدواسات ممسوحة بدرجة كبيرة مش متماشية مع عداد الكيلومتر يبقى لاء وانت بتكشف بيبان قطع معينة بتتغير بعد عدد سنوات ثابتة تسال على القطع دة وتعرف من وصل تركيبها او شرائها وتقارنها بعداد كيلومتر علشان كدة اهم حاجة ورق الصيانة بالتوكيل وتقارن عمر القطع الاتغيرت بعداد الكلم واخيراً حالة الكاوتش لو مش متغير والاصلى هو الراكب فيها بيبان منة من عمق الفراغات فى الاطارات وربنا يوفقك فى الشراء القادم باذن الله