عااوز ارخص سلك كهرباء طرفين ( لفة أو اكتر ) ،، السعر كام و يكون ايه ؟؟

الســـلام عليكم و رحمة الله وبركاته


بدور على سلك كهرباء طرفين

السلك اللى بيتباع فى المحلات المتر بتاعه بـ 1 جنيه ،، انا عاوز لفة بس الراجل مارضاش يحسبها جملة و قالى اللفة بـ 100 جنيه :) ... هاسأل محل تانى النهاردة لو لقيت حد فاتح

بس برضه بدور لو كان فيه نوع ارخص يبقى ماشى ، مش مهم سمك السلك المهم العزل و بس !

فكرت فى سلك تليفون ، بس دورت على النت لقيت اللفة بـ 65 جنيه !!!
انا كنت من كام سنة بجيبها قطاعى بـ 30 قرش أو 50 قرش تقريبا للمتر !!

بقى نوع واحد اللى هو طرفين معزولين مجدولين على بعض، ماعرفش سعره و مستبعده لإنه ردىء و بيلمس و يبوظ على طول .

افيدووونى بالله عليكم

وعليكم السلام ورحمة الله وبركاته
هات سلك مجدول ( محمّل ) عزله كويس وسعره مش غالي أعتقد المتر ممكن يعمل 75 قرش

^^^^^^^^^^^^^^

انت قصدك على اللى بيبقى طرفين لونهم ابيض مجدولين ؟ ولا نوع تاني ؟

اقتباس:

---

المشاركة الأصلية كتبت بواسطة Ladawy

^^^^^^^^^^^^^^

انت قصدك على اللى بيبقى طرفين لونهم ابيض مجدولين ؟ ولا نوع تاني ؟

---

أيوة هو ده

http://nileup.com/up/uploads/nilemotors_14208045871.jpg

بس خلي بالك عشان في منه نوعين نوع خفيف عزله تعبان ونوع محمّل عزله كويس

هو حضرتك حاسب هاتحمل اية علية لانة لو ضعيف ممكن يسيح من الاحمال علية

هات السويدى الاصلى علشان يستحمل

ارخص مكان فى مصر هتلاقى فى العتبه
ممكن تسال عند جبريل بالتليفون وتشوف سعره كام

شكـــــــرا يا رجالة على التعاون

انا كنت هاشغل عليه جهاز ( سويتش نت ) ، قدرته قد شاحن الموبايل تقريبا .

جبت سلك بولو طرفين و عليهم عازل ( اللى هو زى الـ "ترمو" ، او هو تقريبا اسمه عند البياعين ترمو -الله اعلم- )
جبت اللفة بـ 85ج ، المفروض بتبقى 100 متر على الورق ، بس فعليا ممكن تكون 80:90 متر
بعدها سألت واحد معرفة عنده الحاجات دى ، عنده لفة بس نوع تانى عنده بـ 65ج
.
انا عارف انى شاريها غالية 20ج تقريبا ، بس وقتها اتزنقت و كنت محتاجها فاشتريت و خلاص .

حسب ما انا فاكر
لفة 100متر 2 ملى الحجاز ب120 جنيهو بالعافيه كمان من صديق

اللى انا كنت عاوزه الـ 0.5 مللى .
الـ 2 مللى دا ممكن اشغل عليه غسااالة ^_^

اقتباس:

---

المشاركة الأصلية كتبت بواسطة ladawy

اللى انا كنت عاوزه الـ 0.5 مللى .
الـ 2 مللى دا ممكن اشغل عليه غسااالة ^_^

---

طبعا أنت بتبالغ فى المقارنة بين إحتياجاتك و بين ال 2 مللي
لكن يجب التنويه لم يتابع المداخلة و ليس متخصص أن هذه جملة مبالغة و ليس حقيقة حتى لا يحترق المنزل