يا جماعة انا روحت انهرضا اصبح علشان انقل ملكية العربية فى المرور فروحت للمرور واثناء الاجرائات عقد بيع السيارة ضاع منى... بس رخصة العربية معايا وكل الورق جاهز . دلوقتى اعمل ايه فى العقد الى ضاع ده؟
اية العمل؟
عرض للطباعة
يا جماعة انا روحت انهرضا اصبح علشان انقل ملكية العربية فى المرور فروحت للمرور واثناء الاجرائات عقد بيع السيارة ضاع منى... بس رخصة العربية معايا وكل الورق جاهز . دلوقتى اعمل ايه فى العقد الى ضاع ده؟
اية العمل؟
ياما لو تعرف توصل للبائع وتملوا عقد جديد يبقى كويس
غير ذلك يبقى املا عقد تانى بنفسك وخلاص وامضى مكان المشترى والبائع
الفتي المصري never dies
على اعتبار ان اي حد يمضي مكان حد و تبقى سهلة ..... ما هي سايبة بقى !!!!
و لا على اعتبار انه هيروح الشهر العقاري مع البائغ تاني يدفع 1000 و لا 1500 جنيه تاني
---------------------
استاذي صاحب السيارة
توجه للشهر العقاري اللي عملت فيه عقد البيع و طلع مستخرج منه ....... لو العقد كان مميكن بيطلع بسهولة جدا و انت واقف المهم تفتكر التاريخ و لو بالتقريب
لو مش مميكن هياخد وقت اطول شوية عشان يدوروا في الدفاتر او الميكروفيلم
العقد المسجل فى الشهر العقارى اعتقد ممكن تروح تطلع واحد تانى من عندهم
الف شكر.
والله يا بيه صاحب السؤال لما سأل رديت عليه فى حدود ما افتكرت انا عملت ايه
على اساس ان العقد اللى معاه عقد بيع ابتدائى بيتجاب من اى مكتبه وده اللى عملته لما بيعت عربيتى
بس لما انت رديت افتكرت انى تانى يوم روحت الشهر العقارى عملته العقد
فسقطت سهواً ولا اقصد افتى ولا اى شىء
لو عقد ابتدائى عادى جدا و له تزعل نفسك
لو عقد متوثق فى الشهر العقارى
بتاريخ توثيق العقد فى الشهر العقارى تقدر تطلع مستخرج تانى
وله تضايق نفسك
و ان شاء الله خيرررررررر
بتاريخ العقد تطلع بدل فااقد شئ عادي جداا ماتقلقش
سيدي الفاضل
ما تقلقش
الموضوع بسيييييط جدا زي ما الاخوة قالوا لحضرتك
كل الموضوع انك هتروح لمكتب الشهر العقاري اللى انت عملت فيه العقد المسجل مع البائع و طبعا لازم هيكون معاك البطاقة بتاعتك
و هتجيب من هناك (طلب استخراج صورة او شهادة) بس الاول هتعمل بحث عشان تعرف رقم العقد المسجل في الدفتر او على الكمبيوتر كام
و بعد كده مكتب الشهر العقاري هيطلع ليك صورة رسمية من العقد (لأنه بيكون فيه نسخة من العقد في المكتب) و عليها طبعا ختم النسر (و تاكد انك ختمت الورقة) عشان المرور ميرجعكش تاني
و بس و العملية بتتكلف في حدود 5 جنيه فقط
و ان شاء الله خيييير