الموضوع: الأعضاء الكرام محتاج خبرتكم فى تركيب انذار سيمفونى

السلام عليكم ورحمة الله وبركاته

أعضاء منتدانا الكرام

ان شاء الله سوف اشترى انذار سيمفونى تايوانى

ومحتاج خبرتكم فى هذا الانذار

وطبعا انا عندى انذار SPY 2 WAY ولكن مشكلتى معه فى الريموت الفولدينج

وايضا هذه الأيام ظهرت مشكلة ريموت الشاشة الخاص به بعد استخدام 4 شهور أصبحت زراير الريموت لاتعمل بكفاءة والتعليق كثير جدا لدرجة أننى غيرت بالريموت الآخر اللى من غير شاشة

ومش عارف ليه الشركة المنتجه له مش بتعمل ريموت به جميع امكانيات ريموت الشاشة ولكن بدون شاشة بمعنى ان الريموت تكون خامته قوية وفيه فايبريشن وضوء وصفارة انذار عند فتح الباب او اى من ابواب السياره أو تدوير السياره

وطبعا قبل ان يرد أى عضو كريم ويقول ان هناك مشكلة فى انذار SPY 2 WAY

أقول له ان انذار SPY 2 WAY من أكفأ واقوى الانذارات التى شاهدتها فى حياتى بالاضافة لمواصفاته المميزه

ولكن مشكلة ريموت الشاشة عايز استخدام بحرص شديد من الصدمات والوقوع على الأرض والحفاظ عليه وطبعا مش حشترى كل كام شهر ريموت ب 145 جنيه والريموت ليس موجودا على طول عند المستورد لأن طبعا المستوردين لهم مواعيد محدده لاستيراد بضائعهم

واساسا مشكلتى مع الريموت هى استخدام ابنى للسياره
وطبعا الشباب غير كبار السن فى استخدام السياره

وعشان كده كنت عايز ريموت فولدينج اساسا من أجل ابنى

وطبعا ان شاء الله سأحتفظ بانذارSPY 2 WAY فى السياره بكل توصيلاته ولكننى فقط سألغى فيوز الكهرباء الخاص به وعند وجود ريموت الفولدينج له وياريت يكون بنفس مواصفات ريموت الشاشة ولكن بدون شاشة كما شرحت بعاليه سوف أعود مرة آخرى لهذا الانذار الرائع

ونيجى لموضوعنا عن انذار سيمفونى التايوانى وجدت فى الموقع الخاص بالشركة المستورده له عدة موديلات منها V650 و V900 ومش عارف الفرق بينهما لأنه لايوجد شرح على الموقع






وأرجو ممن له خبره فى هذا الانذار أن لا يبخل علينا بخبرته بفضل الله

وتقبلوا منى كل تحية وتقدير