عربيتى بتسخن فى التلج ده تخيلوا !!!!!!!!

السلام عليكم

انا عربيتى بتسخن بسرعه وساعات امشى عليها يجى 20 كيلو وبعدين تبتدى تسخن
دايما امبير الحراره عندى عايز يعدى ال90 ودوره التبريد كلها زى الفل ريداتير الومنيوم صينى
مياه خضرا ترموستات فرنساوى جديد 68/85 مروحه قويه

وكمان لما اجى ابطلها لازم تترج ومبترضاش تبطل الا لما افتح واقفل الكونتاكت كذا مره رحت
لكهربائى قالى مفيش كهربا عاليه خالص والميكانيكى ظبط الكهربا والهوا وبرضه مفيش تحسن

تفتكروا يكون المشكله من ايه ولا المشكلتين ملهمش علاقه ببعض ولا ممكن يكون التقسيمه عايزه تتظبط والميكانيكى معرفش يظبطها كويس وهو بيغير الكاتينه ؟

انا معلوماتي عن العربية انها بتسخن بسرعة وبس على كدا !!!
كانت مع واحد صاحبي اشتراها وفاهمها كويس ولما سألته عنها وعن الكلام الى سمعته وضح لي انها مواصافات اوروبية ونظامها كده وهوا بيعرف يتعامل معاها وما بتسخنش منه بس لو ادها لاخوه ممكن العربية تسخن اوي وفي حاجة في تريح الغيارات . انا مش من ملاكها ومعنديش معلومات كتير عنها بس تجربتي معها عن طريق صديقي وبس على كدا . : ) ان شاء الله حد يفيدك اكتر و يوضح اكتر .

الأخ العزيز هناك بعض الإستفسارات احبك ترد عليها اولا موديل العربيه ايه , الموتور اللي راكب بتاعها والا متسقط , نوع البنزين اللي بتستخدمه ايه , انت مغير كاتينه ضبطت كهربا وتاكيهات والا لا , ثرموستات الكوعة راكب والا متشال , حالة البوجيهات ايه , الحرارة بتعدي التسعين بقد ايه , فيه مشكله في الدوارة بعد التبطيل بفتره , الكربراتير اخر مره عملت له صيانة امتي وهل بلف cut off في الكربراتير شغال والا معلق ارجو انك تقولنا هذه المعلومات وان شاء الله سهلة

استاذ ايهاب بعد التحيه.
لو عندك صور لأجزاء الكربيراتير تفيد اكتر او رسم توضيحى تعمله بإيدك هيفيد اكتر.