الموضوع: اية أخبار الأسعار بعد تخفيض الجمارك ؟

زادت الاسعار و هتزيد
لان التوكيلات بيلعبو على دماغ الشعب الجميله هنا
حضرتك ٨٠٪ من البيجيبو بى ام و مرسيدس
مش بيجيبوها كاش
هو مثلا بيحط وديعه بمليون جنيه او اتنين
و من فوايد الوديعه بيدفع اقساط العربيه و الصيانه و التامين
و لما يزهق منها بيبعها و يجيب جديد بنفس الطريقه
و كده هى واقفه ببلاش بالنسبالو
فا التوكيل بيستهدف الفءه دى
و بص على انتشار العربيه دى فى الشيخ زايد او التجمع او اكتوبر بشكل عام
انا الباركنج عندى فى العماره فيه ما لا يقل عن ١٢ عربيه بى ام ٢٠١٤
و شويه مرسيدس على جيب
كل الناس دى جيبين بالطريقه البقولك عليها
فا ب ٣٠٠ ب ٤٠٠ محدش بيركز اوى فى الفءه دى
انا ليا صديق عندو ٤ بى ام كلهم ٢٠١٤
هو و مراتو ر وولادو الاتنين و بيحطو ٩٢ لان ال ٩٥ غالى ههههههه
فا التوكيل بيرفع و الناس بتشترى و الحياه زبادى خلاط
انا عن نفسى عايز اجيب x3 و بقالى ٣ شهور بفكر و كنت حاجز c180 amg
و لا سمعت عن القصص بتاعت ٩٥ نفضت مش علشان ال ٩٥ غالى لاكن لانو مش متوافر فى حتت كتير و مش همشى حاطط عينى على عداد البنزين لا يخلص
فالدوافع مختلفه
شوف كام الناس الجابت c180 و عرضاها للبيع و بيكسبو فيها كمان و بيروح يجيب بى ام
يا راجل ده الطارق حاطط اوفر برايس ٥٥ الف على الجراند الجديده و بالحجز عندو
شوفت دماغ اى كده غير فى مصر ٢

المشاركة الأصلية كتبت بواسطة Batman372

ا. هانى يقصد انه يوجد ماركات اخرى تنافس بشده و ارخص ...
و كمثال اعلى فئه انسينجيا ب ٣٠٠ الف فيها كل ما تتخيله و موتور ١٧٠ حصان تربو ... مقابل ال ٣١٦ اعلى فئه ب ٣٥٦ و موتور ١٣٦ حصان تربو و ناقصه حاجات كتير عن الانسيجنيا مثل الفتحه و الزنون و الكراسى الكهرباء و الفرامل اليد الكهرباء و الشاشه التاتش الكبيره و النافيجشن و الجنوط ال ١٧ ...
ايضا فى دبى احدث ليكزس ارخص من البى ام ... مع العلم ان اعاده بيع اليكزس افضل كثيرا ... غير طبعا ان اليكزس من اجمل العربيات الى ممكن تركبها و اعتماديه الى اقصى الحدود و عليها ضمان ٦ سنوات !!!
فعلا بى ام و مرسيدس فى التسعير بيعتمدو كثيرا على البراند ...
تحياتى ...

المشاركة الأصلية كتبت بواسطة hany63

طب ايه تفسير حضرتك للزيادات المتتاليه الغير مبرره في تمن البي ام و ثبات سعر الماركات التانيه

و انا كنت هشتري ال 316 اعلى فئه لما كانت ب ٣٢٨ الف و بامانه العربيه ساعتها في رائيي اعلى من قيمتها بكتير و تعتبر كماليتها اقل من اول فئه في ال ٥٠٨ اللي اعلى منها في الفئه و ارخص ١١٥ الف !!!!

ما هو وضعنا السعر جانبا .. المقارنة هتبقى مش هتبقى صحيحة

كده في Compact premium car امام اتنين Mid-size cars .. و دي فئات مختلفة و أسعارها مختلفة

ال 316 فعلا فقيرة في الأوبشنز .. بس ما هي عندها مميزات .. الدفع الخلفى و الأداء الرياضي و بعيدا عن الأرقام اللي على الورق .. ال 316 بالموتور ال 136 حصان و الفتيس ال ZF أدائها ما يقلش عن اي عربية 2500 سي سي بالتجربة

غير كده .. انا متفق ان ال Brand ليه سعر طبعا .. بس مش للدرجة دي

بره مصر .. اتفق ان فيه Competitors أقوياء .. زي ال Infiniti Q50 .. ال 6 سلندر و 320 حصان و بتقول بابا و ماما و أرخص من ال 316 ام 136 حصان

انما في مصر اللي باصص على الفئة دي .. عنده ال 316 و ال C180 اللي اغلى منها في التوب لاين اكتر من 100 الف جنيه

تحياتي