حد عندة فكرة عن الأسعار بعد تخفيض الجمارك ؟
عرض للطباعة
حد عندة فكرة عن الأسعار بعد تخفيض الجمارك ؟
لو تقصد اسعار البى ام الجديده ...
لسه مكلمهم من كام يوم ... و فيه كلام على زيادات !!!!
وكيل البى ام بيستغل موضوع بنزين 95 لمواتير كل المرسيدس الجديده اسوأ استغلال و عمال يرفع الاسعار !!! ال 320 من 6 شهور فقط كانت ب 412 اليوم ب 445 و حتزيد تانى !!!
مع العلم ان خساره اعاده بيع البى ام عموما اعلى من اى تكلفه اضافيه فى حاله استخدام ال 95 فى المرسيدس ...
تحياتى ...
ا. هانى يقصد انه يوجد ماركات اخرى تنافس بشده و ارخص ...
و كمثال اعلى فئه انسينجيا ب ٣٠٠ الف فيها كل ما تتخيله و موتور ١٧٠ حصان تربو ... مقابل ال ٣١٦ اعلى فئه ب ٣٥٦ و موتور ١٣٦ حصان تربو و ناقصه حاجات كتير عن الانسيجنيا مثل الفتحه و الزنون و الكراسى الكهرباء و الفرامل اليد الكهرباء و الشاشه التاتش الكبيره و النافيجشن و الجنوط ال ١٧ ...
ايضا فى دبى احدث ليكزس ارخص من البى ام ... مع العلم ان اعاده بيع اليكزس افضل كثيرا ... غير طبعا ان اليكزس من اجمل العربيات الى ممكن تركبها و اعتماديه الى اقصى الحدود و عليها ضمان ٦ سنوات !!!
فعلا بى ام و مرسيدس فى التسعير بيعتمدو كثيرا على البراند ...
تحياتى ...
طب ايه تفسير حضرتك للزيادات المتتاليه الغير مبرره في تمن البي ام و ثبات سعر الماركات التانيه
و انا كنت هشتري ال 316 اعلى فئه لما كانت ب ٣٢٨ الف و بامانه العربيه ساعتها في رائيي اعلى من قيمتها بكتير و تعتبر كماليتها اقل من اول فئه في ال ٥٠٨ اللي اعلى منها في الفئه و ارخص ١١٥ الف !!!!
كلامك صحيح ... لكن النسب اعتقد انها ١٥/٢٠ ٪ :)
انا حاجز السى الجديده الافانجارد و على استلام ...
بسبب البلبله و موضوع ال ٩٥ ... فكرت فى ال ٣٢٠ و كانت فى اغسطس ب ٤١٢ ... و بحكم ان سوق السى الجديده حاليا مش ماشى كويس ...
اليوم ال ٣٢٠ ب ٤٤٥ و حتزيد !!!
فرجعت طبعا لخيارى الاول للسى الجديده !!! لان حتى لو ٩٥ ... حتكون اوفر من خساره اعاده بيع البى ام ...
خصوصا خلال ٤ سنوات لما الدعم يتشال تدريجيا من على ٩٢ و يبقى قريب كسعر من ال ٩٥ ...
و قتها و مع زياده الاسعار للسيارات (كالعاده !!) ... المرسيدس حترجع لسوقها الجيد المعتاد ...
تحياتى ....
عجبني جدا يا باشمهندس الجمله الاخيره ان الخساره الناتجه عند اعادة البيع للبي ام تفوق تكلفة استخدام بنزين ٩٥
شعب غريب جدا بجد
يجيب عربيه بنص مليون و يحرص على وجود كل الكماليات و باصص لل ٣.٧٠ جنيه فرق لتر البنزين اللي لو حسبها في ال ٥ سنين لغاية ما يبيع هيلقى التكلفه لا تتخطى ال ٢٥ الف و في المقابل هيستمتع باداء و عزم اقوى مقارنة ببنزين ٩٢
هههههههه
اصلى انا مكسر دماغى تفكير و حيره بقالى ٤ شهور !!!!!
و انا اصلا زى ما دايما بقول بيمر قديم .. ٤ عربيات من ٢٠٠٠ حتى ٢٠٠٩ ... ثم ٢ مرسيدس من ٢٠٠٩ حتى اليوم :)
يعنى مجرب الاتنين و حافظهم :)
فعلا تشوف العجب فى التفكير و الاراء ... يعنى الفرق بين اول فئه و تانى فئه فى السى الجديده حوالى ٤٥ الف و الفرق مش جوهرى فتحه و ليدات و مرايات ضم ... و رغم ذلك كله بيروح للافانجارد ... و يجى عند ال ٩٥ و يعمل ناصح !!! ههههه
مع انه لوحسبها حيلاقى ان الفرق ده لو وفره فى الاول يكفيه يحط ٩٥ عدد ٦ سنوات .....
بخصوص البى ام حدث و لاحرج ... عندك كسره الزيرو فى الفئه ال ٣ مش اقل من ٣٥ الف ...
طبعا فى الخامسه و ال x3 مش اقل من ٧٠ الف !!!
طبعا الى بيبيع بيطلب اكتر ... لكن الواقع حاجه تانيه ... و لو لسه عايز يبيع بيخضع للواقع ...
من حوالى شهر البافاريه اسكندريه كان عندهم ٣٢٠ مو اخر ٢٠١٤ عامله ٤ الاف كم حاله كسر الكسر ... و اتباعت على
٤١٥ + ضمان اضافى مثل الجديده .. طبعا هما واخدنها من صاحبها ب ٤٠٠ !!!!! فى حين ان الزيرو ب ٤٤٥ ... ايه رايك ؟؟؟؟
تحياتى ...