انا كان عندي كام سؤال لو سمحتوا..
1.هل فيه معرض عنده 508 فئة تالتة هاي لاين شكل قديم زيرو او كسر زيرو في اسكندرية
2.لو فيه المفروض تمنها كام و هل تستاهل ولا لا )معجبنيش الشكل الجديد)
3.هل ظهر في ال508 اب مشاكل ولا كانت كويسة كتقفيل و استهلاك بنزين
عرض للطباعة
انا كان عندي كام سؤال لو سمحتوا..
1.هل فيه معرض عنده 508 فئة تالتة هاي لاين شكل قديم زيرو او كسر زيرو في اسكندرية
2.لو فيه المفروض تمنها كام و هل تستاهل ولا لا )معجبنيش الشكل الجديد)
3.هل ظهر في ال508 اب مشاكل ولا كانت كويسة كتقفيل و استهلاك بنزين
الشكل القديم فئتين فقط وليس ثلاثه. ويوجد علي مواقع البيع عدد من السيارات للبيع
الشكل القديم كان فئتين لحد 2013 وبعد كده بقى ثلاث فئات وبعدين جه الشكل الجديد برده ثلاث فئات
بس زى الاستاذ هانى ماقال لحضرتك توكل على الله فعلا عربيه تستحق الاقتناء
العربيه مع زوجتى بقالها 3 سنين بالظبط
عملنا بيها 88 الف كيلو
العربيه كويسه اجمالا لكن عفشتها سيئه وضعيفه
اى مطب متوسط السوء هايسبب مشاكل فى الجنوط او المساعدين, المقصات, الخ
لحد دلوقت مغيرين مساعد خافى ومقص امامى وجنط من مطبات غير شديده
هى للاسف ملهاش بديل فى فئتها السعريه..لو معاك 250 الف وتقدر على مصاريف تشغيل اعلى هاتلك بى ام 320 موديل 2010 ولا 2011
الجنط استحاله يتاءثر الا من مطب شديد
و العفشه بتتعب من السواقه الحريمي و ده شئ معروف عنهم
تلقى مواتير و فتيس زيرو عشان ما بيشدوش و عفشه خرابه و اسئلني انا لما اضطريت اسوق عربية المدام الكورولا اللي معروفه بنعومة عفشتها اكتشفت انها قلبت على توكتوك و ده مش عيب في سواقتهم هيا الفكره تحس ان المطبات مش في دماغهم المهم العربيات اللي حواليهم
و بعدين مساعد و مقص في ٨٨ الف ولا حاجه و احتمال يكونوا اتغيروا ضمان فكنت عايز اعرف من حضرتك التوكيل اتصرف ازاي بس انا اتطمنت عشان السيفيك كانت عامله ٤٠ الف و غيرت ٢ مساعد خلفي و قاعدة موتور و علبة دريكسيون مع العلم اني مبخدش بيها مطبات
و انا حضرتك سقت ال ٣٢٠ عفشتها ناشفه جدااااا و بتبوظ برضه بسرعه و ساعتها الغرامه هتبقى جامده
انا مش شايف اي ميزه اني اضحي بعربيه زيرو افخم و اقوى حتى لو بيجو عشان بي ام فئه اقل و موديل ٥ سنين فاتواعامله ٨٠ الف اقله بنفس التمن انما لو هنقول الفئه الخامسه كده الكلام اختلف
و على العموم فيه ناس معانا في جروب ال٥٠٨ على الفيس وصلوا لنفس المعدل محدش اشار لموضوع العفشه اقصى حاجه سمعتها صمام التربو باظ في عربيه بسبب مسدس الميه بتاع المحطه و التوكيل عمله في الضمان و يمكن ده العطل الوحيد
و انا عن نفسي كان عندي التيل الخلفي بايظ و اتغير برضه في الضمان
تحياتي لحضرتك
انا معاك ان سواقة الستات زفت وبتبهدل العفشه
بس بالفعل المطب اللى كسر الجنط ماكانش شديد
المساعدين والمقصات خارج الضمان وده مكتوب فى كتيب الضمان "اجزاء التعليق" وبصراحه عندهم حق لان ممكن واحد ياخد مطب جامد بيها وهى زيرو يكسرها
انا طبعا فاهم نظريتك فى البى ام المستعمل...على العموم انا قلت انها عربيه "كويسه اجمالا" ...يعنى انت اكيد مش خسران لما تجيبها...بس لازم تعمل حسابك على استعمال نضيف وتراجع على العفشه كل شهر...بالتوفيق
اليوم اخدتها التوكيل للكشف عليها بعد "الطوبه" اللى زوجتى مشيت عليها وقطعت الكاوتش وكسرت الجنط
كان فى صوت ترقيع واضح بعد ما ركبت الاستبن وكان واضح ان فيه حاجه حصلت فى العفشه
اللى وجدته هناك وشفته بعينى:
-كسر كامل للمساعد
-كسر مسمار ربط الشداد بالطنبوره
-والمفاجأه الاكبر بقى هى كسر لقاعده الموتور اللى جنب المساعد !!!!
عفشه زباله زباله